WARA'AMI 62:1 - Biblía Axweesantá Hhohho' ar Mungú 2004

¹ Aníng Mungú un daamaraám ar qitla, ba/amar'eé' amór i dahh a amoorós.

Ya/abtór hho' 1977

¹ Aníng Mungú un daamaraám ar qitla, ba/amar'eé' amór i dahh a amoorós.

WARA'AMI 62:1 Iomraidhean Croise

1 QOM'I 25:1

Waawutmo Daudi nee geeraharuusér tlahhoó Laáwi, muu bahh'alé baraá xwaylár Asafu nee ar Hemaniwo nee ar Yedutuniwo kuna tsawaár, as gadiyér sluufmis nee tawa aaririn ar xooslaá daa'aangw adór gidaandoori nee mariímba nee mitingiraay. Múk taa tsawaár as gadiyeérí a kwí:

1 QOM'I 25:3

Daaqoó Yedutuni a kwí lahhoó': Gedalia nee Seri, nee Yeshaya, nee Shimei, nee Hashabia, nee Matitia, inooín kina geerahaár nee baabuúín nee nina aariiriné' ar gidaandoori, nee AAKOÓ MUNGÚ nguwa sluufmiisiya' nee nguwa xirfayemiisiya'.

WARA'AMI 121:2

Laatí, alee/isay'eé' i dír AAKOÓ MUNGÚ, kudá' doori nee yaamu gaa tleehh.

WARA'AMI 123:2

Adór sagadiyuuse aakoodá' ta sagadiyuusi kur harahhifi, adoodá' sagadiyuso'o aayoodá' i sagadiyus ngir harahhif, adoorí an adoodá' ilaarén AAKOÓ Munguúrén ngur ga/aya', ay dír inós atén tay gurtlay.

WARA'AMI 25:5

Án geeraharáng ar looeemawók nee intsaahhatisáng. Asma kuúng an Munguú ba/amar'eé', án kuúng un harahhiíf umuú daqto.

WARA'AMI 27:14

AAKOÓ MUNGÚ na harahhifeek! Ilakaahareés, muuna hhe'eés, AAKOÓ MUNGÚ na harahhifeek!

WARA'AMI 33:20

Atén AAKOÓ MUNGÚ un harahhifaán, inós an alee/isayrén nee baqmoorén adór gaamboót.

WARA'AMI 37:39

Nee ba/amár múk hota ganaá' ni amór AAKOÓ MUNGÚ dáhh. Asma inós an baqmoó qoomár slahh'amko.

WARA'AMI 37:7

Dír AAKOÓ MUNGÚ i xasliiteek, inós ku daán ar qitla. Kurkeér heé adoorós tidá' ar al/ayma ga ya/a/aám, nee mukdá' lohuín kudá' tlakw ngaa muruú wa slaye'.

WARA'AMI 39:1

Ana oó', «Inkihhimu un tleéhh baraá muruudá' ni tlehhiita, as kahhó' mawa dakuús. Afkwe'eé' un har óh, qoomár múk tlákw bira haratseewúy.»

WARA'AMI 40:1

Aníng AAKOÓ MUNGÚ una daám ar qitla, /aa/ee'eé' giri iiárií qaás, niri amor'eé' i warqáy.

WARA'AMI 62:2

Inós kilós an tlaa/ar'eé' nee ba/amar'eé', a koo/ír gawit ar iga harwet, ti baloó dingisiiká.

WARA'AMI 65:1

Mungú, kuúng xirif usa hariín gawaá Siyoniro, nee amór kuunge al'axweesantarén ka boo/eesaán.

WARA'AMI 77:1

Mungú un i /aa/amiím ar afór ur, un i /aa/amiím as kahhó' inós aníng iwa axaasi.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 40:31

Ala kudá' sleémeero AAKOÓ MUNGÚ harahhifá', inooín /uuruú /abén ngu slaslayá', inooín tari adór gwaresuú wa gáwtí tláy ar hhampe'eeri. Inooín nin ti'ii'iná' ta baloó slaaqatiiká, tan hi'iimiit ta baloó nusqumiitiiká.

YEREMIA 3:23

Looeemaawo taa kiloorén al/ayaán tawa munguaá hatlá' sluufmisuú awaán gawaá sagér tlom'i. Looeemaawo ba/amár múk Israeli amór ni dahh a amór AAKOÓ MUNGÚ, Munguúrén.

WA/AA/I 3:25

AAKOÓ MUNGÚ ku hhoó' dír kudá' ngu harahhifita'a, ku hhoó' dír kudá' sleémeero ngu leelehhitá'.

WA/AA/I 3:38

Muruú tlákw nee oo hhoe dír ni daraahhi a baraá afkú Kudá' Gáwtí diriaakáhe?

Yakobo 5:7

Gawaá adoorihe, hhaee'eé', qiqtliimé' ay dír hardahamuú Aako. Qaytsiité', dooslusmo adór ir qiqtlaatlin qoomár bu'uungós oo afhhamít nguwa daamaaran baraá qaymoorós. In qiqtlaatlín iimír tluwoó saxi ay tluwoó buhaare.