WARA'AMI 60:3 - Biblía Axweesantá Hhohho' ar Mungú 2004

³ Ala mukók ugwa al'iiloouúr, as buhhtaawók atén tari adór múk taa difaáír waahaás, atén tari oonimiitaán.

Ya/abtór hho' 1977

³ Ala mukók ugwa al'iiloouúr, as buhhtaawók atén tari adór múk taa difaáír waahaás, atén tari oonimiitaán.

WARA'AMI 60:3 Iomraidhean Croise

NEHEMIA 9:32

«Gawaá adoorihe, aá Munguúrén, Munguú úr oo /uuruú koóm nee oo dae tlaáq, kuúng alqadorók an ohiín nee sla'aarirók i warqeeraaká, slahh'amaayedá' atén taa sleer nee waawitaárén, nee múk urén nee kaahamuuseero nee aaruseerene, baabi'iirén nee mukók sleémeero iimír qoomár waawituú Ashuru ay laarí, kuúng ma gár niiná wa araar.

WARA'AMI 71:20

Kuúng iga slahh'amuú yaariír i hanís ala i malé slafís iri /uurií dók, iri afkú bohóngw wa ki/ís.

WARA'AMI 75:8

Asma AAKOÓ MUNGÚ buhhtaawo aa qa/iít adór qwaree/amoó difaáiro aa haats, ar taa aleedoók ar muruú tsu/uút, inós gari wahaas ar múk tlákw ay dír ngay tsaanqasiya'.

WARA'AMI 80:4

Xáy AÁKO, Munguú Aleesleemusmo, ay xaylá firór mukók kas qa/iimit?

WARA'AMI 80:8

Sabiíbuú Misrír daáhh nguna húp, xoordu kiri gús kway dahás.

WARA'AMI 85:5

Tin ii buhhahhiínda ay alhhe'eesay wasle? Xarasleemawók i kumaamitiía umuúqo qarto?

WARA'AMI 89:39

Alqadoodá' kuúng taa ó' dír sagadiyusmoowók aga meér, nee slamangós kuduú waawuti'iima ugwa kwáhh baraá teerír i alé.

ISAYA 51:17

Tlawáng aá Yerusalemu, sihhtanooro gaalalaa'aát, AAKOÓ MUNGÚ iga wahaás ar slooqomoó buhhtaawós, kiíng un tsaanqás wahto tari ta/amít.

ISAYA 51:22

AAKOÓ MUNGÚ Munguúwók, kudá' mukós aleekal/aám, i kaahi, «Ga/aawaak, án slooqomoodá' nura oonitís ugwa hingeés. Kuungá' slooqomooduú buhhtaaeé' u wata'aaká.

YEREMIA 25:15

AAKOÓ MUNGÚ, Munguú múk Israeli, aníng ina báy, «Areek, xooslmoowú gawaá dakw'eé' oo difaáír buhhtaeene haáts, huweek amór xoorduudá' kuúng uy ya/aaw, wahaaseek.

WA/AA/I 4:21

Qwalaala/é' nee qaseesemé' daxta, kuungaá Edómu, kuungaásingá' yaamaá Usír hootá', ala xooslmoowuú sakwasleema kungu dirhúng i haniis sleeme as kuwa wata', tay oonimitá' tlabaahúng kay kwakwahhá'.

DANIELI 9:12

Axweesantók tidá' taa ó' aga gawdés daandemoorene, nee dír waawitaárene, as gixsár Yerusalemu kawa ló'wa sláhh, ak alé ta gixsadaá hatlá' sleémeero awa daanduú yaamuwo.

HABAKUKI 2:16

Gár tawa háts a mureekesaay ta xirfuuwo, kuúnguú kilá' na waheek daqaní ta ta/amít, kuúng tari adór heé ta hheehhe'eesiiká. AAKOÓ MUNGÚ kuúng u wahaas ar aleesleemuuwós, mureekesoó yaariír u dabár ót ta xirfuuwo.

Geehhoeemaá 16:19

Gixsadá' ur kari qasmiís badu tám, nee gixsadaá xoordu niri yaamií paahhiyé'. Mungú gixsadár Babuloni, tidá' ur, gari insláy, gari xooslmoó wahángw i haniís oo buhhtaawós kudá' xaraaslá'.

Geehhoeemaá 18:16

Tari oín, «Hhiintluuwós ku gawít, Gixsadá' ur, tidá' taa tsiitiís ar inqwaruú /awák oo taa tleéhh ar kitaánír hhohho', nee inqwaruú sirda/atén nee oo da/atén, tidá' taa parootuús ar sahaábu nee ar tlaa/edá' tlaxo uren nee ar kwaslaá hhohho'.