WARA'AMI 60:2 - Biblía Axweesantá Hhohho' ar Mungú 2004

² Yaamu ina diingís, niri feehhitiyé'. Didá' aa feehhit amohhe'eeseek, asma i diingiín.

Ya/abtór hho' 1977

² Yaamu ina diingís, niri feehhitiyé'. Didá' aa feehhit amohhe'eeseek, asma i diingiín.

WARA'AMI 60:2 Iomraidhean Croise

2 SAMUELI 22:8

«Yaamu niwa daaraxaatiyé' nee nari dingitiyé', iihhafirír doori iri taa/aán, iri /akút as Mungú iwa buúhh.

2 SAMUELI 8:1

Alaá kaangwihe Daudi múk Filisti guri muúx, guri baál. Gixsár Meteg-ama, tidár múk Filisti, gari hayóh.

1 QOM'I 18:12

Naagáy Abishai garmoó Seruya múk Edomu oo kume mibaá nee dakaát guna tsuú/ dír Xatstá Diwtá wá alé.

1 QOM'I 18:3

Sleeme Daudi iri haratláy amór Hadadeseri, waawutmoó Soba, yaamaá iisaapoó Hamati, qoomár Hadadeseri iwa yaamaá yaaér Eufratér hayoohár wa slai.

1 QOM'I 18:5

Qoomár múk Aramu oo Damasko ngiwa axaás adór Daudi nee waawutmo Hadadeseri oo Soba tara slaáqw, inooín Hadadeseri nguna alee/iisár ayé'. Daudi múk Aramu oo kume mibeeri tsár nee tsár guri tsuú/.

2 QOM'I 7:14

barnaxes muk'eé' kwí birta tsatsaa'areés nee iri firiné', nee iri leeleehhiyé', nee tlehhmi'ii'ín kudá' tlakw ngiri mayé' tlehhtuuwo, aníng inooín i axaás gawaá doorí wa ale nee tlakweemaaín in gurtláw, nee diihhooa ngi slayá' baraá yaamuuine.

YOBU 5:18

Asma inós hee gun slahh'eemiis, slamí guri malé hubín baraá slahh'amuuwo, Inós hee gun muux guri hungu/uumiis.

YOBU 9:6

Inós yaamu gin dír kitangw'ín wa dingiis, uheemaá yaamu niri dingitiyá'.

WARA'AMI 104:32

Mungú yaamu birnga i qaytsiít, nin daaraxatiyá'. Tlom'i birnga kwatiít, nay quuiyá'!

WARA'AMI 114:7

Kuungá' yaámu, daaraxaté', dír geeraá AAKOÓ MUNGÚ, eeít, dír geeraá Munguú Yakobo,

WARA'AMI 18:7

AAKOÓ MUNGÚ iwa buúhh, yaamu nina dingitiyé' nari daraaxatiyé'. Iihhafiirír tlom'i iri dingít.

WARA'AMI 89:40

Koo/ír gixsarós aga fé/, koo/irós tidá' gawit aga tangu tléhh.

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

ISAYA 30:26

Baalaadae slahhaangw in gwa/aat ar adór tsee/amá, nee tsee/amá in gwa/aat sagáwa faánqw wa alé, adór tsee/amuú deelo faanqw kuna baalár wák gwa/atís. Adoorí i tleehharút bál AAKOÓ MUNGÚ mukós kudá' aa muúx burngwa huungu/uusár áy, nee inkaahha'aá mukós birnga tseegár áy.

ISAYA 5:25

Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

ISAYA 7:8

Asma ságw Aramu a Damasko, nee oo Damasko a Resini, (nee baraá kureeraá mibeeraá lahhoó' nee kooane Efraimu in qeqtín, as miwa baloó tlahhoó muu tleehhiít.)

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

YEREMIA 14:17

AAKOÓ MUNGÚ aníng ina báy, as muu nguwa kángw baw daanduú gurhaamir'eene nee nay oó', «Masók hhirhheeraá ilaaeé' nin wa/aminá' tlaatla/aangw nee xweeraawo, masók an kumaamiít /aa/eewo, asma muk'eé' kwa ló'wa hariiáy, nee kwa ló'wa slahh'eés.

YEREMIA 30:17

AAKOÓ MUNGÚ i kaahi, aníng kuungá' nu slaqwa hhooárí ki/ís nee inkahhi'iihúng i hungu/uús. Tam kuungá' tunda bayi, ‹Múk taa kwaáhh, gixsár Siyoni, tidá' ta amohhe'eemisiiká.› »

YEREMIA 4:24

Aníng ana qaytsiít gawaá tlom'i, naxés tlom'i i daaraxiyá', nee gongooama' i diinginá'.

YEREMIA 48:38

Gawaá daandeemaá maraá Moabuwo nee baraá lohdaá urene gár hatlá' i káhh aqo har tsuunqusmo kilós. Asma aníng múk Moabu ugwa kwaáhh adór xooslmoó hee aa sií'. Anuú AAKOÓ MUNGÚ tí ngina oó'.

WA/AA/I 2:13

Kuungaá múk Yerusalemu, gár nu baw, gár nur alqoomees? Kuungaá múk Siyoni gár nur alqoomees, as kahhó' nuwa gurkwa/as? Asma adór tundura hhitín ka ló'wa ur, heé kuungá' huungu/uusaro nu aleesláw a heemá?

ESEKIELI 34:16

«Bee/angwdá' aa qwaar un leelehhtuú áw, nee kudaádá' tawo hi'iimiít un amór dó' i ki/ís. Kudaádá' aa qeqtin un tlaawiím, nee kudá' litlakwén aníng in /uurií qaás. Ala bee/ángw slaqo hhó' nee kudá' /uuruú koóm un hhaamiís. Aníng bee/aangw un de'eém adoodá' kus hariím.

HOSEA 6:1

Qwalaasé', a amór AAKOÓ MUNGÚ i ki/aán, inós atén tina karslamiís nee inós atén tin hungu/uus, inós tina tlaqamiís, nee inós inkahhi'iirén ngin tseek.

AMOS 8:8

Gawaá adoorihe yaamu niri daaraxatiyá', nee kudá' baraadá' hootá' niri tsuunqumisiyá'. Nin tsa/aná' nay aweeriyá' adór ma'aá yaaér Nili ir hatsina' niri /aaruyá'.»

HABAKUKI 3:10

Tlom'i uwa ariyé' nina daaraxaatiyé'. Alwuór ma'aay iri waaráhh, iloo niri xuuruuiyé', /ur/urti'ín iri gáwtí tsifaaqamít.

Matayo 27:51

Inqwaarír baraá Doó Mungú, ar do' gwa qasis, iri tla/a feehhít gáwtá wa ale ay baraay. Yaamu nay daaraxaatiyé' as kunseeli, tla/u nay feehhamitiyé',