WARA'AMI 60:1 - Biblía Axweesantá Hhohho' ar Mungú 2004

¹ Aá Mungú, taa kwáhh, baqmoorén aga giqeér, kuúng aga búhh. Na'ás, ti malé adoodár aáng i ki/is.

Ya/abtór hho' 1977

¹ Aá Mungú, taa kwáhh, baqmoorén aga giqeér, kuúng aga búhh. Na'ás, ti malé adoodár aáng i ki/is.

WARA'AMI 60:1 Iomraidhean Croise

2 SAMUELI 10:16

Hadadeseri mukduú Aramu oo gayuú yaaér Eufrate guri i ya/abín kunguwa huwi. Kunguri huúw ay Helamu, kiwa geerahari nee Shobaki geeraharusmoó úr oo slawtá slaqwarár Hadadeseri.

2 SAMUELI 5:20

Naagáy, Daudi iri hardáh dír ta bay Ba'al-perasimu, didae múk Filisti guri baál. Aluuwo iri oó', «AAKOÓ MUNGÚ wakuuser'eé' gana haraahuúw geeraaeé wá ale, adór alwuór ma'aay ar aa gaanslár waarahh.» Gawaá adoorihe didá' ka bay Ba'al-perasimu

2 SAMUELI 8:14

Xafoó múk slaqwara guri tleéhh baraá yaamaá Edomu sleémeero. Múk Edomu sleémeero tari lawaaleerós. AAKOÓ MUNGÚ Daudi guri baalírií haniís umuú dír aa qo kayi.

2 SAMUELI 8:3

Daudi Hadadeseri garmoó Rehobu, waawutmoó Soba, guri malé baál. Daudi ina baalín qoomár Hadadeseri iwa loohírí dirii'i, qoomár iwa yaamuudaá yaaér Eufratír ki/isár ay bartá waawuti'iimarós.

2 WAAWITÁ 14:7

Amasia múk Edomu oo kumér mibaangw guna tsuú/ dír Xatstá Diwtá wa ale. Gixsár Sela gari /uurúr hayóh, gari umuú /abén i tsaát, gari báy, Yokte'eli. Tam ay laarí umuú yaamuudá' aqo kudá' inós aa tsaát.

1 QOM'I 18:3

Sleeme Daudi iri haratláy amór Hadadeseri, waawutmoó Soba, yaamaá iisaapoó Hamati, qoomár Hadadeseri iwa yaamaá yaaér Eufratér hayoohár wa slai.

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

2 QOM'I 25:11

Waawutmo Amasia iri muna hhe'eés tari tláy slaqwaruuserós gay geerahaár ay xatstá diwi. Tari didá' wa slaáqw nee múk Seiri, múk Seiri oo kume mibaangw kuri tsuú/.

WARA'AMI 108:11

Xáy Mungú, taa tawo meéri? A kumitakáhe tiwa koonda' nee boohharén ar askaári.

WARA'AMI 44:9

Tam adoorihe kuúng ta daanduú xu'ús tiri mureekés. Slám nee slawemaá bartaarén taa alkoondi'iiká.

WARA'AMI 59:1

Munguúeé', aníng tu/áng dír wakuuser'eene, baqáng dír kudá' naa amor'eéní haratlay'i.

WARA'AMI 59:11

Wakuuser'eé' ma tsu/aar, aluuwo muk'eé' miwa gunqaruút. Diyaa/eek ar aleesleemuuwók nee kiwa slahhe'es, aá Mungú, kuúng an baqmoórén.

WARA'AMI 60:10

Mungú, kuúng atén taa tsuwa kwáhhi? Kuúng nee slaqwaruuseerén ti alkoondá'aáke?

WARA'AMI 74:1

Aakoó Mungú, asma waáy, atén mista sí' ay alhhe'eesáy wasle? Ahaá, buhhtaawók mis xaraasliyá' dír bee/ángw qawtantoge?

WARA'AMI 79:5

Aá AAKOÓ MUNGÚ, buhhtaawók ki alhhe'eesay wásle? Ay xaylá buhhtaawók iwa ohaahina' adór asltá wa ale?

WARA'AMI 79:9

Na'ás Mungú, ba/amusmoorén, atén ti ba/amis as xirfuú umuuwók, tlakweemaarén gurtlaweek ar umuuwók.

WARA'AMI 80:1

Kuúngusuú de'eemusmoó múk Israeli, iia qaaseek, múk Yosefu geeraharaahareek adór daqooroó bee/aangw. Kuúngudá' aga gáwtí iwit dír malaykeero, xirfuuwók gwa/atiseek.

WARA'AMI 80:3

Xáy, Mungú, atén ti malé /uurií ki/is, nee atén ti ilaa'aan, daqaní atén a ba/amán.

WARA'AMI 85:4

Atén ti qwats, aá Mungú, ba/amusmoorén, buhhtaá ta koon daandeemoorene hingeeseek.

WARA'AMI 89:19

Kuúng iimír aange sagadiyuuseerók ana baraá iigu'utúr beér, «Slamángw waawuti'iima ugwa haniís dír heé wák oo pihh'uumár koóm, ugwa xirfayeés kudá' aníng naa tsawaár baraá tla/ángw múk wa ale.

WARA'AMI 89:3

Kuúng ana ó', «Alqado aga qaás nee hee'eé' oo wák kudá' naa tsawaár, lo'o aga /aáy as sagadiyusmooeé' Daudi,

WARA'AMI 89:38

Ala daxta kuúng waawutmoowók kudá' taa iimbaláx ugwa i búhh, ugwa geexeér nee kway sí'.

WARA'AMI 89:7

Mungú ku da'ayuumiit didaádár tlahhoó hhoohhooe. Ku úr nee ku ló'wa ilaiwawaa/ ta kudá' ngwa harweerii'i.

WARA'AMI 90:13

AAKOÓ MUNGÚ, buhhtaawók i kumaamitir ay xaylá? Ki/áng sagadiyuuseerók gurtlaweek.

SEKARIA 10:6

Aníng doó Yuda un /uurií qaás, án doó Yosefu u ba/amís, án inooín i ki/ís ayaaín asma iga gurtleemuú wa ár, inooín kwaáo' inaqo baloó kwahhiiká, asma aníng a AAKOÓ MUNGÚ, Munguúín. Aníng firor'ín a axaás.

1 SAMUELI 13:11

Samueli iri oó', «Ma /imís?» Saulo iri oó', «Qoomár ngiwa ár muu iwa diyaa/amiiti amór saáwí alé dir'eene, nee kuúng naa hardatká deeloodá' taa axweesani, slám amoorqae múk Filisti aa dinkwárí burumburiít baraá Mikmashi,

1 SAMUELI 4:17

Heewí kaangwí gwa huuw iri oó', «Múk Israeli aa goów geeraá múk Filistír wa ale, slám múk yaariír kwa tsuú/, tam daaqaywók tsaraawo, Hofni nee Finehasi, kaa tsuú/ sleeme, nee sandakmoó Mungú kwaa hayóh.»