WARA'AMI 6:10 - Biblía Axweesantá Hhohho' ar Mungú 2004

¹⁰ Wakuuser'eé' sleémeero i murút, nee iri amoqwát, i alií ki/iyá' ar gaanslaay tay muruut.

Ya/abtór hho' 1977

¹⁰ Wakuuser'eé' sleémeero i murút, nee iri amoqwát, i alií ki/iyá' ar gaanslaay tay muruut.

WARA'AMI 6:10 Iomraidhean Croise

2 WAAWITÁ 20:5

«Alu i ki/eek, Hesekia, geeraharusmoó muk'eé' baweek, ‹Anuú AAKOÓ MUNGÚ, Munguú baabuúwók Daudi a kah, Aníng firoorók aga axaás, nee hhirhheriiwók iga ár. Ga/aaweek, aníng kuúng u hungu/uús, nee bál tame kuúng ta daqeér baraá Doó AAKOÓ MUNGÚ.

YOBU 6:29

Na'asé', gimsé' daxta, tlakweema mindiwa kumitiyé', asma aníng a gan'amuú koóm.

WARA'AMI 112:10

Múk tlákw kaangwí bur ngwa ár tan buuhh. Inooín ngun /atlií /ayiyá' asma adoodá' kawa sií' ala nari ilaá wá qwaariyá'. Harahhifór heé tlaákw i payshút.

WARA'AMI 132:18

Wakuuseerós an tuuntuúk ar mureekesaay, ala Daudi un slamángw waawuti'iimárií dahaás.»

WARA'AMI 2:5

AAKOÓ MUNGÚ giri naanaáq ar buhhta, giri dae tlaáq ar buhhtaawós awa xaraaslá', iwa kaahi,

WARA'AMI 25:3

Ar ló', kudá' kuúng u harahhifá' tumu wák mukuwa mureekeés, ala kudá' al/aymár tlehhiitá' tawó alé i muruutiye'.

WARA'AMI 35:26

Kwisingá' slahha'amkwe'eé' ngu saqwalaala/á', ki mureekeesi i amoqwaariye'. Kuká' sleémeero ti gan'ámkwí harafadiitá' ta aninge, ki mureekeesi nee alsi'imu ngu ariye'.

WARA'AMI 5:10

Mungú, kuká' hhaamiiseek! Maweek kwasleemaduuín kudá' tlakw ngi saki/iye'. Tlatlahhaseek asma tlakweemaaín kudá' yaariir. Tlatlahhaseek as kuúng ugwa si'iyé'.

WARA'AMI 55:20

Mulqumooeé' kudá' slahhaá' mulqeerós gaa sakií/. Alqadoorós gaa sií'.

WARA'AMI 7:6

AAKOÓ MUNGÚ, kuúng sihhiitáng ar buhhtaawók, /aátl, wakuuser'eé' arba/eek, Munguúeé', kuúng sihhiít! Kuúng daqisleém a slá' gan'amu kuwa tlehhiiti.

WARA'AMI 71:13

Kudá' aníng tlampa'aamisá' ki mureekeesi, nee ki hhaamisi kudá' aníng i gár tlaakw i sla'á', ki niqin nee ki waaqaai.

WARA'AMI 71:24

Aníng gan'amuuwók un alki/iít tlaatla/aangw sleémeero, asma kaa mureekeés nee kiri niqmís kudá' aníng i gár tlaákw i sla'á'.

WARA'AMI 73:19

Adoorí a adoomá kira hhaamiís ar wa'aá wák, kina suquúy ar adór de'e tlaqa.

WARA'AMI 86:17

Aníng layár hhooeemaawógií laqaamáng, kudá' aníng i ahhiitá' layaarí ngi ariye' nee ki mureekeesi. Asma AAKOÓ MUNGÚ, aníng kuúng iga alee/ís nee iga gurkwa/ás.

AXWEESANOÓ SAGALOOA 29:1

Heé ta gurbuaaín daqtá yaariire bira da/eewa gawdeés, in wa'aá wák ar qeqtín, sleeme i kotsqotiiká.

ISAYA 26:11

Aá AAKOÓ MUNGÚ, dakók ugwa mak gáwtí tlés, ala inooín ngu ara'ariaaká. Ala sla'aarirók tidá' daanduú mukoge u tliw/iim ngi ariye', nee mureekeeseek, asltá wakuuseerók kawa i búhh inooín ngi hhaamis.

YEREMIA 20:11

Ala kuúng AAKOÓ MUNGÚ a dinkwa nee aníng. Dir'eene kuúng a adór migusmoó dae tlaáq. Gawaá adoorihe kuká' aníng i baramaanuusá' i dukuutsiyá', baaliro i aleeslay'aaká. Ki ló'wa mureekees, asma i baalina'aaká. Murér alhhe'eesay wasle ngin slayá', ar taqo baloó gunqareesiiká.

MALAKI 3:18

Daqaní kuungá' kay tsahhá' dimbér awa tlakw nee awa ganaa'á', nee dimbér múk Mungú gu sagadiyuús nee oo gu sagadiyuusaaká.› »

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.