WARA'AMI 59:16 - Biblía Axweesantá Hhohho' ar Mungú 2004

¹⁶ Ala aníng /uuruuwók u daa'ángw wa óh matlaatleero. Sla'aarirók ar warqawaaká an daa'ángw wa óh ar qwala/. Asma kuúng an baqmor'eé', nee dír ni goow baalaadár slahh'amko.

Ya/abtór hho' 1977

¹⁶ Ala aníng /uuruuwók u daa'ángw wa óh matlatleero. Sla'aarirók ar warqawaaká an daa'ángw wa óh ar qwala/. Asma kuúng an baqmor'eé', nee dír ni goow balaadár slahh'amko.

WARA'AMI 59:16 Iomraidhean Croise

2 SAMUELI 22:3

A Munguúeé' nee tlaa/ar'eé', nee an dír guway'eé' ar amoohhoo', a baqmór'eé', a /uuruú ba/amar'eé', a koo/ir'eé' ar gawit nee dír guway'eé', a ba/amusmooeé' in ba/amimis dír múk gurtleemu wasle.

YOBU 15:23

In toongaanuus amooqá' nee tiqae as muruú /ayma leelehhit, iwa kaahi, ‹Kár i amá?› Asma ga xuu' adór gwa'araaro iwa /uy iqo káhh.

YOBU 37:23

I ya/aandaaká Munguú Aleesleemusmo kuwa i hardahaan, /uuruuwós i harqoomoó konká nee kwasleemár ganaa'a. Inós gan'amuuwo aa haáts, hee gu hhitinká.

WARA'AMI 101:1

Aá AAKOÓ MUNGÚ, án kuúng un i daá', daanduú inkihhimuwók nee sakwasleemarók ar ganaa'a.

WARA'AMI 106:8

Ala tam adoorihe gina ba/amís as umuuwós, as aleesleemuuwós oo úr nguwa laqan.

WARA'AMI 138:7

Aníng bar baraá slahh'amaayér i dirií', aníng kuúng i de'eén. Dakók un gan'ás gawaá kudaá wakuuser'eé'. Nee dakók oo /iyáy aníng i ba/amis.

WARA'AMI 143:8

Umuú matlaatleero gurhhooarók ngi ár, asma harahhifor'eé' aga gawaawók i qaás. Axáy loohír nir oh laqaamang, asma aníng muunaáeé' ngwa amoorók xu'ús uwa fiririim.

WARA'AMI 145:11

Xirfuú waawuti'iimarók kuri kah, kángw aleesleemuuwók kuri alki/iit,

WARA'AMI 21:13

AAKOÓ MUNGÚ, atén kuúng u xirfayeemisaán as /uuruuwók. Atén a daa'aán nee /uuruuwók u xirfayeemisaán.

WARA'AMI 30:5

Asma buhhtaawós awa qoomár niina, ala gurhhooarós ar slafiingw sleémeero. Tam xweeraawo /aa/e i daya'a, ala matlaatleero qwala/ iqo deer.

WARA'AMI 31:7

Aníng a baraá/ nee a qwalalaá/ as sla'aarirók ar warqawaaká, asma baramaanir'eé' kuúng aga aán, nee slahh'amuueé' kuúng u xú'.

WARA'AMI 36:5

AAKOÓ MUNGÚ, sla'aarirók ar warqawaaká ka qoomay wasl, inkihhimuuwók i deer umuúqo diiro.

WARA'AMI 4:1

Mungú, kuúng an Munguúeé' oo gan'amuú koóm, firor'eé' iiárií qaaseek qoomár bur ateetiím. Ina alee/ís qoomár niwa slahh'amkuú koom. Án gurtlawáng, firor'eé' iiárií qaaseek.

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

WARA'AMI 5:3

AAKOÓ MUNGÚ, matlaatleero afor'eé' iiárií qaaseek. Matlaatleero án ti amohhe'eés sluufay'eé' nguwa dirógí oo', nee uri daám.

WARA'AMI 77:2

Deelór slahh'amaayer'eene Aako una leeleéhh, dabaaeé' ina gáwtí tleés xweeraawo as nguwa fiririim. Muunaáeé' gurkwa/asa gari sií'.

WARA'AMI 86:13

Asma sla'aarirók ar warqawaaká ka yaariir dir'eene, hhiintluueé' ugwa tú/ baraá gi'ií wa aleeró.

WARA'AMI 88:13

Ala AAKOÓ MUNGÚ, aníng kuúng un i /aa/amiím, umuúqo matlaatlér xawa un fiririím.

WARA'AMI 89:1

AAKOÓ MUNGÚ, sla'aarirók ar warqawaaká a daá' ay alhhe'eesay wasle, aníng inkihhimuuwók u alki/iít dír qari sleémeero.

TI'INAANGW 15:6

Aá AAKOÓ MUNGÚ, dakók oo doó /iyáy xirif gwaa sláy ar /uuru. Aá AAKOÓ MUNGÚ, dakók oo doó /iyayhe wakuuseerén aga naasuúr.

YEREMIA 30:7

Tsaxwa, deelór slahh'amaaye i hi'ít, deelór ta adór tír qoomeesi i káhh, an qoomár slahh'amuú yaariír dír muk'eé' oo Yakobowo. Tam adoorihe inooín baraadae ki ba/amis.

Rumi 15:9

Nee slám Kristo niri hardáh as múk xoordaá hatlá' Mungú kuwa xirfayeesi as gurtleemuuwós. Asma kaa gooín, «Gawaá adoorihe aníng kuúng u tla/ángw múk xoorduú wa sluufmiís, aníng umuuwók u sa daá'.»

2 korinto 1:10

Inós atén taa ba/amís baraá tsaxwaá gwa'arár adór tihe, nee slám ti malé ba/amis. Atén aa harahhifaán inós iwa kumiiti atén tiwa ba/amiimisi.

Efeso 3:20

Mungú i xirfuuti, kudá' muruú waa/oo/amór yaariir gu tlehhiít ar /uuruudá' baraarén wa gadiyuús, ta kudá' sleémeero oo atén ta firiirimaana laqaá ta inslaslaawaana.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.

1 SAMUELI 17:37

Daudi iri oó', «AAKOÓ MUNGÚ kudá' aníng iga ba/amis gawaá afér direerí wa ale, nee afér makaydá' ta bay duúbuuwo, inós aníng i tuu/ gawaá dabaá heequú Filistiro.» Saulo guri báy, «Tláw, AAKOÓ MUNGÚ masók a dinkwa nee kuúng.»