WARA'AMI 59:13 - Biblía Axweesantá Hhohho' ar Mungú 2004

¹³ Hhaamiiseek ar buhhtaawók i qororo'ootiye', as kahhó' muu ngi xui adór Mungú tar waawutmo baraá xwaylár Yakobowo, tam ay alhhe'eesoó yaamu sleémeero.

Ya/abtór hho' 1977

¹³ Hhaameeseek ar buhhtaawók i qororo'ootiye', as kahhoó' muu ngi xui adór Mungú tar waawutmo baraá xwaylár Yakobowo, tam ay alhhe'eesoó yaamu sleémeero.

WARA'AMI 59:13 Iomraidhean Croise

2 WAAWITÁ 19:19

Hám daxta AAKOÓ MUNGÚ, Munguúrén, aníng kuúng un fiririím, ti ba/amis gawaá dakose, as daqaní waawituú baraakaá yaamu ngiwa tsaahhi adór kuúng tar AAKOÓ MUNGÚ, kuúng kilók.»

WARA'AMI 10:7

Gár baraá afkose aa hats a lu'umis nee fola nee /ayta. Gár kuwa inslaáhh a axweesanoó tlákw nee oo tlií/ gun axwees.

WARA'AMI 104:35

Tlakuuse sleémeero ka hhaamisi baraá yaamuwo. Nee tlakuuse miwa male hót. Hhiintluueé', AAKOÓ MUNGÚ diidi'iimiseek! AAKOÓ MUNGÚ xirfayeemiseek!

WARA'AMI 109:17

Muu gun lu'umamis, gimáy, lo'o inós kilós ngu /ak. Ga slaiiká múk hatlá' tsuuqa ngiwa slay, gimáy, tsuuqa mingiwa sláy.

WARA'AMI 59:11

Wakuuser'eé' ma tsu/aar, aluuwo muk'eé' miwa gunqaruút. Diyaa/eek ar aleesleemuuwók nee kiwa slahhe'es, aá Mungú, kuúng an baqmoórén.

WARA'AMI 64:9

Nee muu sleémeero tari da'ayuut, gadiyér Mungú kari alki/iit, nee tlehhmi'iiwós kiri aldakuut.

WARA'AMI 7:9

Tlakweemaá múk tlákw mindiwa kumiitiyé', heé hotaawós ganaa'á' gawdeeseek baraá gan'amu. Kuúng, Aakoó Mungú, kudá' gan'amuú koóm, kuúng an kudá' naaqór baraá mune nee inslawoó muu gu tsee/ariím.

WARA'AMI 83:18

Ngi tsaahhiye' adór kuúng AAKOÓ MUNGÚ, kuúng kilók tar Munguú úr baraá yaamu sleémeero.

AXWEESANOÓ SAGALOOA 12:13

Tlakusmo kun oh nee axweesanoó afkós, Ala heé hota ganaá' in kotsqoot baraá slahh'amuuwo.

ISAYA 54:5

Asma tleehharusmoowók an adór hhawaatuwók. Umuuwós a AAKOÓ MUNGÚ Aleesleemusmo, nee kudá' hhoohhoó' oo Israeli an gweerusmoowók. Inós an Mungú daanduú yaamu sleémeero.

ESEKIELI 38:23

Adoorí an adoodá' xoordu sleémeero hhohhoarir'eé' ngir ariya'. Aluuwo aníng iri tsaahhiya' adór tar AAKOÓ MUNGÚ.»

ESEKIELI 39:7

Umuueé' kudá' hhoohhoó' muk'eé' oo Israeli guri tsaahh, slám a baloó ya/amaaká umuueé' kudá' hhoohhoó' kuwa male slasla/areesi. Nee xoordu sleémeero ngiri tsaahhiyá' adór aníng tar AAKOÓ MUNGÚ, kudá' hhoohhoó' oo Israeli.

DANIELI 4:25

Kuúng tu guus dír muko. Kuúng tari hót nee makaá baraá sla/a, gitso a /ák adór slér wá ale, har'uú doori uri na/aas. An baraá sla/atá wa hót kureeri faanqwe, ay dír kay tsáhh adór Mungú ir baaliilín baraá waawuti'iimár muko, nee inós waawuti'iima gan haniis dír kudá' ngir slai.

FAARO 32:13

AAKOÓ MUNGÚ ina daa/atúy buhhtaawo amór múk Israeli, giri baraá xaanxáy wa harweeritamaamís kureeri mibeeri tsiyáhh, qartadá' sleémeero tlakweema gaa tlehh dír geeraawose iri hhaán.