WARA'AMI 58:11 - Biblía Axweesantá Hhohho' ar Mungú 2004

¹¹ Muu iri ooi, «Ar looeemaawo bu'tuú heé ganaá' i deer. Ar looeemaawo Mungú i deer oo sakwasleemuút baraá yaamuwo.»

Ya/abtór hho' 1977

¹¹ Muu iri ooi, “Ar looeemaawo bu'tuú heé ganaá' i deer. Ar looeemaawo Mungú i deer oo sakwasleemuút baraá yaamuuwo.”

WARA'AMI 58:11 Iomraidhean Croise

WARA'AMI 107:42

Múk hota ganaá' adoorí gan tsatsahhán, nee i qwalalaa/, ala múk tlákw sleémeero kwa xasltís.

WARA'AMI 18:20

AAKOÓ MUNGÚ ina gár hhoó' i tleéhh asma aníng niwa ganaa', nee ina tsuúq as dabahhohhoaarir'eé'.

WARA'AMI 33:18

Ga/aaweek, iltá AAKOÓ MUNGÚ i dír kudá' ngu ilaiwawa/á', kudá' sla'aarirós ar warqawaaká ngi harahhifá',

WARA'AMI 52:8

Ala aníng a adór xa'anoó naá/ oo seituúni, oo naa baraá Doó Mungú wa ti'iit. Sla'aarír Mungú ar warqawaaká an harahhiíf, ay kureeraá kureér.

WARA'AMI 64:9

Nee muu sleémeero tari da'ayuut, gadiyér Mungú kari alki/iit, nee tlehhmi'iiwós kiri aldakuut.

WARA'AMI 67:4

Xoordu i baraa/iye', eeít, i daaiye' ar qwala/, asma kuúng muu u sakwasleemút ar gan'amu, nee xoordaá baraá yaamu ki geeraharahát.

WARA'AMI 68:24

Mungú, muu kuúng ugwa ár nee mukók tawa al bar/a', kuúng Munguúeé', waawutmooeé', ta ár nee muu tawa tsa/aanda' ay dirók tidá' hhoohhoo'.

WARA'AMI 9:16

AAKOÓ MUNGÚ taa geehhoeés, sakwasleemarós gaa boo/eés, tlakuuse gaa óh ar gadiyér dabaaín.

WARA'AMI 9:8

Inós múk baraakaá yaamu gun sakwasleemuut ar gan'amu. Muu gu sakwasleemuut ar barqaanti wasle.

WARA'AMI 92:15

Kan alki/iit adór AAKOÓ MUNGÚ ir gan'amuú kón, inós an tlaa/ar'eé', baraawose al/ayma i káhh.

WARA'AMI 94:2

Kuúng an kudá' muu sleémeero gu sakwasleemuút, sihhiitáng, múk dara/aám sakwasleemuuteek adoodá' inooín wa hariim.

WARA'AMI 96:13

dír geeraá AAKOÓ MUNGÚ, kudá' hardáh. Asma inós ni hardah as yaamu ngiwa sakwasleemuuti. Yaamu gin sakwasleemuut ar gan'amu, xoordu sleeme gin sakwasleemuut ar adór qoom dirose.

WARA'AMI 98:9

Baraa/é' dír geeraá AAKOÓ MUNGUHE, asma ni hardah as yaamu ngiwa sakwasleemuuti. Xoordu sleémeero gin sakwasleemár i tleehh ar gan'amu. Gin sawaawuti'ín ar barqanti wasle.

ISAYA 3:10

Múk hota ganaá' ádbawaak adór inooín tar tsiní, asma inooín mamaá tlehhmi'ii'ín ngi /ayiyá'.

MALAKI 2:17

AAKOÓ MUNGÚ ugwa slaaqatisé' ar /aymi'iihúng. Ala kuungá' a kata', «/Ayma'aá kura slaaqatiisaán a gaalá?» Asma tawa kata', «Umuúqo heé tlakweemaá tlehhiít ku hhoó' dír ilaá AAKOÓ MUNGUHE. Inós múk adór kwí gun sa qwalalaa/,» laqaá tawa kata', «Munguúdá' sakwasleemár ganaa' ga tleéhh i amá?»

MALAKI 3:14

Kuungá' ana katé', ‹Slaasláwár dáw i káhh, Mungú kuwa sagadiyuusi. Gár naa slawaán a milá hara'ayaarós kawa oohaán, nee tawa daqawan ar gurhaami dír geeraá AAKOÓ MUNGÚ Aleesleemusmo?

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.