WARA'AMI 56:4 - Biblía Axweesantá Hhohho' ar Mungú 2004

⁴ Ar alee/isoó Munguhe axweesantós an xirfayeés. Mungú ugwa harahhiíf, a da'ayuutaaká, hee gár i /iisi a milá?

Ya/abtór hho' 1977

⁴ Ar alee/isoó Munguhe axweesantós an xirfayeés. Mungú ugwa harahhiíf, a da'ayuutaaká, hee gár i /iisi a milá?

WARA'AMI 56:4 Iomraidhean Croise

2 QOM'I 20:3

Yehoshafati iri ló' wa da'ayuút, AAKOÓ MUNGÚ guna ló'wa firín nguwa gan'aasi. Afo gari ilahariís dír muu sleémeero oo yaamaá Yuda as tawa gwaawin.

2 QOM'I 20:4

Muu sleémeero oo yaamaá Yuda iri burumbuuriít baraá gixsár Yerusalemu as alee/isaay nguwa firina' dír AAKOÓ MUNGÚ.

WARA'AMI 118:6

AAKOÓ MUNGÚ i bartaeé', heé ni da'ayuumiit a heemá? Hee aníng mi /iis?

WARA'AMI 119:160

Iihhafiirír axweesantók a looeema, tidá' hhoo' kuúng ta kat alhhe'eesaywós i kaahh.

WARA'AMI 12:6

Al'axweesantá AAKOÓ MUNGÚ a ló', nee i ganá'. Ka hhohho' adór muqslír /awaak ar taa kwahhuút ar baraá asla, adór muqslír /awaak ar taa kwahho hhe'eés sagaá wa faanqw.

WARA'AMI 138:2

Aníng kuúng u i tumbarara'aát tiwa qoomees ar afiqoomár Do'ók, kudá' hhoohhoó', án kuúng u sluufmiís as sla'aarirók ar warqawaaká nee inkihhimuuwoge, asma kuúng umuuwók nee axweesantók iga gár afhhamít tléhh ta mura' sleémeero.

WARA'AMI 27:1

AAKOÓ MUNGÚ an gwa/aateemaaeé' nee ba/amar'eé', heé ni daimiit a heemá? AAKOÓ MUNGÚ a baqmór slafingw'eé', heé ni xuruumiit a heemá?

ISAYA 31:3

Múk Misri a muu, inooín a Munguheeká, nee farsuuín a makaay, slám a qeeruwoká. Qoomár AAKOÓ MUNGÚ dakós burngwa tleés xooroodá' ale/isoó hanmamiis kan gee/aasl nee tidá' ta alee/iimisi in hú', xoorduuká tsaraawo niri hhaná'.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

Yohana 10:35

Atén a xuaán adór Gooi ir warqeeraaká baloó alé. Gawaá adoorihe, Mungú mukdá' aa axweesantós i haniís guna báy, ‹Kuungá' a mungui.›

Ebrania 13:6

Gawaá adoorihe atén adoorí a aleeslawaán ar haratlintaao ooaro, «Aako an alee/iisusmooeé', a da'ayumiitaaká. Hee gár i aníng i tleehhi a umós?»

1 SAMUELI 30:6

Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.