WARA'AMI 55:7 - Biblía Axweesantá Hhohho' ar Mungú 2004

⁷ Geera a amorqá' saáw i tláw, nay hotaá áw baraá darma.

Ya/abtór hho' 1977

⁷ Geera a amorqá' saáw i tláw, nay hotaá áw baraá darma.

WARA'AMI 55:7 Iomraidhean Croise

2 SAMUELI 15:14

Naagáy, Daudi sagadiyuuserós tidár baraá gixsár Yerualemu gari báy, «Tlawaaré' a guwaán! Bar adooriheeká, Absalomu kuwa kwírhhitaan u aslawanká. Gaanslar tlaware', mitiwa tsuú/, tari hhaamiis baraá gixsaro ar paangadu.»

YEREMIA 37:12

Yeremia ina Yerusalemúr wa tláy ay yaamaá Benyamini as yaamuuwós ngiwa oohi.

YEREMIA 9:1

Alók geeraawo sagw'eé' an adór ma'aay nee ilaaeé' tari adór kutltá hhirhheeri, as kahhó' niwa /aa/amiim tlaatla/aangw nee xweeraawo, as daanduú muk'eé' kudá' taa tsuú/.

YEREMIA 9:2

Masók dír hotaaeé' baraá xaanxaywo i deer tidá' aauuse i qaqatatiin. As muk'eé' nguwa geexaw nari diya/aát, asma inooín sleémeero an fuquuse, nee múk nee /aytuuse dinku'uumisá'.»

1 SAMUELI 27:1

Daudi iri baraá muunaáwós i oó', «Ís baalarkaaro Saulo án i gaas. Gár tsiní dir'eene an goów amór yaamaá múk Filisti. Saulo bira leelehhahhiít baraá guruú yaamuukaá Israeliro iqo mune sii', adoorihe daqaní aníng a /úw Saulowo.»