WARA'AMI 55:23 - Biblía Axweesantá Hhohho' ar Mungú 2004

²³ Ala kuúng Mungú, inooín in /araraa'ás tay baraá bohóngw qwanaay. Múk kuunday raa/atén nee fooluuse, hotangw'ín sleeme tla/atsara ga ayká. Ala Mungú aníng kuúng u harahhiíf.

Ya/abtór hho' 1977

²³ Ala kuúng Mungú, inooín in /araraa'ás tay baraá bohóngw qwanaay. Múk kuunday raa/atén nee fooluuse, hotangw'ín sleeme tla/atsara ga ayká. Ala Mungú aníng kuúng u harahhiíf.

WARA'AMI 55:23 Iomraidhean Croise

2 SAMUELI 3:27

Abneri niwa kií/ Hebroni, Yoabu guna ar bihhií suruúk dír afkú do' kuwa áy adór kwaáo' axweesantá tar suufi in deer. Nee inós tawa didií sihhiít, Yoabu guruú Abneri guri muút. Abneri iri gwaá', asma Abneri Asaheli, hhiyoó Yoabu, guna gaás.

YOBU 15:32

Bu'utuuwós kun qoomees dír ira gwaaiiká, nee xwaylarós i yaeemi tleereská.

WARA'AMI 112:6

Heé tlehhmi'i hhó' gár gur baa/ i káhh. A heé ta inslaslay umuúqo daqto.

WARA'AMI 121:3

Kuúng u mayká tawa dat baraá tsaxwáy alé, inósuudá' u xumxaxuúm i gufisiiká.

WARA'AMI 25:2

Aá Munguúeé', án kuúng una harahhiíf, mitiwa mureekeés. Wakuuser'eé' miwa arbá/.

WARA'AMI 5:6

Lamuuse sleémeero a hhaamís. In ahhít kudá' tsu/utár muu ngi sla'á' nee awa al/aymuuse.

WARA'AMI 58:9

Qoomár ngiwa tsahhi'iiká ki hingeesi, adór xwaansloó laqayá' wa ale.

WARA'AMI 66:9

Asma inós slafingwrén gun taami kón, nee tam ya'aarén gi mayká niwa nikiitsiya'.

WARA'AMI 73:18

Looeemaawo, kuúng inooín i qás dír nikitsá koom, kiri dáhh nari hhaná'.

AXWEESANOÓ SAGALOOA 10:27

Slafíngw heé AAKOÓ MUNGÚ ilaiwawaá/ ku tleerees, ala hotaá heé tlaákw ki hartsaat.

AXWEESANOÓ SAGALOOA 15:11

AAKOÓ MUNGÚ gi'i nee hhituru'uumaro gi ga/áy, Áx alók inslawoó baraá munér muu gun ak xuiikáhe.

AXWEESANOÓ SAGALOOA 27:20

Gi'i nee hhituru'uuma i baloó hhe'eesiaaká, tam ilaá hee sleeme i baloó hhe'eesiaaká.

DAHARUSMO 7:17

Ma ló'wa tlakuwaar, laqaá ma ló'wa daktu'uutaar. Ahaá waáy gár slafiingók kus hartsat a milá?

ISAYA 38:17

Slahh'ámudá' naa sláw dir'eene an hhooa, ala kuúng slafingw'eé' una tú/ dír afkú bohóngw gi'i wá ale, asma kuúng tlakweemaaeé' sleémeero ina amór aluuwógí kwáhh.