WARA'AMI 55:17 - Biblía Axweesantá Hhohho' ar Mungú 2004

¹⁷ Tsiindo, matlaatle nee qoomár tlaatla/aango, an wa/a/uús ar gurhaami, inós afor'eé' ga axaas.

Ya/abtór hho' 1977

¹⁷ Tsiindo, matlaatle nee qoomár tlaatla/aango, an wa/a/uús ar gurhaami, inós afor'eé' ga axaas.

WARA'AMI 55:17 Iomraidhean Croise

YOBU 19:7

Qayté', aníng a uuamiím, a kah, ‹Hhituru'uuma,› ala taa mu/aywatsiiká, an ateetiím ar afór ur, ala tam tidá' ti sahariím a slaslawaaká.

WARA'AMI 119:62

Xweeraá dakiingo an tláw uwa xirfayeemiis, asma tidá' kuúng taa kát i ganá'.

WARA'AMI 141:2

Firor'eé' ilaooheek adór mooyángw tsuú'. Dabaaeé' ngi amoorógií tleés adór ilahhooár muruú ta tsu/i ar tsiindo.

WARA'AMI 72:12

Asma inós heé gaa wásl oo gu i /aa/amiím gu tuu/, nee heé narkutmo oo alee/isoó koomaaká gu tuu/ sleeme.

WARA'AMI 77:2

Deelór slahh'amaayer'eene Aako una leeleéhh, dabaaeé' ina gáwtí tleés xweeraawo as nguwa fiririim. Muunaáeé' gurkwa/asa gari sií'.

WARA'AMI 88:13

Ala AAKOÓ MUNGÚ, aníng kuúng un i /aa/amiím, umuúqo matlaatlér xawa un fiririím.

WARA'AMI 92:2

Matlaatleero sla'aarirók ar warqawaaká an alki/iitaán, nee inkihhimuuwók un alki/iitaán xweeraawo,

WA/AA/I 3:8

Tam aga /aa/amiimi as alee/isaay nguwa fiririim, ala inós firor'eé' axaasaro gana sií'.

DANIELI 6:10

Danieli ngiwa tsaáhh waawutmo duguno gwaa qaás, inós iri kií/ amór do'ós kuduú qorofa, baraá kutuwirós tidá' pa/eeriwós taa kiís i amór Yerusalemúr ga/ayá'. Danieli umuú deelooro in tumbarara'amamiit looár wake sagaáwa tám, as Munguúwós nguwa firiirin nee nguwa sluufmiisi adoodá' /iisí i /imaamisi.

DANIELI 6:13

Waawutmo nguri bayé', «Heedaádá' ta bay Danieli, kudá' tinda huúw baraá yaamaá Yuda wa alé, kuúng u iiárií qaminká, laqaá hara'ayaadá' kuúng taa dugunií qás ga iialooeesiiká. Asma inós umuú baalaaro firo ngi hhe'eemisi ay sagaá wa tám.»

Marko 1:35

Nee matlaatlér boo/e iri tláy iri ti'iít ay dír muu iwa kahhi, iri firín didaádá' wa ale.

Marko 6:46

Deelo ooaro ngiwa hhe'eés, iri firór áy gawaá tlooma.

Marko 6:48

Eeharuuseerós gari ár i baraá tlawtá wa daawimít, asma miringamo gan'aasa ga ya/a/anká asma fur'a gu ila/aán. Qoomár ságwlooa tleemu iwa xeér, inós i gawaá ma'áy wa hi'iimiit, i amor'ín káy. Qoomár iwa lak waaraahhi,

Tlehhema'aá ya/Abuuse 10:3

Looarka wake qoomár looár gwaleél ar tlaatla/aangw iigu'utu guna ár. Malaykamoó Mungú guna i daqáy, guri báy, «Kornelío.»

Tlehhema'aá ya/Abuuse 10:30

Kornelio iri oó', «Laarí ar tsiyáhh qoomár looár gwaleél, aníng a saaliím baraá dooeé' wa aleeró. Heeko inqwar qwiirií/ nina geeraaeé' wa adaá ti'iít,

Tlehhema'aá ya/Abuuse 10:9

Bál tsár tawa baraá aaí dirii'i, gixsa kari i tseewúy. Qoomaadae Petro iri tsa/án gawaá daanduú do', as iwa firór ay. Qoomaadá' a looár lahhoó' ar tlaatla/aangw.

Tlehhema'aá ya/Abuuse 3:1

Looarka wake Petro nee Yohane tana tsa/án amór Doó Mungú qoomár looár gwaleél siiwadár saaliingw.

Efeso 6:18

Muruuwí sleémeero tlehhiitaak ar baraá firo, tawa firiiriinda' umuúqo daqto ar /uuruú Qeeruú hhoohhoó' oo Mungú. Gawaá adoorihe dalaaé' tawa kumita' baraá firooro, múk hhohhó' oo Mungú sleémeero kuwa aleefiriiriinda'.

1 Tesalonike 5:17

Firo ma baloó mawaara'.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.