WARA'AMI 53:6 - Biblía Axweesantá Hhohho' ar Mungú 2004

⁶ Masók ba/amár múk Israeli ni Siyonír dáhh. AAKOÓ MUNGÚ hariímár mukós birnga ki/ís, xwaylár Yakobo iri bará/, múk Israeli iri qwalalaa/.

Ya/abtór hho' 1977

⁶ Masók ba/amár múk Israeli ni Sayunír dáhh. AAKOÓ MUNGÚ hariímár mukós birnga ki/ís, xwaylár Yakobo iri bará/, múk Israeli iri qwalalaa/.

WARA'AMI 53:6 Iomraidhean Croise

ESRA 3:11

Tari daá' daa'ángw ilaohiingw, ta AAKOÓ MUNGÚ xirfayeemiis, nee kuwa sluufmiisi, ta kaahi, «Asma inós ku hhoó', nee sla'aarirós ar warqawaaká in kumaamít ay alhhe'eesay wasle dír Israeliwo.» Naagáy muu sleémeero tsimaahhiro yaamu giri gaamiís qoomár inooín kuwa xirfayeés asma iihhafiirír Doó AAKOÓ MUNGÚ kawa hhe'eés qaasaro.

NEHEMIA 12:43

Baalaarihe inooín ilahhooár muruú ta tsu/i kana haniís tari ló'wa qwalaá/. Asma Mungú gina ló'wa qwal/aás ar qwal/uú úr, /ameena nee na/iiwo sleeme tari qwalaá/. Bar/uú qwala/ oo baraá Yerusalemu kuri amór saáw wa axamiís.

YOBU 42:10

Alaá Yobu mukdá' nguwa hhe'eés aleefirooro, AAKOÓ MUNGÚ Yobu guri adoodár aángí ki/ís, guri muruuwósí ki/ís sleémeero kuduú aáng ba/a sagáwa tsár wa ale.

WARA'AMI 14:7

Masók ba/amár múk Israeli ni Siyonír dáhh! AAKOÓ MUNGÚ hariímár mukós birnga ki/ís, múk Israeli iri qwalalaa/, xwaylár Yakobo iri bará/.

WARA'AMI 50:2

Iimír baraá Siyoniro, gixsadá' ló'wa hhoohhoo', gwa/aateemaá Mungú i qwiirii/iyá' adór tsee/amá.

WARA'AMI 85:1

AAKOÓ MUNGÚ, yaamuuwók iga wangexwát, slám Yakobo ugwa hariímarós tida' hhoo' i ki/ís.

AXWEESANOÓ SAGALOOA 28:1

Múk tlákw tan tawo goow tam heé gi gusisiím i kahhi, Ala múk hota ganaá' ta diiqiiká adór direeri.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 14:32

Gár hee ya/abusmoó xoordu ngur mu/aywatsi a milá? Gun bay, «AAKOÓ MUNGÚ gixsár Siyoni gaa tleéhh, nee mukós kudá' taa slahh'eemiís, dir'ín ar guwaay kaa sláy baraá gixsarihe.»

YEREMIA 30:18

Anuú AAKOÓ MUNGÚ a kah, «Aníng diihhooár hotaá doó Yakobo a ki/ís. Nee hotaaín i gurtláw, nee gixsa ka tleehh gawaá taangoorós, doó waawutmo ku tleehh didá' aáng i dirii'i.

YEREMIA 31:23

AAKOÓ MUNGÚ Aleesleemusmo, Munguú Israeli i kaahi, «Qoomár múk Yuda bura diihhooárí ki/ís, inooín baraá yaamaá Yudawo nee gixsadaá Yudawo tari malé ooi, ‹AAKOÓ MUNGÚ nu tsuuqi, aá yaamuloouusér hota ganaa', i tsuuqi kiíng tloomár hhoohhoo'.›

Yoeli 3:1

AAKOÓ MUNGÚ i kaahi, «de'emadá' nee qoomaadá' hotaarír múk Yuda nee oo Yerusalemu bar warqeés,

TLAHHOÓ LAÁWI 26:17

Aníng nun harasihhiít, nee wakuuserhúng nuri múx, tunduri sawaawuti'ín nee kudá' naa aahhiye', tundun dae tlaaq, nee tari ti'i'iindá' tam handá' heé naa guus i kahhi.

TLAHHOÓ LAÁWI 26:36

«Nee mukhúng bahh'ale oo aa meet un daeérí tleés gur'er'íne ma'aay ngay dalaa/iyá', baraá yaamaá wakuuser'ine, tam afór loo/ír fur'a ir tlatleer bar kaa axaás, gin tlatlahhás. Gin tlatlahhás adór múk aa slaqwarár wa goow. Nin gogowiyá' nay huhu'uná', tam heé gi gusisiím i kahhi.

AMOS 9:14

Aníng muk'eé' kudá' aáng taa loohatís ngun ki/ís baraá yaamuuín, inooín gixsaduín kudá' taa geexáy ngin tleehhiyá' ngiri hootiyá', sabiíbu ngu dahaasiyá' baraá qamuuín, nee difaáir'ín ngiri wahaná'. Inooín qamu ngin dahaasiyá' ngiri balángw wa /ayiyá'.