WARA'AMI 53:2 - Biblía Axweesantá Hhohho' ar Mungú 2004

² AAKOÓ MUNGÚ muu gun i qaytsimiit iimír gawaá doorií wa ale as ngiwa ari, axáy, i deéro heé sagalooár koóm, heé Munguú leelehhiít?

Ya/abtór hho' 1977

² AAKOÓ MUNGÚ muu gun i qaytsimiit iimír gawaá doorií wa ale as ngiwa ari, axáy, i deéro heé sagalooár koóm, heé Mungú leelehhiít?

WARA'AMI 53:2 Iomraidhean Croise

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

2 QOM'I 15:2

Inós iri tláy waawutmo Asa guri al'áy gway báy, «Aá waawutmo Asa, nee muu sleémeero oo Yuda nee oo Benyaminiwo, aníng iiárií qaasaré', AAKOÓ MUNGÚ a dinkwa nee kuungá', barnaxes kuungá' a dinkwa nee inós. Kuungá' bura leelehhé' u sleerá', ala bura geexeeré', inós sleeme kuungá' nu geexáy.

2 QOM'I 19:3

Ala tam adoorihe kuúng hhooeemakaariya' iga tléhh. Slaqsi'i sleémeero kudaá munguúdá' ta bay Ashera iga hingés, nee aga ilakaaharés Mungú kuwa leelehhit ar muunaáwók sleémeero.»

YOBU 28:28

Mungú hee guri báy, ‹Ga/aaweek, Aako bur ilaiwaawá/ an sagalooa, nee tsaahha a tin parátl dír tlakweemaawo.› »

WARA'AMI 10:4

Tlakusmo baraá daara/aangose Mungú gu leelehhiitiiká. Baraá inslawaywós sleémeerowo Mungú i kaahh.

WARA'AMI 102:19

AAKOÓ MUNGÚ nin gawaá doorií wa qaytsiit dirós tidá' hhoohhoo' wa ale, yaamu gin xuuxuu' gawaá doori wa ale.

WARA'AMI 11:4

AAKOÓ MUNGÚ i baraá Do'ós kudá' hhoohhoó'. Kitángw AAKOÓ MUNGÚ i gawaá doori. Muu gu ga/áy ilaawose. Umuúqo gár muu i tlehhiiti ga xuu'.

WARA'AMI 111:10

Ilaiwa/amér AAKOÓ MUNGÚ an iimu/úngw sagalooa. Múk adoorí ga /iimiís sager'ín i gwa/át. Xirfuuwós in kumamiit kureerisleém.

WARA'AMI 27:8

Kuúng ana ó', «Aníng leelehhiitaré'.» Aníng niri oó', «AÁKO, án kuúng u leeleéhh.»

ISAYA 55:6

AAKOÓ MUNGÚ leelehhitaak qoomaarí iwa deér firirimaak qoomaarí kuwa tseéw.

YEREMIA 16:17

Asma aníng tlehhmi'ii'ín sleémeero i ga/áw. Gár aninge aa nahhat i káhh. Tlehhmi'ii'ín sleémeero dír geeraaeene ki geehhoo'.

YEREMIA 23:24

Xáy, hee nahhaata gaqo aleesláya ngway qo tsuwa araaká? Ahaá, anuú AAKOÓ MUNGÚ a kudá' dawaakáhe umuú diiro, gawaá doori nee baraá yaamuwo? Anuú AAKOÓ MUNGÚ tí ngina oó'.

DABE 4:6

Dabeerí nee hara'ayaro oohaak, ka boo/esá', asma adoorí bara tlehhé', xoordaá hatlá' kaahirí birnga axaasiyé', inooín ngiri tsaahhiyá' adór kuungá' tar múk sagalooár koóm nee fuquraango, tari ooi, ‹Tí ar tsuwa ló' xooroorí ur sagalooa nee fuqurango ngi koná'.›