WARA'AMI 51:6 - Biblía Axweesantá Hhohho' ar Mungú 2004

⁶ Qaytsiít, kuúng tu sla'atimis nee looeemaá baraá muuná, kuúng aníng intsaahhatisáng sagalooaroge.

Ya/abtór hho' 1977

⁶ Qaytsiít, kuúng tu sla'atimis nee looeemaá baraá muuná, kuúng aníng intsaahhatisáng sagalooaroge.

WARA'AMI 51:6 Iomraidhean Croise

2 SAMUELI 12:13

Naagáy Daudi Natani guri báy, «AAKOÓ MUNGÚ ugwa tlakweemií tleéhh.» Natani iri oó', «AAKOÓ MUNGÚ tlakweemaawók gaa gurtláy, kuúng a gwa'aká.

2 WAAWITÁ 20:3

«AAKOÓ MUNGÚ, án kuúng un harhheehhe'eés, adoodá' aníng kuúng ura sagadiyuús ar inkihhimu, nee ar muunaáeé' sleémeero inslaweek, nee tidá' dír geeraawoge qoom ana tleéhh.» Hesekia iri gurhaamuút iri /aá/.

1 QOM'I 29:17

Aníng aga xuú' adór kuúng Munguúeé' muu kur mune tsee/aariín, nee an qwalaalá/ as múk ganaá'. Aníng baraá gan'amuú muunaáeene muruuwí sleémeero nguna haniís ar muunuú /awaák, nee aníng daxta aga ár adór mukwí diirí dirií' kuúng tura ilahhooárí haniís ar muunuú /awaák nee ar qwala/.

YOBU 32:8

Ala baraá heewo qeeru i deer, hiinsluuduú Munguú Aleesleemusmo hee gu fuqurángw i hanimiis.

YOBU 38:36

A heemá heé huunkáy gwaa sagalooárí haniis ar ir tluwi, nee heé tlaangú gwaa ti'inángwí laqan.

WARA'AMI 125:4

AAKOÓ MUNGÚ, kuúng hhooa tleehheek dír múk hhoe, dír mukdá' aa iialooees baraá hara'ayaroge.

WARA'AMI 15:2

Aqo har kudá' daba' hhohhó', nee hota ganaá', kudá' looeemaá baraá muunaáwós ngi axweés.

WARA'AMI 26:2

AAKOÓ MUNGÚ, án alqaytáng nee xuuxuáng, muunaáeé' nee fuqurangw'eé' tsee/ariimeek.

WARA'AMI 32:5

Án dakuúsar'eé' ngiri dirók i alki/iít, nee adór nira qwaár aga duqumiiká diroge. Niri oó', «Dakuúsar'eé' a gwadidiím dír AAKOÓ MUNGÚ.» Kuúng dakuúsar'eé' kari gurtleér.

WARA'AMI 41:5

Wakuuser'eé' i muruú tlákw i slá', tawa kaahi, «Kár, xaylá i gwaai? Nee xaylá umuuwós ku may?»

WARA'AMI 5:9

Axweesanoó wakuuser'eé' i looeemaá konká, gár i slaiya' aqo hhita. Baraá afer'ine axweesanoó ti'iimiít oo al/ayma. Afer'ín i háts axweesanoó tsu/utár muko.

AXWEESANOÓ SAGALOOA 2:21

Asma múk gan'amuú koóm yaamu gi aal, múk inkihhimuú koóm i baraaká' wa hoot.

AXWEESANOÓ SAGALOOA 2:6

Asma AAKOÓ MUNGÚ sagalooa gan hanmiis, baraá afkose gár ti'imiit a xu'uti nee tsaahha.

YEREMIA 12:1

Aá AAKOÓ MUNGÚ, kuúng an ganá' aníng tam ui qununu/a. Aníng yaahasarka a koóm diroge. Ahaá múk tlákw baré gadiyeduuín i ya/aa/á'? Ahaá baré múk al/aymuuse aa diihhe'eés?

YEREMIA 31:33

Alaá deeloorihe alqadoorí an oó' dír múk Israeli, aníng daber'eé' an baraaínií qaás, nee an gooiím baraá muner'ín, aníng tari Munguúín nee inooín tari muk'eé'. Anuú AAKOÓ MUNGÚ tí ngina káh.

YEREMIA 32:40

Aníng alqadór alhhe'eesay wasl an tleéhh nee inooín, as kahhó' inooín ngiwa baloó mawaaká hhooeemáy tlehhtuuwo, nee muunuú aníng iwa ilaiawawa/iya' un baraaíní qaás, as kahhó' aníng miwa malé si'iyé'.

YEREMIA 5:3

AAKOÓ MUNGÚ gár i leelehhiiti a inkihhimu. Iga mak múx kár ala naa faxati'iiká. Ina mak da/aa/aán ala nanaaqa ngaa ya/ani'iiká. Inooín ki mune gawden tlaa/a ba/a, nee tlakweema hhu'u'uungo naa si'iyé'.

Luka 11:39

Aako iri oó', «Kuungá' múk Farisayo daanduú isaangi nee oo qwaree/amo in hamtlitá', ala baraahunge gár aa hats a /ayta nee tlakweema.

Rumi 7:22

Asma aníng baraá muunaáeene hara'ayár Mungú an sa qwalalaá/.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.

1 Petro 3:4

Ala hhohhoaarirhúng masók a hhohhoaaridár baraá muuná, tidá' geetlaakw, slám i hhitirutaká. A hhohhoaaridár muunuú tsatsa'aár nee amohhoa. An tidá' ló'wa afhhamít dír geeraá Munguhe.

1 SAMUELI 16:7

Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»