WARA'AMI 51:4 - Biblía Axweesantá Hhohho' ar Mungú 2004

⁴ Án kuúng una tlakweemáy tleéhh, kuúngú kilá', nee muruú slasl/arén una tleéhh dír geeraá ilaawoge, gawaá adoorihe kuúng tu tsaahhi adór tar dakuúsár koondaaká bar axwés, nee kwasleema bar tléhh i hariín.

Ya/abtór hho' 1977

⁴ Án kuúng una tlakweemáy tleéhh', kuúngú kilá', nee muruú slasl/arén una tleéhh dír geeraá ilaawoge, gawaá adoorihe kuúng tu tsaahhi adór tar dakuúsár koondaaká bar axwés, nee kwasleema bar tléhh i hariín.

WARA'AMI 51:4 Iomraidhean Croise

IIMU/UUNGW 20:6

Mungú guri báy ar baraá tlata, «Aníng aga tsaáhh adoorí kawa tléhh ar muunuú hhoohhoó', ala án kuúng uri ilaá/ tlakweema kiwa tlehhká. Gawaá adoorihe ugwa mawiiká /ameenirí kawa kwatit.

IIMU/UUNGW 38:7

Ala Eri, na/ayduú baris oo Yuda, iri tlakúy dír ilaá AAKOÓ MUNGUHE, kway gaás nee AAKOÓ MUNGÚ.

IIMU/UUNGW 39:9

Baraá do'wihe inós ku ureeká ta aninge, asma umuú gaaro ar aníng iwa /itín i káhh, aqo har kiíng as tawa hareerós. Gawaá adoorihe dakuúsár ur ar adór tisíng adór ngir tleehh dír geeraá Munguhe a adoomá?»

IIMU/UUNGW 9:6

Heé tseerér hee gaa ku'uus, tseereerós sleeme kan ku'uus nee hee, asma Mungú hee guna tleéhh ar slaqsaywós.»

2 WAAWITÁ 17:17

Na/ii'ín awa daaqaay nee awa dasuwo ngina ilahhooár da/tá wa hanmiisiyé' dír munguaá lama, inooín dír qwaslaare nee da/aluuse ngina kakayé' as kiwa yaahamiisi kángw hotaaine. Inooín tina ló'wa haniisiyé' baraá tlakweema, dír geeraá AAKOÓ MUNGUHE, gawaá adoorihe, AAKOÓ MUNGÚ nguri buhhtisiyé'.

2 WAAWITÁ 21:6

Inós na/aywós guna haniís as tawa ilahhooár da/a, tlaa/e giri xuú', iri tsuuqaá a'áy, tari aldinku'uús nee qwaslaarér giaá duxuum nee da/aluuse. Inós muruú tlákw guna ló'wa tlehhiít, AAKOÓ MUNGÚ guri mune duúx.

WARA'AMI 50:4

Doori nee yaamu giri ateet, mukós guri sakwasleemuut.

WARA'AMI 50:6

Doori gan'amuuwós ngu alki/iitiyá'. Asma Mungú inós an sakwasleemusmo.

ISAYA 43:25

Anínguú kilá' an kudá' tlakweemaahúng gi hamtliít as aníng kilooeé'. Aníng tlakweemaahúng i baloó inslawaaká.

TLAHHOÓ LAÁWI 5:19

Gaarí an ilahhooár dakuús hingeesa, inós aa dakuús dír geeraá AAKOÓ MUNGUHE.»

Luka 15:21

Garma iri oó', ‹Baabá, án aga tlakweés geeraá Munguhe nee geeraawoge, a hariimaaká daxta tiwa garmaawók ar ateetin.›

Luka 7:29

Muu sleémeero nee ohomuusér koódiro adoorí kawa axaás, looeemaá Mungú kiri ya/án, asma kiwa baatimiís ar baatiísmoó Yohane.

Tlehhema'aá ya/Abuuse 17:31

Asma Mungú deelo gaa qaroó qaás, tidár múk baraaká' yaamu nguwa sakwasleemuuti ar gan'amu. Kwasleema dír heé ngay haniís a kudá' inós aa tsawaár. Nee Mungú gaarí gana geehhoatís ló'wa ale dír muu sleémeero, qoomár heedaádá' kuwa waasle/atís baraá múk aa qaátl wa ale.»

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

Rumi 3:4

Aasla'áy, a adoosingeeká. Mungú inós a inkihhimusmo, umuúqo heewo tam lamusmoowo. Asma kaa gooín, «Kuúng bar axwés, axweesanaywók masók ku tsaahh, adór tar axweesanoó ganaá', nee kuúng tawa baaliin baraá kwasleemaro.»

Yakobo 2:11

Asma kudaádá' aa oo', «Ma fuquusaar,» a kudaádá' aa oo', «Hee mu gaasaar» sleeme. Ala kuúng tam aga fuqusiká, ala bar aga tsu/út, kuúng dabe sleémeero aga sí'.

Yakobo 2:9

Ala bar kuungá' muu ugwa barqaantusé', tlakweema iga tlehhé', nee dabe nuri sakwasleemút, tawa adór múk dabe gaa sii' eeharto.

Geehhoeemaá 16:5

Aníng malaykamooduú aleesleemuú koóm daanduú ma'aaywo nguri axaás i kaahi, «Kuúsíng hhoohhoó', kuúng a kudá' dáw nee a kudá' qaroó daadáw. Kuúng a gan'amuú koón asma kuúng muruuwí kuwa sakwasleemút.

Geehhoeemaá 19:11

Aluuwo doori ngiri ár naa gweeriitiyé'. Nee faraásír /awaak ngiri baraadá' wa ár. Nee heé faraásidá' gaa i tsa/an ku bay Heé inkihhím nee Heé Looeemaá káh. Inós sakwasleema ga tleehh nee slaqwara ar gan'amu.