WARA'AMI 51:19 - Biblía Axweesantá Hhohho' ar Mungú 2004

¹⁹ Daqaní kuúng tu sla'atis nee ilahhooár ganaa' ar muruú ta tsu/i, ilahhooár da/a ar slee kawa adoodá' alda/i. Daqaní awee kingi huuw dír kitángw ilahhooár Mungú ki duxaxin.

Ya/abtór hho' 1977

¹⁹ Daqaní kuúng tu sla'atis nee ilahhooár ta da/a/an ar muruú slaáf, daqaní awee kingi huuw dír kitángw ilahhooár Mungú ki duxaxin.

WARA'AMI 51:19 Iomraidhean Croise

2 WAAWITÁ 22:19

Aníng /aa/eewók iga axaás, asma kuúng tawa hhu'u'uún, nee kuúng taa niinawés dír geeraeene qoomár /aymi'iiká' kiwa axás daanduú yaamuuká' nee yaamuloouseerose, as tawa yaamaá deewa'ame nee lo'o. Kuúng tlabaawók iga feehhamís nee aga ló'wa /aa/amiín. AAKOÓ MUNGÚ adoorí gana káh.

WARA'AMI 118:27

AAKOÓ MUNGÚ inós an Mungú, inós atén taa diihhooatís. Haleemo oohare', bara/ iimu/uumare', ti koomakoonde' ay dír kitángw ilahhooa kawa hanmamisi.

WARA'AMI 34:19

Slahh'amuú heé gan'amuú koóm ku yaariír, ala AAKOÓ MUNGÚ gu tuu/ baraá tí sleémeero.

WARA'AMI 4:5

Ilahhooár ganaa' ar muruú ta tsu/i hanmisaak, nee AAKOÓ MUNGÚ na harahhifaak.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

MALAKI 3:3

Inós in iwiit adór heé peésár kwahhuút ar asla as ngiwa hhohhoeemisi. Inós kaahamuusér Mungú gan hhoohhooees, gan hhoohhooees adór sahaábu nee peésa kir hhohhoeemamisi, ay dír inooín AAKOÓ MUNGÚ ngway ilahhooárií haniisiyá' ar loohír ganaa'.

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

Efeso 5:2

Hooté' ar sla'aari, adoodá' Kristo atén tira slaá', tiri kilós haniís kuwa gaasi as atén, ilahhooár Mungú wa ale, nee tawa ilahhooár ta da/i, ar mooyángw tsuú' koom.