WARA'AMI 51:17 - Biblía Axweesantá Hhohho' ar Mungú 2004

¹⁷ Ilahhooár muruú ta tsu/i ar Mungú i ilaoohi a qeeruú aa ya/an amoorós i ale, a muunuú aa gwadiidin nee oo aa dutlutlu/uut, asma Mungú gu waaqaaiiká.

Ya/abtór hho' 1977

¹⁷ Ilahhooár Mungú i ilaoohi a qeeruú aa ya/an amoorós i ale, muunuú aa gwadiidin nee oo aa dutlutlu/uut, asma Mungú gu waaqaaiiká.

WARA'AMI 51:17 Iomraidhean Croise

2 WAAWITÁ 22:19

Aníng /aa/eewók iga axaás, asma kuúng tawa hhu'u'uún, nee kuúng taa niinawés dír geeraeene qoomár /aymi'iiká' kiwa axás daanduú yaamuuká' nee yaamuloouseerose, as tawa yaamaá deewa'ame nee lo'o. Kuúng tlabaawók iga feehhamís nee aga ló'wa /aa/amiín. AAKOÓ MUNGÚ adoorí gana káh.

WARA'AMI 102:17

Múk aa haleeleeiit gu iiárií qaas, nee firor'ín ga si'iiká.

WARA'AMI 107:22

Inooín ngu sluufisiye' ar ilahhooár muruú ta tsu/i, nee tlehhmi'iiwós ki alki/iiti ar daa'ángw qwala/.

WARA'AMI 147:3

Kudaádá' naa mune si'iye' gin hungu/umiis, inkahhi'ii'ín gin tsegiit ar warqama'.

WARA'AMI 22:24

Asma inós slahh'amaayér liitlakusmo gaa waaqaiiká, nee gu mayká i qaytaro. Ala qoomár burungu i /aa/amín gun mu/aywaats.

WARA'AMI 34:18

AAKOÓ MUNGÚ ku haratseéw dír múk aa mune si'i, nee kudá' naa diqay tsatitiye' gin ba/amimis.

TI'INAANGW 37:22

Diqiyaadá' nee haleemidae a gár wák nee hharto, sleémeero gina tleéhh ar sahaábuú hhohhó'.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

ESEKIELI 9:6

Bariise didár kilá' tiwa tsu/e', daaqaay nee dasuuwo, na/ii nee /ameenaaro. Ala heé taa gitsee/a layár i qaás mu kwatitara'. Dír hota'aá kilá' na giirisaak.» Naagáy bariisedár dír geeraá Doó Mungú kari giiriís.

AMOS 5:21

AAKOÓ MUNGÚ i kaahi, «Deelorhúng tida' ur kuungá' ta tlehhaahhita', aníng a ló'wa sla'aaká, a ló' wa waaqaqaá', aníng ti qwal/atimisiiká nee dinku'uumarhúng ar diíni.

Matayo 5:3

«Múk amohhoó' a kudá' narkuú qeeremooín gu tsatsahhaám, asma waawuti'iimár doori a tooín.

Marko 12:33

Nee hee inós nguwa slai ar muunaáwós sleémeero, nee ar fuquraangós sleémeero, nee ar /uuruuwós sleémeero, nee inslaawmoowós nguwa slai adoodá' inós tir kilós slai, adoorí in ganá' ta hikwaá adoodá' koomá' kiwa ilahhooár wa da/i nee ilahhooár muruú ta tsu/i.»

Luka 15:10

Án a kah, tam malaykér Mungú sleeme i adoodár qwalaalá/ as heé wák oo tlakusmo oo aa hhu'u'un.»

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.

Ebrania 13:16

Kuungá' ma gunqaruutaara' tlehhma'aá hho' kiwa tlehha' nee tiwa alee/iimisa', asma gaarí an ilahhooadár muruú ta tsu/i ar Mungú gu ak qwal/atimis.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.