WARA'AMI 51:16 - Biblía Axweesantá Hhohho' ar Mungú 2004

¹⁶ Asma tu sla'atisiká nee ilahhooár muruú ta tsu/i tam ngi duuxa, kuúng u qwal/atiská ar ilahhooár ta da/aa/an.

Ya/abtór hho' 1977

¹⁶ Asma tu sla'atisiká nee ilahhooár sluufaay tam ngi duuxa, kuúng u qwal/atiská ar ilahhooár ta da/aa/an.

WARA'AMI 51:16 Iomraidhean Croise

2 SAMUELI 12:9

Aníng a AAKOÓ MUNGÚ, asma milá axweesante'eé' masa waaqá', tlakweemaá adór kuká' kari dír ilaaeé' wa tléhh? Uria heé xoorór Hiti kuri gás ar paánga, harerós kari tók tléhh, inós kuri hanís baraá dabaá múk Amoni as kuwa gaasi.

WARA'AMI 40:6

Kuúng ilahhooár muruú ta tsu/i nee ilahhooár hatlae i waatlakweemiská, iga iia fooxís gawaá tihe. Ilahhooár da/a nee ilahhooár tlakweema hingeemis kuúng a waatlakweemiská.

WARA'AMI 50:8

U iigahhamitaaká as ilahhooarók tidár muruú ta tsu/i, nee ilahhooarók ar da/a i dír geeraaeé' qooma sleémeero.

WARA'AMI 51:6

Qaytsiít, kuúng tu sla'atimis nee looeemaá baraá muuná, kuúng aníng intsaahhatisáng sagalooaroge.

WARA'AMI 71:15

Aníng afkueene tlehhmi'iiwók kudá' ganaa'á' in alki/iít, tlehhmi'iiwók kudaá ba/ama in dír múkwí oiím deelo sleémeero, asma ki ló'wa yaariir, faarooro i aleeslawaaká.

TI'INAANGW 21:14

Ala hee barnaxes ina tsabín kuqá' nguwa geewaqaati, guri gaas, heewí tam bira goów dír kitángw ilahhooa, ku didá' wa hingeesá', ku gasá'.

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

AXWEESANOÓ SAGALOOA 21:27

Ilahhooár muruú ta tsu/i ar heé tlakusmo ka waak, Heé inslaway tlákw ilahhooarós kan ak slaiiká.

YEREMIA 7:27

Naagáy kuúng Yeremia, axweesantí sleémeero an mak dir'ín i ó', ala inooín kuúng u axaasiaaká, in atét ala i ooina'aaká.

HOSEA 6:6

Aníng ilahhooár muruú ta tsu/i a sla'aaká, ala gár ni slaa' a sla'aarír warqawaaká, aníng ilahhooár da/a/aangw a sla'aaká, ala a Mungú kuwa xui.

FAARO 15:27

«Heé wák bar aa dakuús ar pa/aayo, inós dareemír leei ar kurkú wák ngi ilahhooár tlakweema hingeesár wa haniisi.

FAARO 35:31

Heé aa tsu/uut oo kwasleemarós taa gwa'araár i tsaát bar gár hhiintluuwós ngur tu/i ngi hanmiis ma oohara', inós aqo gaasa.

DABE 22:22

«Hee burkwa óh dír harér heé hatlá' wa ale, inooín tsaraawo aqo kin tsuu/, hhawaata nee /ameenirihe. Adoorí an adoodá' tlakweema kir hingeesa' baraá tla/angwhunge.

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.