WARA'AMI 51:11 - Biblía Axweesantá Hhohho' ar Mungú 2004

¹¹ Mi kwaahhaar dír geeraawoge, qeeruuwók oo Hhoohhoó' mu hingeesaar dir'eene.

Ya/abtór hho' 1977

¹¹ Mi kwaahhaar dír geeraawoge, Qeeruwók oo Hhoohhoó' mu hingeesaar dir'eene.

WARA'AMI 51:11 Iomraidhean Croise

IIMU/UUNGW 4:14

Ga/aaweek, laarí iga gús baraá yaamukae, slám iga gús amór saáwí alé dír geeraawoge. Aníng a heé tawó hi'imaamiít, oo doó koomaaká baraakaá yaamuwo, slám umuúqo heé i ara aqo in gaas.»

IIMU/UUNGW 6:3

AAKOÓ MUNGÚ iri oó', «Qeerueé' nee hee ti tlampa'amisiaaká daqisleém, asma hee a slaqwtá gwaa'. Slám deelór hotaawós a har kureeraá tsiiru nee mibeeri tsár.»

2 SAMUELI 7:15

Ala sla'aarir'eé' ar warqawaaká a hingeesaaká dirose, adór ngira hingeés dír Saulowo, kudá' naa hiingeés geeraawók wá ale.

2 WAAWITÁ 13:23

Ala AAKOÓ MUNGÚ múk Israeli guna gurtleemuú wa ár. Inós gina gurtleemuú wa ár asma alqadoodá' aáng aa alqadín dír Abrahamu nee Isaka nee Yakobo. Tam ay laarí múk Israeli kwa hhaamiisiiká laqaá kwa si'iiká nee Mungú.

2 WAAWITÁ 23:27

AAKOÓ MUNGÚ iri oó', «Aníng múk Yuda un tlatlahhaás dír geeraeene sleeme, adór múk Israelír wa ale, gixsár Yerusalemu tidá' aníng naa tsawaár ngari sií', nee do'owí niwa oó', ‹Umuueé' ku baraaká' wa ateetín.› »

2 WAAWITÁ 24:20

Múk Yerusalemu nee oo Yudawo AAKOÓ MUNGÚ nguna ló'wa buhhtisiyé' giri hingeés dír geeraawose. Sedekia iri dee/anuút dír waawutmoó Babuloniro.

WARA'AMI 43:2

Asma Mungú, kuúng a baqmor'eé'. Asma milá misa kwáhh? Asma milá, mas taamberuús ar tsuunqumis wakusmo iwa baramaanuusi?

WARA'AMI 71:18

Tam aníng aga diimi, tam al/awtantá kooma, kuúng Mungú, án mi geexawaar, ay dír /uuruuwók nee uraywók ngway oo' dír qari sleémeero ar aluú wa hardah.

WARA'AMI 71:9

Aníng mi kwahhaar qoomár bar aga diím, /uuruueé' bira /aarúy, aníng mi geexawaar.

YEREMIA 7:15

Aníng kuungá' nun amór saáw i puruúts guusaro adoodá' naa tleéhh dír hhaeehúng sleémeero awa xwaylár Efraimu.› »

Luka 11:13

Ala kuungaásingá' tlakw muruú hhó' u xuá' kuwa na/iihúng i hanmisa'. Xáy, Baabuúduú gawaá doorí dirií' i ak waaraáhhiíke Qeeruú hhoohhoó' oo Mungú nguwa haniisi dír kudá' ngu firiiriima'a.»

Yohana 14:26

Ala alee/isusmoodá', ta bay Qeeruú hhoohhoó' oo Mungú, kudá' Baabá ni ya/aawi ar umuueé', kuungá' nun intsaahhatimis baraá umuúqo gaaro, slám tidá' sleémeero án naa kuungá' bawi nuri inslawtimis.

Rumi 1:4

Slám inós ku hhoohhoó' adór Mungú wa ale, asma inós an Garmoó Mungú. Gaarí kaa laqán qoomár inós kuwa waasle/atís baraá múk aa qaátl wa ale.

Rumi 8:9

Ala kuungá' tundu sa waawuti'ii'inká nee heeuumár tlakweema, ala nee Qeeru, asma Qeeruú Mungú in baraahúng wa hoot. Heedaáduú Qeeruú Kristo gu koomaaká, inós a heé Kristowooká.

Efeso 4:30

Qeeruú hhoohhoó' oo Mungú mu gurhaamír ar awaara'. Asma Qeeruuwós an duguno direne oo atén tir tsaahhi adór tar mukós, bál deeloodá' inós atén tiwa gweeri.

2 Tesalonike 1:9

Sakwasleemar'ín a kin qwaarees ay alhhe'eesay wasle, kiri paraatl dír gitsee/aá Aakoowo nee dír xirfuú aleesleemuuwós.

HAR'OHUUSE 13:25

Qeeruú AAKOÓ MUNGÚ guri /uurií haniís iwa baraá Mahanedanír i dirii'i, tla/ángw Sora nee Eshtaoli.

HAR'OHUUSE 15:14

Qoomár iwa hardáh Lehi, múk Filisti ina amór Samson i haraatláy ar tseeo. Samson Qeeruú AAKOÓ MUNGÚ guri hatsiís him'eedá' kura daba' tseék iri tsatít adór neewór taa daá/ ar asla, iri yaamií hú'.

HAR'OHUUSE 16:20

Delila Samson guri beér, «Sámsón, múk Filisti areengw, naa haratláy.» Samson baraá gu'uteero niri tláy, iri oó', «Aníng daa a tsee/aá káw adoodá' /iisí ni /imamiis, nee slaqwtaeé' ngi alduúx.» Ala inós gár i xui i káhh adór AAKOÓ MUNGÚ ngura geexáy.

1 SAMUELI 10:10

Naagáy tawa hardáh Gibea, qaytsiít inós nee daqtá aaruuse tina doogiyé', naxés Qeeruú Mungú guri hatsiisa hhe'eés, inós iri aariirín baraá tla/ángw aaruuseedá' wa ale.

1 SAMUELI 16:14

Naagáy Qeeruú AAKOÓ MUNGÚ Saulo guri geexáy, qeeruú tlaákw kuri ya/aamár i haniís nee AAKOÓ MUNGÚ, Saulo nguwa i dahi, guri amoqwaareemiís.