WARA'AMI 51:1 - Biblía Axweesantá Hhohho' ar Mungú 2004

¹ Mungú na'ás, án gurtlawáng, ar afi qoomoó sla'aarirók ar warqawaaká, ar yaareemaá gurtleemuwók, tlakweemaaeé' na fiitseek.

Ya/abtór hho' 1977

¹ Mungú na'ás, án gurtlawáng, ar afi qoomoó sla'aarirók ar warqawaaká, ar yaareemaá gurtleemuwók, tlakweemaeé' na fiitseek.

WARA'AMI 51:1 Iomraidhean Croise

2 SAMUELI 11:2

Loarka wake, qoomár tsiindowo, Daudi ina qatuú wá tláy, iri tsa/án gawaá daanduú doó waawutmo. Qoomár iwa gawaá geehhoudá' wa hi'iimiti, /ameenír wák gana ár i hamtliín /ameenír tsataari hho', hhohh'ariro ila' gin hayót.

NEHEMIA 4:5

Tlakweemaín mi baloó lu/aar tam tlakweemaaín mi fiitsaar, asma kuúng ugwa buhhtisiyé' dír geeraá múk doó tleéhh wa alé.»

WARA'AMI 106:45

alqadoorós gana insláy as inooín, muneerós gari guú/, asma yaareemaá sla'aarirós ar warqawaaká.

WARA'AMI 106:7

Taati'iirén qoomár iwa baraá Misri, waa/oo/amoodá' Mungú aa tlehhiít kaa gaárí xuiiká. Yaareemaá sla'aarirók ar warqawaaká ngaa inslay'iiká. Ala Munguúdá' úr ngway aahhiyé' tawa afaá tlawtá Shamu dirii'i.

WARA'AMI 109:21

Kuúng Aakoó Mungú, Aakooeé', tidá' kuúng ta sla' aníngí tleehhang ar hhooeemaá sla'aarirók ar warqawaakahe aníng tu/áng.

WARA'AMI 119:124

Anuú lawaalmoowók hhooeemaá i tleehháng, ar adór sla'aarirók ar warqawaaká i diri'. Kaahiroge intsaahhatisáng.

WARA'AMI 145:9

AAKOÓ MUNGÚ ku hhoó' dír muu sleémeero. Nee gurtleemuwós i gawaá umuúqo gár aa tleehhi.

WARA'AMI 4:1

Mungú, kuúng an Munguúeé' oo gan'amuú koóm, firor'eé' iiárií qaaseek qoomár bur ateetiím. Ina alee/ís qoomár niwa slahh'amkuú koom. Án gurtlawáng, firor'eé' iiárií qaaseek.

WARA'AMI 40:11

Kuúng AAKOÓ MUNGÚ, mi /itaar gurtleemuwoge! Aníng amohhe'eemisáng ar sla'aarirók ar warqawaaká nee inkihhimuuwoge.

WARA'AMI 5:7

Ala as yaareemaá sla'aarirók ar warqawaaká, aníng an dáh baraá Do'ók oo hhoohhoó'. Ar ilaiwa/ameero un i tumbarara'aát, uri sluufiís baraadá' wa ale.

WARA'AMI 51:9

Ilaawók tuuntukeek, tlakweemaaeé' mi i qaytaar, iringér'eé' hamaatleek.

WARA'AMI 69:13

AAKOÓ MUNGÚ, aníng un fiririím, Mungú, qoomaadá' u sla'atimisa, án mu/aywatsáng ar sla'aarirók tidá' warqawaaká, ar inkihhimuwoge aníng tu/áng.

WARA'AMI 69:16

AAKOÓ MUNGÚ, án mu/aywatsáng, asma sla'aarirók ar warqawaaká a gár hhoo', ar gurtleemuwók kudá' yaariire án i qaytáng.

WARA'AMI 77:9

Mungú gurhhooarós gaa gunqareési? Xáy ar buhhtaawose gurtleemu gwa báqi?

ISAYA 43:25

Anínguú kilá' an kudá' tlakweemaahúng gi hamtliít as aníng kilooeé'. Aníng tlakweemaahúng i baloó inslawaaká.

ISAYA 44:22

Aníng dakumisuuhúng kuduú adór huunkáy ugwa fiíts, nee tlakweemaahúng kudaá adór tlaanguhe. Amor'eé' ki/aare', asma aníng kuungá' naa ba/amís

ISAYA 63:15

«Gawaá doorí wa qaytsitáng nee ka aán, iimír dirók tidá' hhoohhoo' nee didár hotaawók ar xirfuú kooma. Ahaá da/itók tidár sla'aari nee aleesleemuwoge i amoomá? Sla'aarirók nee gurtleemuwo kaa ilaá/ dir'eene.

ISAYA 63:7

Sla'aarír warqawaaká ar AAKOÓ MUNGÚ an alki/iít, xirfuú AAKOÓ MUNGÚ un oiím, ar har qoomoó muruudá' AAKOÓ MUNGÚ naa atén i tlehhiít, nee hhooeemadá' yaariir aa tlehhaahhiít dír múk Israeli, kudá' a tleehhaahhiít ar harqoomoó gurtleemuuwós, ar harqoomoó yaareemaá sla'aarírós ar warqawaaká.

YEREMIA 18:23

Ala AAKOÓ MUNGÚ, kuúng adoodá' ta qoomeemesi as iwa gaasár wa slaya' a xú'. Tlakweemaaín mi gurtlawaar, laqaá tlakweemaaín mi hingeesaar dír geeraawoge, inooín ki arba/i dír geeraawoge. Qoomár bara búhh inooín haraganaaeek.»

WA/AA/I 3:32

Ala timti gurhaamír ar aya, inós iqo gurtleemuú kón, ar har qoomoó yaareemaá sla'aarirós ar warqawaaká.

DANIELI 9:18

Aá Munguúeé', iia qaaseek, qaytsiít slahh'amuú ta koomaan, nee adór gixsarí taa umuuwók ar ateét ir slahhaahha'. Gár atén kuúng us firirimaan a gan'amuureneeká, ala a as gurtleemuuwók oo yaariír.

DANIELI 9:9

Aakoó Munguúrén, kuúng guruuwók i tlatláy nee tlakweemá muu in gurtleér tam handá' atén aga dee/anutani.

Tlehhema'aá ya/Abuuse 3:19

Gawaá adoorihe kuungá' hhu'u'uumé', nee ki/é' amór Mungú, as tlakweemaahúng kiwa fiitsi. As kahhó' qooma niwa hardat ar Aako nuwa qwal/asi dír geeraawose,

Kolosai 2:14

nee dugunoó iinaarén guna fiíts, kudá' geera atén ti iinuús tlehhema'aá yaariire. Guri hingeés, guri kikií' gawaá msalaába.