WARA'AMI 50:7 - Biblía Axweesantá Hhohho' ar Mungú 2004

⁷ «Kuungaá muk'eé', iia qaasaak, gár ni oo' i deer. Israeli, adór kuúng tay diri' ngi lamabuú'. Aníng an Mungú, aníng a Munguúwók.

Ya/abtór hho' 1977

⁷ “Kuungaá muk'eé', iia qaasaak, gár ni oo' i deer. Israeli, adór kuúng tay diri' ngi lamabuú'. Aníng an Mungú, aníng a Mungúwók.

WARA'AMI 50:7 Iomraidhean Croise

1 WAAWITÁ 18:39

Muu adoorí ngiwa ár tari gur'eérár qaqatín ta kaahi, «AAKOÓ MUNGÚ an Munguú ló', AAKOÓ MUNGÚ an Munguú ló'.»

2 WAAWITÁ 17:13

Tam adoorihe AAKOÓ MUNGÚ aaruuse nee iigu'utuuse gana ya/aáw as múk Israeli kuwa nanaaqi nee oo Yudawo, iwa kaahi, «Lohduhúng kwisingá' tlakw mawaak, hara'ayar'eé' iiárií qaasaak, nee daber'eé' eeharaak, tidá' aníng aáng na hara'ayiím dír baabi'iihúng, nee tidá' na hara'iyiím ar loohír sagadiyuser'eé' ar aaruuse.»

2 QOM'I 28:5

Ahasi kuri geexáy nee AAKOÓ MUNGÚ Munguúwós guri haniís kuwa baali nee waawutmoó Aramu, daqaari'iimár yaariir ar mukós kari ar tláy ay Damasko. Inós sleeme kuna haniís kuwa baali nee waawutmoó Israeli, mukós oo yaariír guri tsuú/.

WARA'AMI 49:1

Kuungaá muu sleémeero, kaangwí iiárií qaasaak, kuungaá yaamaá hootá' iiaa sihhaak.

WARA'AMI 81:8

Muk'eé' án iiárií qaasaré', aníng kuungá' nu gurbuú'. Alók geeraawo a gár hhoo' diroge bar aníng iga iiárií qás.

WARA'AMI 81:9

Gár taa tleéhh ar slaqsoó Mungú ma sluufisaar, tam sleeme ma i tumbararaa'ataar.

TI'INAANGW 20:2

«Aníng a AAKOÓ MUNGÚ Munguúwók, kudá' kuúng ugwa duux baraá yaamaá Misrír wa ale, yaamuudá' lawaali'iima kawa /ák.

ISAYA 1:18

AAKO i kaahi, «Qwalaasé' hamí aníng nee kuungá' a axweesaán, tlakweemaahúng tim da/atatuyá' adór inqwaarír daa/aát wá ale, nin /awkukuyá' adór tlaa/aá tluwaay, tim da/atatuyá' adór tseere, nin /awkukuyá' adór se'éngw bee/ángw /awák.

YEREMIA 2:9

Gawaá adoorihe AAKOÓ MUNGÚ i kaahi, «Aníng kuungá' nun lu'ús, nee tam na/aá nangwhúng in lu'ús.

ESEKIELI 20:5

Ki beer, anuú Aakoó MUNGÚ a kah, ‹Baldá' múk Israeli nguwa tsawaár, xwaylár Yakobo ana lo'ór wa /aáy. Tina geehhooatís dir'ín i aleeró qoomár tawa baraá yaamaá Misri, lo'o ana /aáy, ana oó', Aníng a AAKOÓ MUNGÚ, Munguúhúng.›

ESEKIELI 20:7

Ina báw, ‹Muruudá' aníng ni ahhiit sleémeero kuungá' ta sla'a', kwahhaak amór saaw. Miti meetagamisaara' ar slaqsa'aá munguaá hatlá' awa Misri, asma aníng a AAKOÓ MUNGÚ, Munguúhúng.›

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»