WARA'AMI 50:22 - Biblía Axweesantá Hhohho' ar Mungú 2004

²² «Tí alhooreesaak, kuungaásingá aníng i gunqaaremisá', án kuungá' munduwa karslamiís, tam heé nu tuú/ iri qwaar.

Ya/abtór hho' 1977

²² “Tí alhooreesaak, kuungaásingá aníng i gunqaaremisá', án kuungá' munduwa karslamiís, tam heé nu tuú/ iri qwaar.

WARA'AMI 50:22 Iomraidhean Croise

2 SAMUELI 22:42

Alee/isaay nguna leelehhiitiyé', ala oo gi ba/amís ngwa arii'iiká. AAKOÓ MUNGÚ nguna i /aa/aminé', ala gaa mu/aywatsiiká.

YOBU 10:7

Kuúng a xú' adór aníng nir tlakweemaá koomaaká nee aníng heé i tuú/ baraá dabaawoge adór ir kaáhh, kuúng a xú'.

YOBU 8:13

Mukdá' sleémeero Mungú gu gunqareemiís an adoorír kilá' harahhifór múk Mungú gu haratlintatiaaká in payshút.

WARA'AMI 10:4

Tlakusmo baraá daara/aangose Mungú gu leelehhiitiiká. Baraá inslawaywós sleémeerowo Mungú i kaahh.

WARA'AMI 7:2

Mindiwa hardihiyé' adór dirángw wa ale, aníng iri feehhamisiyá', mitiwa uuruúx amór saáw i alé, dír heé i ba/amís iwa kahhi.

WARA'AMI 9:17

Tlakuuse amór i keer a baraá gi'i, tam múk xoordu kudá' Mungú ngwa gunqareesiye' sleeme i amoodá' kayá'.

WARA'AMI 9:18

Mungú narkutmo gu baloó gunqareesiiká. Harahhifór múk liitlakuuse i baloó qwatká ay alhhe'eesay wasle.

DAHARUSMO 7:14

Baalár hhoo' bara sleér ta qwalá/, nee amotlakwe bara sleér aldakuuteek. Mungú qwala/ nee amotlakwe tsaraawo gina tleéhh, as hee gár aluúwaá hi'iit mingiwa xuú'.

ISAYA 51:13

AAKOÓ MUNGÚ kuduú tleehharusmoowók ugwa gunqarés, kudá' doori gaa hhaaf nee iihhafiirír yaamu gaa qaas. Kuúng kumiít de'eero umuú deélooro as buhhtaá kuduú baramaanusmo taa amohhe'ees kuúng uwa hhaamisi. Xáy, buhhtaá baramaanusmo i amá?

YEREMIA 2:32

Xáy, dasír /amatliito'o parootirós gaqo gunqaarésa, laqaá dasír ta duxuuti tlabaawós giqo gunqaarésa? Ala muk'eé' aníng iga gunqaareés har afiqoomár deelór yaariir.

ESEKIELI 18:28

Asma inós gár ganaa' gana aldaákw, nee tlakweemaawós giri máy, kwí aqo in tsuwa hoot, i gwaiiká.

HOSEA 13:8

Aníng nun hara/akumiít adór dúbuú taa na/ii hayóh, nuri da/eewe karslamiís, nuri /aáy adór diraangw, nuri tlaqaqaát adór makiito'ór sla/a.

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

HOSEA 5:14

Asma aníng a adór diraangw tleehhiít dír múk Israeliwo, nee adór na/aá diraangw dír doó Yudawo. Aníng, nu karslamiís, nuri hhimbiriítl, tam heé nu tuú/ iri qwaar.

AMOS 2:14

Tam mukdá' ti'ii'íngw xuú' i kotsqotiiká, mukdá' /uureemaá koóm, /uureemooín in faakiyá', tam slaqwaruuse sleeme slafingw'ín gu tu/uka.

MIKA 5:8

Nee panaydá' aa meet baraá múk Yakobowo baraá tla/ángw xoorduuwo nee tsifrír yaariire, a adór dirángw baraá tla/ángw makaá sla/a, nee adór na/oó diraangw oo baraá tla/ángw daqtá bee/ángw i dirií', qoomár bira baraá tla/angw'ín ar waaraáhh, gin kal/án nee giri feehhamiis, tam harahhifór hee ngiwa ba/amisi i káhh.

HAGAI 1:5

Gawaá adoorihe AAKOÓ MUNGÚ Aleesleemusmo i kaahi, «Lohduuhúng alqaytsitaak.

Luka 15:17

Ala qoomár inós tiwa baraá muunaáwósí aldakuút, iri oó', ‹Sagadiyuusér dír doó baabuúeé' wa gadiyuus a magá', ar gwaeemaá gixaw, nee án qwari i baraaká' wa gaamiis.

DABE 32:18

Kuungá' Tlaa/adá' naa xwayluur ana insleeri'iiká, Munguúdá' kuungá' naa laqwaal una gunqaaresé'.

DABE 32:39

«Gimsé' daxta tsaahhaak adór aníng kilooé' tar Mungú, Munguú hatlá' i kaahh, aqo har aníng kilooeé'. Aníng an kudá' tsu/uút nee kudá' slafmís, kudá' nor'omiís nee kudá' hungu/umiís. Nee baraá dabaaeene heé hee gu tuú/ i kaahh.