WARA'AMI 50:14 - Biblía Axweesantá Hhohho' ar Mungú 2004

¹⁴ Mungú ilahhooár sluufáy duxuumeek. Al'axweesantók boo/eeseek dír kudá' gáwtí diriia.

Ya/abtór hho' 1977

¹⁴ Mungú ilahhooár sluufáy duxuumeek. Al'axweesantók boo/eeseek dír kudá' gawtí diriia.

WARA'AMI 50:14 Iomraidhean Croise

YOBU 22:27

Inós kuri firiín, kuúng uri iiárií qaas. Kuúng al'axweesantók kari bú'.

WARA'AMI 147:1

AAKOÓ MUNGÚ xirfayeemisaak! Asma ka hhoo' Munguúrén kuwa i daa'aan. Asma inós ku gurhhoó', nee kuwa xirfayeemisaan i ganá'.

WARA'AMI 22:25

Baraá dinku'uumár ure án kuúng un xirfayeemiís. Al'axweesante'eé' an boo/eés, dír geeraá kudá' kuúng ilaiwawa/a'a.

WARA'AMI 22:26

Awa liitlakwen i /ayiná' niri aaxiyá', awa AAKOÓ MUNGÚ ngu leelehhiitá' ngu xirfayeemisiyá'! Inooín i hotaatine' ay alhhe'eesay wasle!

WARA'AMI 27:6

Hám daxta aníng a kwereeaaká, ti axmaamiis gawaá daanduú wakuuser'eé' tidá' iga harwet. Aníng ilahhooár muruú ta tsu/i an haniís baraá heémár Mungú wa ale ar bara/.

WARA'AMI 50:23

Kudá' aníng i ilahhooár sluufáy duxuúm, an kudá' aníng i xirfayeemiís. Heé digir waketiingós gwaa qoomees aníng u ba/amís!»

WARA'AMI 56:12

Mungú, al'axweesante'eé' gár kawa hariím aqo ngin boo/eés. Ilahhooár sluufaay ngi haniís.

WARA'AMI 61:8

Án kuúng umuú qoomaaro u daa'ángw xirfií daá', as al'axweesante'eé' ngiwa boo/ees umuúqo deelooro.

WARA'AMI 65:1

Mungú, kuúng xirif usa hariín gawaá Siyoniro, nee amór kuunge al'axweesantarén ka boo/eesaán.

WARA'AMI 69:32

Awa taa baraamaanuús adoorí bir ngaa ariyé' ta qwalaa/, kuungaásingá' Munguú leelehhiitá', tunduri gurkwa/as.

WARA'AMI 76:11

Al'axweesantók tidá' taa qás boo/eeseek dír AAKOÓ Munguúwoge. Mukdá' sleémeero tseéw ilahhooa ngi huwi dír inósuudá' ilaiwa/amér wa hariím.

WARA'AMI 76:12

Inós geeraharuusér uren ga daba' tsaat, nee waawituú baraá yaamu nguri da'ayuutiyá'.

HOSEA 14:2

Tlawsé', inós firiimaak, ki/é' amór AAKOÓ MUNGÚ. Inós ku beera', «Tlakweemaarén sleémeero hingeseek, qeemuurén ilaooheek, daqaní atén kuúng u xirfayesaán afeerene.

NAHUMU 1:15

Gawaá tlooma i qaatsitaak, ga/aawaak heé ya/abtór hho' ngi huúw, heé wayduú dahareemiís. Aá Yúda, deelorhúng ar ur tleehhaak, al'axweesantahúng boo/eesaak, asma heedá' tlaákw nu baloó tlaampa'aasiiká, asma kwaa qaroó suwa tsaát.

NAHUMU 2:1

Heé nu suwawa'aám hanoos i hi'iit. Do'ók xuumeek, loohi xuumeek, siinootiím, ti ló'wa amohhe'es.

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

DABE 23:21

«Qoomár al'axweesani bara qás dír AAKOÓ MUNGÚ, Munguúhúng, boo/eesaro ma tligaar, asma AAKOÓ MUNGÚ, Munguúwók ga dirók i iinuus, aluuwo kuúng a dát baraá dakuús.

DABE 23:22

Ala kuúng al'axweesani bara qasiká, dakuúsár ta koon i káhh.

DABE 23:23

Ti ló'wa harmagahh, al'axweesani kawa boo/es tidá' taa afkók ar kát dír AAKOÓ MUNGÚ, Munguúwók i ale, asma gadaádá' kuúng ana ó' ar sla'aarirók ar kilá'.

DABE 23:24

«Barnaxes aga waaráhh ar baraá qaymór sabiíbu ar inslaawmoowók, mamaá sabiíbu awa ta didá' wa /ak bueek, ala mu buaar kuri baraá tlakwaywók i qás kuri ar tleér.

1 Tesalonike 5:18

Mungú sluufmisaak baraá umuúqo gaaro. Asma gaarí an gár Mungú i slai dír kuungaásingá' awa baraá Kristo Yesu i diriia'a.

Ebrania 13:15

Gawaá adoorihe atén masók Mungú un ilahhooarén ar muruú ta tsú/í hanmiisaán ar loohír kuwa xirfayeemisaan umuúqo daqto ar loohír Yesu. Gídaabárós a Mungú un xirfayeemisaán ar afeerén.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.