WARA'AMI 50:1 - Biblía Axweesantá Hhohho' ar Mungú 2004

¹ AAKOÓ MUNGÚ, Munguú Aleesleemusmo, in axwees, múk baraá hhapeemo sleémeero gun amoorós i ateetín da/aáw wa tleemu ay /uwa.

Ya/abtór hho' 1977

¹ AAKOÓ MUNGÚ, Mungú Aleesleemusmo, in axwees, múk baraá hhapeemo sleémeero gun amoorós i ateetín da/aáw wa tleemu ay /uwa.

WARA'AMI 50:1 Iomraidhean Croise

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

1 WAAWITÁ 18:21

Aluuwo Eliya iri tseewúy dír muu sleémeero, guri báy, «Kár kuungaáká' ta aftsaderarinda' baraá inslawayhunge ay xaylá? Gám, bar AAKOÓ MUNGÚ an Munguú ló', eeharaak, ala Ba'ali bar an Mungú, gimsé', eeharaak sleeme.» Ala muu axweesantadá' gaa tlaxwiiká, ina xasliít.

1 QOM'I 15:17

Aluuwo muu kuri tsawaár baraá tlahhoó daauusér wa ale: Hemani garmoó Yoeli, nee hhiyaawós Asafu garmoó Berekia, nee baraá hhaeeine heé taa tsawaár a Etani garmoó Kushaya oo hhay Merari.

1 QOM'I 16:37

Waawutmo Daudi Asafu nee hhaeewós giri dír geeraá sandakmoó alqadór AAKOÓ MUNGÚ i máy, niwa didá' wa gadiyuusiya' as umuú baalaaro gadiyér hariim ngiwa tleehhiya'.

1 QOM'I 25:2

Daaqoó Asafu a kwí: Sakuri nee Yosefu, nee Netania, nee Asharela. Inooín geeraharusmooín a Asafu, kudá' aa aariirin ar adoodá' waawutmo ngura geerahaár.

1 QOM'I 25:6

Inooín sleémeero kina geerahaár nee baabuúín, as iwa daaiya' Doó AAKOÓ MUNGÚ wa ale ar mitingiray, nee ar mariímba nee ar gidaandori as iwa Mungú sagadiyuusiya' baraá do'ós wa ale. Asafu nee Yedutuni nee Hemani nin gadiyuusiyá' ar hara'ayár waawutmo.

1 QOM'I 6:24

Asiri ina laqwaál Tahati, Tahati ina laqwaál Urieli, Urieli ina laqwaál Usia, Usia ina laqwaál Saulo.

2 QOM'I 29:30

Aluuwo waawutmo Hesekia nee geeraharuuseero múk tlahhoó Laáwi nguri ádbayé', AAKOÓ MUNGÚ nguwa daa'ángwár xirfayeemisiya', daa'angwduú waawutmo Daudi nee iigu'utusmo Asafu naa daaiyé'. Muu sleémeero Mungú guri i daá' ar daa'ángw qwala/, tari xupuú', Mungú kuri sluufiís.

NEHEMIA 9:32

«Gawaá adoorihe, aá Munguúrén, Munguú úr oo /uuruú koóm nee oo dae tlaáq, kuúng alqadorók an ohiín nee sla'aarirók i warqeeraaká, slahh'amaayedá' atén taa sleer nee waawitaárén, nee múk urén nee kaahamuuseero nee aaruseerene, baabi'iirén nee mukók sleémeero iimír qoomár waawituú Ashuru ay laarí, kuúng ma gár niiná wa araar.

NEHEMIA 9:6

Esra iri adoorír firín, «Kuúng kilók an AAKOÓ MUNGÚ an kudá' doori iga tlehh nee muruudá' sleémeero baraadá' hoota, yaamu nee umuúqo gár baraaká' hoota, tlawi nee muruú baraadae, kuúng an kudá' gi amohhe'eemiís as iwa kumiitiya' hotaango, nee daqtá gawaá doori sleémeero kuúng un sluufmís.

WARA'AMI 113:3

Umuú AAKOÓ MUNGÚ xirfayeemisaak! Iimír amoodá' looa niwa tlatleer ay amoodá' i darat.

WARA'AMI 73:1

Ar ló', Mungú ku hhoó' dír Israeliro, dír kudá' muner'ín hhohhoe.

WARA'AMI 74:1

Aakoó Mungú, asma waáy, atén mista sí' ay alhhe'eesáy wasle? Ahaá, buhhtaawók mis xaraasliyá' dír bee/ángw qawtantoge?

WARA'AMI 75:1

Mungú, atén kuúng un xirfayeemisaán nee un sluufmisaán. Asma kuúng tu tseéw dír kudá' tlehhmi'iiwók awa waa/oo/amo ngi alki/iitá'.

WARA'AMI 76:1

Baraá Yudawo Mungú i xu'utiit, baraá Israeliro umuuwós ku qiitliiká.

WARA'AMI 77:1

Mungú un i /aa/amiím ar afór ur, un i /aa/amiím as kahhó' inós aníng iwa axaasi.

WARA'AMI 78:1

Kuungaá muk'eé', intsaahhatisar'eé' iiárií qaasaak, axweesanoó afkwe'eé' daáhh na ohiimaak.

WARA'AMI 79:1

Aá Mungú, múk kuúng u xuaaká yaamuuwók gaa i haratláy. Do'ók oo hhoohhoó' ngwa tligár ayé', nee gixsár Yerusalemu ngiri sluhhuyé'.

WARA'AMI 80:1

Kuúngusuú de'eemusmoó múk Israeli, iia qaaseek, múk Yosefu geeraharaahareek adór daqooroó bee/aangw. Kuúngudá' aga gáwtí iwit dír malaykeero, xirfuuwók gwa/atiseek.

WARA'AMI 81:1

Mungú baqmoorén i daa'aak ar afór ur, Munguú Yakobo sabaraa/aak.

WARA'AMI 82:1

Mungú aa sihhiít baraá tla/ángw boohharós i alé, i sakwasleemár tleehh baraá tla/eeraá munguaá hatlá' wa ale.

WARA'AMI 83:1

Aá Mungú, kuúng ma xasliitaar, Aakoó Mungú, kuúng ma dirógií xasliitaar.

ISAYA 1:2

Iia qaasaak kuungaá doóri, iia qaasaak kuungaá yaámu, asma AAKOÓ MUNGÚ aa axweés, iwa kaahi, «Na/ii ina /aymiís nee ina umiím, ala iga aldee/anuutiyé'.»

ISAYA 37:20

Gawaá adoorihe hám daxta aá AAKOÓ MUNGÚ Munguúrén, atén ti ba/amis baraá dabaá Senakeribuwo, as kahhó' waawuti'iima sleémeero ar baraá yaamu ngiwa xu' adór kuúng kilók tar AAKOÓ MUNGÚ.»

ISAYA 54:5

Asma tleehharusmoowók an adór hhawaatuwók. Umuuwós a AAKOÓ MUNGÚ Aleesleemusmo, nee kudá' hhoohhoó' oo Israeli an gweerusmoowók. Inós an Mungú daanduú yaamu sleémeero.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 10:6

Aá AAKOÓ MUNGÚ, oo adór kuúng i kaahh tumu wák, kuúng tu úr, umuuwók i /uuruú kón.

AMOS 3:8

Diraangw bira aáhh, xáy heé da'ayumitaaká a heemá? Aakoó MUNGÚ, Mungú aa axweés, xáy heé kaangwí gu ooaaká a heemá?

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

Matayo 25:32

xoordu sleémeero niri dír geeraawósí burumbuuritiyá', giri partliit adór de'eemusmo bee/aangw nee aara ngir partlaatliti.

YOSHUA 22:22

«Munguúduú Aleesleemusmo inós an AAKOÓ MUNGÚ kilós! Munguúduú Aleesleemusmo inós an AAKOÓ MUNGÚ kilós! Inós gár naa tleehhaán ga xuu', nee dirhunge sleeme ngi ooaán, barnaxes atén ana dee/aanutaán, laqaá AAKOÓ MUNGÚ haratlintaaoro una siaán, daqaní ti tsu/e', tam panmo miwa meét.