WARA'AMI 5:7 - Biblía Axweesantá Hhohho' ar Mungú 2004

⁷ Ala as yaareemaá sla'aarirók ar warqawaaká, aníng an dáh baraá Do'ók oo hhoohhoó'. Ar ilaiwa/ameero un i tumbarara'aát, uri sluufiís baraadá' wa ale.

Ya/abtór hho' 1977

⁷ Ala as yaareemaá sla'aarirók ar warqawaaká, aníng an dáh baraá Do'ók oo hhoohhoó'. Ar ilaiwa/ameero un i tumbarara'aát, uri sluufiís baraadá' wa ale.

WARA'AMI 5:7 Iomraidhean Croise

1 WAAWITÁ 8:35

«Tluwaay bira tluwiiká as tlakweemaá naa kuúng i tleehhiyé', bar kuúng ugwa firiné' nee turi haratlintií', nee bar tlakweemaaín ngaa mayé' as kuúng kiwa naanáq,

1 WAAWITÁ 8:38

na'ás gár mukók Israeli naaqo firini ya/aameek, laqaá tidá' umuúqo heewo naa firín, laqaá mukók oo Israeli sleémeero. Umuú heewo bar slahh'amuú baraá muunaáwós ngwaa xuú' bar ugwa firín dabaawós gaa tleés amoorók, iiárií qaaseek.

WARA'AMI 101:7

Heé lamusmo i baraá dooeé' wa hootiiká. Heé hhaahhafusmo i sihhitiiká dir'eene.

WARA'AMI 130:4

Ala dír kuunge gurtleemuú tlakweema i deer, as kahhó' atén kuúng uwa ilaiwawa/aan.

WARA'AMI 132:7

«Gusé', a dahaán baraá do'ós kudá' i hooti. A tumbararaa'ataán dír kitángw ya'aawós ngi qamaamin!»

WARA'AMI 138:2

Aníng kuúng u i tumbarara'aát tiwa qoomees ar afiqoomár Do'ók, kudá' hhoohhoó', án kuúng u sluufmiís as sla'aarirók ar warqawaaká nee inkihhimuuwoge, asma kuúng umuuwók nee axweesantók iga gár afhhamít tléhh ta mura' sleémeero.

WARA'AMI 28:2

/Aa/ee'eé' iiárií qaaseek qoomár bar alee/isoó fiririím, dabaaeé' bira gáwtí tleés amór Do'ók kudá' hhoohhoó'.

WARA'AMI 34:17

Qoomár múk ganaá' bir /aa/amín amór AAKOÓ MUNGÚ, gin iiárií qaas, giri ba/amis baraá slahh'amaayer'ine.

WARA'AMI 51:1

Mungú na'ás, án gurtlawáng, ar afi qoomoó sla'aarirók ar warqawaaká, ar yaareemaá gurtleemuwók, tlakweemaaeé' na fiitseek.

WARA'AMI 52:8

Ala aníng a adór xa'anoó naá/ oo seituúni, oo naa baraá Doó Mungú wa ti'iit. Sla'aarír Mungú ar warqawaaká an harahhiíf, ay kureeraá kureér.

WARA'AMI 55:16

Ala aníng Mungú u ateét, nee AAKOÓ MUNGÚ aníng i ba/amis.

WARA'AMI 69:13

AAKOÓ MUNGÚ, aníng un fiririím, Mungú, qoomaadá' u sla'atimisa, án mu/aywatsáng ar sla'aarirók tidá' warqawaaká, ar inkihhimuwoge aníng tu/áng.

WARA'AMI 69:16

AAKOÓ MUNGÚ, án mu/aywatsáng, asma sla'aarirók ar warqawaaká a gár hhoo', ar gurtleemuwók kudá' yaariire án i qaytáng.

AXWEESANOÓ SAGALOOA 6:16

Muruú lahhoó' i deer oo AAKOÓ MUNGÚ i waki, eeít, faanqw ga áy dinkwaaro muruú aa ló'wa aáhh.

AXWEESANOÓ SAGALOOA 6:17

Xumsór daara/aangw, nee afkú lama gaa intsaahh, nee dabaá tseerdaá dakuús wásl ngi ku'umiisá'.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

ISAYA 64:11

Doorén kudá' hhoohhoó' nee oo taa parootuús, didá' baabi'iirén kuúng uwa xirfayemisiyé' kaa daá/ ar asla. Wa/ameerén tidá' sleémeero sla'atimiis kaa taangu tleéhh.

DANIELI 6:10

Danieli ngiwa tsaáhh waawutmo duguno gwaa qaás, inós iri kií/ amór do'ós kuduú qorofa, baraá kutuwirós tidá' pa/eeriwós taa kiís i amór Yerusalemúr ga/ayá'. Danieli umuú deelooro in tumbarara'amamiit looár wake sagaáwa tám, as Munguúwós nguwa firiirin nee nguwa sluufmiisi adoodá' /iisí i /imaamisi.

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»