WARA'AMI 5:11 - Biblía Axweesantá Hhohho' ar Mungú 2004

¹¹ Ala kudá' sleémeero na amoorógí guwiye' i qwalaala/iye'. Daqisleém i daaiye' ar bara/. Inooín kuúng na de'eemeek. Kudá' umuuwók ngu sla'á', kuúng un sa qwalaala/iyá'.

Ya/abtór hho' 1977

¹¹ Ala kudá' sleémeero na amoorógí guwiye' i qwalala/iye'. Daqisleém i daaiye' ar bara/. Inooín kuúng na de'eemeek. Kudá' umuuwók ngu sla'á', kuúng un sa qwalala/iyá'.

WARA'AMI 5:11 Iomraidhean Croise

YOBU 38:7

Qoomaadá' tsatse/uú matlaatle iwa daá' dinkwár wá ale, nee na/aá Mungú niwa tseeaminé' ar qwala/.

WARA'AMI 2:12

as miwa buúhh, kuungá' tay qwadá' baraá loohi, asma buhhtaawós ni hardihiyá' ar gaanslaay. Kudá' sleémeero ngwa i guwiye' ki amohhoo'.

WARA'AMI 35:27

Kudá' waangexwaarar'eé' ngi sa qwalaala/á', i baraa/iye' nee i qwalaala/iye', nee i ooiye', «AAKO i xirfuuti, asma iwa qwalaala/i as amohhooár sagadiyusmoowós!»

WARA'AMI 40:16

Ala kudá' sleémeero kuúng leelehhiitá' ta baraa/i, tu sa qwalaala/i. Kudá' ba/amarók sla'á', deelo sleémeerowo ta oi, «AAKOÓ MUNGÚ ku úr!»

WARA'AMI 58:10

Heé hota ganaá' i qwalalaa/ bar ngaa ár wakuuse kaa li/áy buú'. Ya'aawós gin hamaatl ar tseerér múk hota ganaa'aaká.

WARA'AMI 65:13

Bee/aangw qawtanaay gwa tuuntuúk, nee balaangw aa hamaár baraá yaamuwo, umuúqo gaaro i bará/ ar qwala/.

WARA'AMI 68:3

Ala múk hota ganaá' tan qwalalaa/, tan baraa/ geeraá Munguhe, tay tsimaahh ar qwala/.

WARA'AMI 69:36

Xwaylár sagadiyuuseerós yaamuudá' gi ál, kudá' inós ngu sla'á' tari baraadá' wa hoot.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Rumi 8:28

Atén a xuaán adór dír mukdá' Munguú sla'a, mura' sleémeero tir alee/iimiisi, as mukdá' nguwa muruú hhó' i slaslay. Mukwí an kudá' Mungú aa ateét ar sla'aarirós ar kilá'.

1 Korinto 2:9

Sagalooarí an tidá' Gooi iwa kat, «Gadá' taa baloó ariiká nee iltá hee, nee ar taa baloó axaasiiká nee iiár hee, nee slám ar hee aa baloó xuiiká baraá muunaáwose, gaarí an tidá' Mungú aa amohhe'eés as mukdá' inós gu slaá'.»

Yakobo 1:12

Heé amohhoó' an kudá' iiara'at gu sa qiqtliím. Asma iiara'at bungura ar baá/, aluuwo slamaangw gu sláy. Slamaangwí an slafingwdá' Mungú aa al'axweés nguwa haniisi dír kudá' sleémeero inós ngu sla'á'.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.

HAR'OHUUSE 5:31

«Aá AAKOÓ MUNGÚ, wakuuseerók sleémeero i hhaan. Ala mulqeerók masók i gwa/át adór tsee/amá qoomár bindi tsirariihh.» Yaamu wayda nguri slayé' har afiqoomár kureerí mibeeri tsiyahhe.