WARA'AMI 49:16 - Biblía Axweesantá Hhohho' ar Mungú 2004

¹⁶ Ma daawimitaar daqaari'iimár hee bara aán, tam diihhooarós bira tláhh.

Ya/abtór hho' 1977

¹⁶ Ma daawimitaar daqaari'iimár hee bara aán, tam diihhooarós bira tláhh.

WARA'AMI 49:16 Iomraidhean Croise

IIMU/UUNGW 31:1

Yakobo qununu/oó na/aá Labani guna axaás, tawa kaahi, «Yakobo daqaari'iimár baabuúrén sleémeero gana ar tláy, taa daqaaritiís ar daqaari'iimár baabuúrén.»

ESTA 5:11

Hamani giri yaareemaá daqaari'iimarósí alki/iít, nee daaqaywós oo yaariír nee adoodá' waawutmo nguwa uráy haniís, nee nguwa baalírí haniís daanduú geeraharuuse nee sagadiyuusér waawutmoowo.

WARA'AMI 37:1

Kuúng ma daawimitaar as kudá' tlakweemaá tlehhiitá', tam mi waatlakwemisaar kudá' muruú tlákw tlehhiitá'.

WARA'AMI 37:7

Dír AAKOÓ MUNGÚ i xasliiteek, inós ku daán ar qitla. Kurkeér heé adoorós tidá' ar al/ayma ga ya/a/aám, nee mukdá' lohuín kudá' tlakw ngaa muruú wa slaye'.

WARA'AMI 49:5

Aníng gár nis daimiit a milá tsaxwawo, qoomár birta harweér nee tlakweema.

AXWEESANOÓ SAGALOOA 28:12

Múk hota ganaá' bira waawuti'ín yaamu ni diihhe'eesiyá' Ala múk tlákw bira waawuti'ín muu in nahhamiit.

HOSEA 13:14

Aníng i ba/amís baraá /uuruú gi'iiwo. Aníng nu wangeexwaár dír gwa'araro. Aá gwa'ára, tsu/utaarók gaálaay? Aá gí'i, hhitarhúng gaálaay? Gurtleemu u sangw koomaaká.

Geehhoeemaá 21:24

Múk xoordu tari hi'iimiit ar gwa/aateemaá gixsadá'. Nee waawituú baraá yaamu xirfuuín nguri baraá gixsadií huwiyá'.

Geehhoeemaá 21:26

Xirfuú múk xoordu kunguri baraá gixsadá' i huuw, nee ilaiwa/amer'ín sleeme.