WARA'AMI 47:8 - Biblía Axweesantá Hhohho' ar Mungú 2004

⁸ Mungú xoordu gi sawaawuti'ín, Mungú aa iwiít gawaá kitaangós kudá' hhoohhoó' oo aleesleemu.

Ya/abtór hho' 1977

⁸ Mungú xoordu gi sawaawuti'ín, Mungú aa iwiít gawaá kitaangós kudá' hhoohhoó' oo aleesleemu.

WARA'AMI 47:8 Iomraidhean Croise

1 QOM'I 16:31

Kuungaá doóri, qwalaa/é', kuungaá yaámu qwalaa/é', xoordu sleémeero bawaak, «AAKOÓ MUNGÚ a waawutmo.»

WARA'AMI 110:6

Xoordu gi sakwasleemuut, nee múk yaariír kway tsuu/. Geeraharuuse gan qwaarees, umuúqo dír i diriia baraá yaamuwo.

WARA'AMI 48:1

AAKOÓ MUNGÚ ku úr, i harín kuwa ló'wa xirfayeemisi, baraá gixsár Munguúrene, gawaá tloomarós tidá' hhoohhooe.

WARA'AMI 89:14

Gan'amu nee sakwasleemár ganaa' an iihhafiirír waawuti'iimarók, sla'aarirók ar warqawaaká nee inkihhimu ki geehhoo', baraá umuúqo gár ta tlehhiita.

WARA'AMI 9:4

Aníng iga sakwasleemár i tléhh ar gan'amu, aga iwít gawaá kitángw aleesleemu sakwasleema kawa tlehh ar gan'amu.

WARA'AMI 93:1

AAKOÓ MUNGÚ aa waawuti'ín, AAKOÓ MUNGÚ taa tsiitiís ar aleesleemu nee /uuruuwós, yaamu gaa gawdeés as mindiwa dingitiyé'.

WARA'AMI 94:20

Xáy, geeraharusmoó /aytusmo nee kuúng an dinku'usá'a? Kudá' hara'ayár gan'amuú koomaaká ngi qamiimá'?

WARA'AMI 96:10

Xoordu ádbawaak, adór AAKOÓ MUNGÚ tar baalusmo, yaamu kaa tlehhma hhe'eés, kiri /atleés as iwa daaraxatiaaká, muu gu sakwasleemuut ar adór ganaa'.

WARA'AMI 97:1

AAKOÓ MUNGÚ i waawuti'ii'ín, yaamu i qwalaala/iye', yaamudaá baraá tla/eeraá tlabeemo i qwalaa/iye'!

WARA'AMI 99:1

AAKOÓ MUNGÚ i waawuti'ii'ín, xoordu ni daaraxatiye'. Aa iwiít baraá tla/eeraá keruúbi, yaamu niri dingitiyé'.

WARA'AMI 99:2

AAKOÓ MUNGÚ baraá gixsár Siyoniro ku úr. Xirfuuwós i gawaá daanduú xoordu sleémeero.

SEKARIA 14:9

AAKOÓ MUNGÚ tari waawutmo gawaá daanduú yaamu sleémeero, baalaadae AAKOÓ MUNGÚ a wak, nee umuuwós a wak.

MALAKI 1:14

«Heé al/aymusmo ku lu'usi, kudá' baraá daqtose gár xaslxaanslír koom ga ilahhooár wa gaamiís dír Aakoó i alé, ala laatí baraá al'axweesantose yaqaambuú hhoó' guna oó'! Asma aníng a Waawutmoó úr. Umuueé' baraá xoorduuwo i dae tlaaq. Anuú AAKOÓ MUNGÚ Aleesleemusmo tí ngina oó'.»

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.

Geehhoeemaá 19:6

Afo ngiri axaás ar adór afór boo/oó yaariír, nee adór afór ma'aá yaariír awa wa/amiimá' baraá wa/ángw i alé, nee slám adór afór xuuraaír /uuruú koom. Afoorí iri ó', «Mungú i xirfuuti! Asma Aakoó Munguúrén, Aleesleemusmoó mura' sleémeero, inós waawuti'iima gaa sláy.

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.