WARA'AMI 47:3 - Biblía Axweesantá Hhohho' ar Mungú 2004

³ Xoordu ngina gawaá dabaarén i qaás, as kiwa sawaawuti'iimaan.

Ya/abtór hho' 1977

³ Xoordu ngina gawaá dabaarén i qaás, as kiwa sawaawuti'iimaan.

WARA'AMI 47:3 Iomraidhean Croise

WARA'AMI 110:1

AAKOÓ MUNGÚ iri oó' dír Aakooeé', «Iwiít bihhaá dakw'eé' oo doó /iyáy, ay dír wakuuseerók ngay qaas baraá tsa/aá ya'aawók.»

WARA'AMI 18:47

Inós an kudá' arba/ati ngi hanmiís dír wakuuser'eene, xoordu ngina baráy qaás dir'eene.

WARA'AMI 66:5

Qwalaasé', xuxuuaak tlehhma'aá Mungú aa tleéhh, tlehhma'aá Mungú aa tleéhh tla/ángw muko i dae tlaaqiyá'.

WARA'AMI 81:14

Geeraawo alók wakuuser'ín aga baál ar gaanslaay, nee geeraawo wakuuser'ín aga daásl ar dakw'eé'.

WARA'AMI 95:3

Asma AAKOÓ MUNGÚ inós a Munguú ak úr, nee waawutmoó úr dír mungui sleémeero.

WARA'AMI 99:2

AAKOÓ MUNGÚ baraá gixsár Siyoniro ku úr. Xirfuuwós i gawaá daanduú xoordu sleémeero.

YEREMIA 10:7

Aá waawutmoó xoordu, oo kuúng u ilaiwawa/aaká a heemá? Asma kuúng an hariín tuwa ilaiwawa/i, oo sagaloó' adór kuúng i kaahh baraá xoorduuwo, tam baraá waawuti'iima sleémeero.

SEKARIA 14:9

AAKOÓ MUNGÚ tari waawutmo gawaá daanduú yaamu sleémeero, baalaadae AAKOÓ MUNGÚ a wak, nee umuuwós a wak.

MALAKI 1:14

«Heé al/aymusmo ku lu'usi, kudá' baraá daqtose gár xaslxaanslír koom ga ilahhooár wa gaamiís dír Aakoó i alé, ala laatí baraá al'axweesantose yaqaambuú hhoó' guna oó'! Asma aníng a Waawutmoó úr. Umuueé' baraá xoorduuwo i dae tlaaq. Anuú AAKOÓ MUNGÚ Aleesleemusmo tí ngina oó'.»

1 Korinto 15:25

Asma Kristo gár kuwa hariím aqo in waawuti'ín ay dír Mungú wakuuseerós ngay gawaá dabaawós i qaasi.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»

Filipi 3:21

Inós slaqoorén kuká' hhitiruutá' giri warqees nee tari adór slaqwtós tidár xirfuú koom. Inós adoorí tleehhamooro ga aleesláy. Asma inós /uuru gu kón oo mura' sleémeero nguwa qaasi baraá aleesleemuuwós i alé.

YOSHUA 21:44

AAKOÓ MUNGÚ inooín giri waydií haniís umuú diiro baraá yaamuudae ar adoodá' ngira al'axweés dír baabi'ii'ín. Hoomtuú gaa qiitl kwatiitaro i kaahh, asma AAKOÓ MUNGÚ hoomaadá' gana qaás baraá dabaá xoorór Israelírí ale.