WARA'AMI 47:1 - Biblía Axweesantá Hhohho' ar Mungú 2004

¹ Kuungá' muu sleémeero tsa/i'i tahhaak, Mungú diidi'iimisaak ar daa'ángw bara/.

Ya/abtór hho' 1977

¹ Kuungá' muu sleémeero tsa/i'i tahhaak, Mungú diidi'iimisaak ar daa'ángw bara/.

WARA'AMI 47:1 Iomraidhean Croise

2 SAMUELI 6:15

Gawaá adoorihe Daudi nee múk Israeli sleémeero sandakmooduú AAKOÓ MUNGÚ kuna huúw ar bara/ nee afór ur ar tarumbeéta ay baraá gixsár Daudi.

2 WAAWITÁ 11:12

Na/aydú waawutmo kunguri tsee/áy duúx, kuri slamaángwí dahaás, nee guri kitaábuú haraa'ayár i haniís ar waawutmo gan'amiis, Yoashi kuri iimbalaáx ar di/i, kuri waáhh tawa waawutmo, muu tsa/i giri slaáhh, tari oó', «Waawutámo sagók fur'a ngu laaleer.»

2 QOM'I 13:15

Naagáy slaqwaruusér Yuda tay tseé' ar afór slaqwara, adoorí kawa tleéhh, Mungú arba/ati gay haniís. Mungú Yeroboamu nee slaqwaruusér Israeliro giri baál dír geeraá Abiya nee slaqwaruusér Yuda wa ale.

WARA'AMI 106:47

Ti ba/amis, AAKOÓ MUNGÚ, Munguúrén, ti dinkwárí ki/is baraá múk xoordaá hatlae. Daqaní kuúng un sluufisaán as umuuwók kudá' hhoohhoó', atén tay xirfuutaán as xirfuuwók.

WARA'AMI 42:1

Adoodá' saaragi ma'aá yaae ngir ilatleerus, an adór án sleeme kuúng ur ilatleeruus, Munguúeé'.

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

WARA'AMI 47:5

Mungú aa tsa/án gawa ar bara/, AAKOÓ MUNGÚ aa tsa/án ar afór tarumbeéta.

WARA'AMI 98:4

AAKOÓ MUNGÚ yaamu sleémeero ngu i baraa/iye', afo tleesaak, daaé' ar qwala/, xirfuuwós daa'aak.

WARA'AMI 98:8

Alwuo tsa/i'i ngi tahh, tlom'aá ninakw i dír wák wa daaiye' ar qwala/.

ISAYA 55:12

Asma kuungá' tari ti'itá' ar qwala/, tari tleerá' ar wayda. Tlom'i geerahunge niri daaiyá', xaai sleémeero awa baraá sla/a tsa/ii'ín ngiri slahhiyá'.

YEREMIA 31:7

Asma AAKOÓ MUNGÚ i kaahi, «Daaé' ar qwala/ as múk Yakobo, ururu'uumisé' asma xoorór ur, kaangwí ilahanisaak, baraa/é' tawa kata', ‹AAKOÓ MUNGÚ mukós gwa ba/amís, mukduú Israeli aa meet.›

SEFANIA 3:14

Aá múk gixsár Siyoni, daaé' ar afór ur, kuungaá múk Israeli tsimaahhuusé', Kuungaá múk gixsár Yerusalemu, qwalaala/é' nee baraa/é' ar mune sleémeero.

SEKARIA 4:7

Tloomarí tlerantleer a gár milá dír Serubabeliwo? Kuúng Serubabeli tloomadá' an xatsa tléhh, inós tlaa/anooduú alhhe'eesaay oo do' tlehhit gun qaas, muu sleémeero iri urur'uus, tari oin, ‹Gurtleemu, gurtleemu› as do'odá'.»

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

1 SAMUELI 10:24

Samueli muu sleémeero guri báy, «Heewí taa tsawaár nee AAKOÓ MUNGÚ u ga/eerá'a, inós nee heé slaqmís i kaahh baraá muu sleémeero.» Naxés muu sleémeero kuri ilaaóh ar afór tsimaahhi, ta kaahi, «Waawutmo sagós fur'a ngu laaleer.»