WARA'AMI 46:3 - Biblía Axweesantá Hhohho' ar Mungú 2004

³ tam gwaanduú ma'aay bir xuuruu', laqaá tam tlom'i binda diingitiyé' as tlawi iwa /eeragwa'.

Ya/abtór hho' 1977

³ tam gwaanduú ma'aay bir xuuruu', laqaá tam tlom'i binda diingitiyé' as tlawi iwa /eeragwa'.

WARA'AMI 46:3 Iomraidhean Croise

1 WAAWITÁ 19:11

AAKOÓ MUNGÚ iri oó', «Tláw, gawaá tlooma i sihhiiteek dír geeraaeé'.» Naagáy AAKOÓ MUNGÚ iri waaraáhh, nee fur'ár bambaao ar tlom'i gaa diya/, nee tla/u gaa porxomis ina fukuukú'. Ala AAKOÓ MUNGÚ i kaahh baraá fur'aarihe. Alaá bambaaooro kunseeli nay hardát. Ala AAKOÓ MUNGÚ i kaahh baraá kunseelidae.

YOBU 38:11

Ngari báw, ‹Alhhe'eesaywók a diirí, ma waarahhaar, gwaanduuwók kudá' birna haratláy alhhe'eesaywós a diirí.›

WARA'AMI 18:4

Tsaxwaá gwa'ara ina /amatseegiyé' bihhe sleémeero. Hhituru'uuma ina dae tsát adór alwuo.

ISAYA 5:3

Gawaá adoorihe, sla'aarusmooeé' i kaahi, «Kuungaá yaamuloouusér Yerusalemu nee múk Yuda, kwasleemar'eé' tí tsataare' tla/ángw aníng nee qaymor'eé' ar sabiíbuuwo.

ISAYA 54:10

Asma tlom'i daqtakaaro i quutliyá', gongoama' ki surkuus. Ala sla'aarir'eé' ar warqawaaká i baloó qutlká diroge, nee alqador'eé' tidár wayda ka hingeesiiká diroge.» AAKOÓ MUNGÚ kudá' gurtleemuú koóm daanduuwonge tí gan kah.

YEREMIA 4:24

Aníng ana qaytsiít gawaá tlom'i, naxés tlom'i i daaraxiyá', nee gongooama' i diinginá'.

YEREMIA 5:22

Anuú AAKOÓ MUNGÚ a kah, «Ahaá aníng mis ilaiwawa/a'aaká? Ahaá mas daaraxa'aaká dír geeraeene? Aníng hhasaangw una qaás tawa harki/isoó tlawi, digmuú tlawi waarahhamko i baloó aleesleeraaká. Tam gwaanduú ma'aay digmuudá' ngu aya, ala gu waarahhiiká, tam i /orootli ala gu waa/akutiiká.

MIKA 1:4

Tlom'i gay ya'ár weeqatis adór boohhayángw bihhaá ásltí dirií'. Xatso nay feehhamiitiyá' adór ma'aá hhaahháy.

NAHUMU 1:5

Tlom'i nin daaraxaatiyá' dír geeraawose, tam gongoama' niri weeqiyá'. Yaamu kin daaraxaas dír geeraawós wa alé, yaamu dinkwa nee muruudá' sleémeero oo baraá yaamaá hoota.

Matayo 7:25

Tluwaay iri tluúw, yau niri wa/iyé' amór dó' i alé, nee fur'a guri i fukuukú', ala do'dá' aa huuiiká, asma koo/irós kaa tleéhh gawaá daanduú tlaa/a.

Geehhoeemaá 16:20

Umuúqo yaamaá kaahaar awa tla/ángw tlawtí diriiá' niri ilaá wa qwaariyé', nee tlom'i sleeme kari ariiká.

Geehhoeemaá 17:15

Aluuwo malaykamoodá' iri báy, «Ma'aydá' taa aán, kudá' /ameenidár tsaatuso'o aa al iwít, a muu nee boo/aay nee xoordu nee tsifri.