WARA'AMI 45:7 - Biblía Axweesantá Hhohho' ar Mungú 2004

⁷ Kuúng gan'amu una slá', malgweét ana áhh, gawaá adoorihe AAKOÓ MUNGÚ, kuduú Munguúwók, kuúng una iimbalaáx ar di/i as uwa waawutmoó wa qaasi, una qwal/atís ta waawituú hatlae.

Ya/abtór hho' 1977

⁷ Kuúng gan'amu una slá', malgweét ana áhh, gawaá adoorihe AAKOÓ MUNGÚ, kuduú Mungúwók, kuúng una imbalaáx ar di/i as uwa waawutmoó wa qaasi, una qwala/atís ta waawituú hatlae.

WARA'AMI 45:7 Iomraidhean Croise

1 WAAWITÁ 19:16

Nee Yehu garmoó Nimshi di/i tir iimbalax as tawa waawutmoó Israeli. Elisha garmoó Shafati kuduú Abel-mehola di/ito ku iimbaláx as tawa aarusmoó kitaangók gu óh.

WARA'AMI 101:8

Umuú looár tlawa tlakuuse sleémeero ar baraá yaamu an hhaamiís, sleémeero awa tlakweemá tlehhahhitá', in hingeés baraá gixsár AAKOÓ MUNGUHE.

WARA'AMI 11:7

AAKOÓ MUNGÚ i gan'amuú kón nee hotaá ganaa'á' gi slaa'. Múk ganaá' inós ngu ariyá'.

WARA'AMI 2:2

Waawituú daanduú yaamu ti amohhe'emiis as tawa haratlay, nee geeraharuuse taa kaahi sleér daanduú AAKOÓ MUNGUHE, nee daanduú kudaádá' inós aa tsawaár as tawa waawutmo, tawa kaahi,

WARA'AMI 21:6

Kuúng inós una tsuuqaá alhhe'eesay wásl i hanís, inós i haats qwal/uwo kuúng burtu dirósí tseéw.

WARA'AMI 33:5

AAKOÓ MUNGÚ sakwasleemár gan'amu ga slaa'. Yaamu i hatsiyá' sla'aarirós ar warqawaakahe.

WARA'AMI 89:20

Daudi ugwa tsawaár, sagadiyusmooeé', nee ugwa iimbalaáx di/taeé' tidá' hhohhoe.

WARA'AMI 89:26

Inós aníng iri ateet iri ooi, ‹Kuúng a baabuúeé' nee Munguúeé'. Kuúng a tlaa/ar'eé' nee ba/amar'eé'.›

WARA'AMI 99:4

Kuúng, waawutmoó aleesleemuú koóm, kuúng barqaanti aga hiingés, slám sakwasleemár ganaa' ana tléhh, nee hotángw ganaá' nguna húp dír múk Israeli.

ISAYA 11:4

Ala ar gan'amuuwo narkuute gan sakwasleemuut, inós kudá' tsaén awa yaamu gi kasi tsaat ar adór qoom, nee inós muu gu slaahh ar /aymuú afkós, tlakuuse gan tsuu/ ar hinsluú afkós.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

TLAHHOÓ LAÁWI 8:12

Mose Aroni gway saga iimbalaáx ar di/i as nguwa paraatli.

Matayo 3:15

Yesu iri oó', «Adoorí na ya/aameek, asma gár atén tiwa hariím, tí an tleehhaán as gan'amuú Mungú kuwa boo/eesaan.» Yohane iri ya/án.

Matayo 7:23

Aluuwo án ngiri baw ar gwa/aateema, ‹Án kuungá' nu baloó xuaaká. Quutlé' dir'eene, kuungaásingá' muruú tlákw tlehhahhitá'.› »

Luka 13:27

Ala inós kuungá' nuri bay, ‹Amór ta dahha' aníng a xuaaká. Quutlé' dir'eene kuungaásingá' sleémeero awa tlakuuse.›

Luka 3:22

Qeeruú hhoohhoó' oo Mungú nay aweér gawaawós i alé ar slaqsoó slaqwa adór hhooki, afo nay gawaá doorí wa ilawáts, i kat, «Kuúng a Garmaaeé', sla'aarusmooeé' aníng iga ló'wa qwal/atís.»

Yohana 1:16

Asma baraá hatsmuuwose atén tsuuqa ina slaslawaán daanduú kuqá' wa ale.

Yohana 20:17

Yesu Maria gari báy, «Aníng mi kwatiitaar asma aga ki/iiká amór Baabá. Ala kiíng tláw amór hhaee'eé', ki beer, ‹Aníng a tsa/ám amór Baabuúeé', nee inós a Baabuúhúng sleeme, amór Munguúeé', nee inós a Munguúhúng sleeme.› »

Yohana 3:34

Asma heé Mungú naa ya/aáw, kángw i axweesi oo Mungú. Asma Mungú Qeeruú hhoohhoó' gu haniisiiká ar qoomeemes.

Tlehhema'aá ya/Abuuse 2:28

Loohír amór slafíngw kaw nga aníng i xu'utís. Aníng a haáts qwal/uwo, asma kuúng a dir'eé' dirí'.› »

Rumi 8:29

Asma iimír aáng, inooín kiwa tleehhiiká, Mungú inooín gaa qaroó xuú', slám gaa qaroó tsawaár iwa warqaya', as tawa slaqamís nee Garmaawós. Gawaá adoorihe Garmaawós masók an garmoó baris dír hhaeewós awa yaariire.

Efeso 1:3

Mungú i xirfuuti, Baabuú Aakoorén Yesu Kristo. Inós atén tina tsuúq ar baraá Kristo ar tsuuqa sleémeero awa Qeeru, awa gawaá doori.

Ebrania 1:9

Kuúng hotaá ganaa'á' ina slá', nee tlakweema iga áhh. Gawaá adoorihe, Mungú, inós a Munguúwók, kuúng ugwa iimbalaáx ar di/tá qwala/ ta hhaeewoge.»

Ebrania 2:14

Na/ii tseerer'ín a wak, nee slaqwtaín a wak. Gawaá adoorihe Yesu sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.

Geehhoeemaá 21:27

Ala gár slasla/aar ar baraadá' i dah i káhh. Nee slám heé muruú slasla/arén tlehhahhiít, nee heé lamusmoowo i dahiaaká baraadae. Ala múk baraadá' i dáh, a kudá' kilós umer'ín taa gooín baraá kitaábuuduú slafiingw oo Deelmoó bee/i.

1 SAMUELI 16:13

Samueli xarmooduú di/i guri taataáhh, Daudi guri iimbalaáx dír geeraá hhaeewós wa ale, hamtidár kilae /uuruú qeeruú AAKOÓ MUNGÚ Daudi guri hatsiís. Naagáy Samueli iri kií/ Rama.