WARA'AMI 45:13 - Biblía Axweesantá Hhohho' ar Mungú 2004

¹³ Dasír waawutmo i baraá do', xáy i hhohh'aeér, tlabaawós an tlabaá taa tleéhh ar neewór sahaábu.

Ya/abtór hho' 1977

¹³ Dasír waawutmo i baraá do', xáy i hhohh'aeér, tlabaawós an tlabaá taa tleéhh ar neewór sahaábu.

WARA'AMI 45:13 Iomraidhean Croise

1 WAAWITÁ 5:15

Solomon múk tlaa/aá tlaáq gawaá tloomár wa alé gu kón oo kume mibeeri dakaát, nee múk tlaa/aá loohiís a kume mibeeri faanqw.

DAA'AANGW 7:1

Aá waawuto'ór /amaatliitó'o, xáy, kiíng hhohhoarto a adór milá ya'aawók bira ya/atí dahás. Naawuduuwók naa kumpapuiyé' adór tlaa/aá tlaxo gawden kwaáo kina tleéhh nee tleeusmoó gadiyeé ga baál.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

Luka 11:40

Kuungá' a daktana. Munguúdá' daanda gwaa tleehh, a kudá' gura' gwaa tleéhhiíke sleeme?

Rumi 13:14

Ala kuungá' Aako Yesu Kristo na oohaak tawa baqamorhúng, nee slám ma kumiitara' ilatleerír slaqoohúng kawa tleemisa'.

Rumi 2:29

Ala heé Yahudi oo kilá', an kudá' Yahudi'iimarós baraá muunií dirii'. Nee al/utlór kilá' a tidár muuná kuwa al/utli. Al/utloorí kan tleehh nee Qeeruú hhoohhoó' oo Mungú, slám ka tleehhiiká nee hara'aya. Heé adoorí xirfuuwós amór i dahhi a amór mukooká, ala a amór Mungú.

Rumi 3:22

Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

2 korinto 5:17

Gawaá adoorihe, hee bir baraá Kristó i dirii', inós a heé /abén. Tidá' qaren aa waaráhh, ga/aaweek, ar /aben naa hardát.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

Geehhoeemaá 3:18

Gawaá adoorihe gár kuúng wa hariim a adoorí an tléhh, Sahaábuudá' taa hhoohhooeés ar asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.

1 SAMUELI 16:7

Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»