WARA'AMI 45:1 - Biblía Axweesantá Hhohho' ar Mungú 2004

¹ Muunaáeé' aa haáts /ayma'aá hhoe. Waawutmo u daa'angw'eé' i daá'. Tsifrangw'eé' a adór kalaámuú goousmoó dawa inslaáhh.

Ya/abtór hho' 1977

¹ Muunuúeé' aa haáts /ayma'aá hhoe. Waawutmo u daa'angw'eé' i daá'. Tsifrangw'eé' a adór kalaámuú goousmoó dawa inslaáhh.

WARA'AMI 45:1 Iomraidhean Croise

2 SAMUELI 23:2

«Qeeruú AAKOÓ MUNGÚ i axwees ar loohír aníng, axweesantós ngina qaás baraá afkueé'.

ESRA 7:6

Esrawí nina Babulonír wa tláy. Inós a goousmoó xu'utír koóm daanduú hara'ayár Munguhe tidá' AAKOÓ MUNGÚ, Munguú Israeli aa haniís dír Mose. Inós kuri alee/iís nee waawutmo umuúqo gár i slai, asma AAKOÓ MUNGÚ, Munguúwós i dinkwa nee inós.

YOBU 33:3

Aníng qomtir'eé' an káh, nee tidá' ni xuu' an káh ar inkihhimu.

YOBU 34:4

Qwalaas, gár ganaa' a tsawaaraán a tsawdimaán gar hhoo' a gaalá?

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

WARA'AMI 42:1

Adoodá' saaragi ma'aá yaae ngir ilatleerus, an adór án sleeme kuúng ur ilatleeruus, Munguúeé'.

WARA'AMI 49:3

Afkwe'eene axweesanoó sagalooa un axweés. Inslawoó baraá muunaáeé' oo dahar.

WARA'AMI 69:1

Xáy Mungú, án ba/amisáng, asma ma'aay iga gu/iyé' ay isa.

WARA'AMI 80:1

Kuúngusuú de'eemusmoó múk Israeli, iia qaaseek, múk Yosefu geeraharaahareek adór daqooroó bee/aangw. Kuúngudá' aga gáwtí iwit dír malaykeero, xirfuuwók gwa/atiseek.

AXWEESANOÓ SAGALOOA 16:23

Heé sagalooár koóm sagalooa gun tú/ iwa axweesi ar adór qoom, axweesanaywós i múk afaa/aslín.

DAA'AANGW 1:12

Qoomár waawutmo iwa iwiít gawaá kitaangós kudá' bununuúq Mooyangw'eé' kuduú nárdo nina tláy.

ISAYA 5:1

Aníng sla'aarusmooeé' u i daá'. Daa'ángw sla'aari daanduú qaymoorós ar sabiíbu. Sla'aarusmooeé' qaymór sabiíbu ga kón, gawaá sákw tloomár hhapér hhó' koom.

Matayo 12:35

Heé hhoó' gár i hanmiisi a muruú hhó' baraá daqaari'iimarós tidá' hhooe. Heé tlaákw gár i hanmiisi, a muruú tlákw baraá daqaari'iimarós tidá' tlakwe.

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Matayo 27:37

Nee gawaá ságw msalaábarose gadá' kusa sakwasleemuút kari gooín tidá' kah, «Heewí a Yesu, waawutmoó múk Yahudi.»

Efeso 5:32

Lu/aaráywí ku úr. Ala án gár ni axwees a kángw Kristo nee mukós.

2 Petro 1:21

Asma axweesantá aaru'uuma kinga baloó huwiiká as adoodá' hee i slai. Ala muu axweesantá Mungú gana axweés kiwa geeraharahaár nee Qeeruú hhoohhoó' oo Mungú baraá muner'ine.