WARA'AMI 44:10 - Biblía Axweesantá Hhohho' ar Mungú 2004

¹⁰ Kuúng atén tina tawó meér, wakuuseerén kari ilaguwaán. Inooín muruurén nguna leehhiyé' haasaáng wa ale.

Ya/abtór hho' 1977

¹⁰ Kuúng atén tina tawó meér, wakuuseerén kari ilaguwaán. Inooín muruurén nguna leehhiyé' hasáng wa ale.

WARA'AMI 44:10 Iomraidhean Croise

WARA'AMI 60:12

Mungú bir bartarén i dirii', atén a baalimaán, asma Mungú wakuuseerén ga yaamaá harakalaa/.

WARA'AMI 89:39

Alqadoodá' kuúng taa ó' dír sagadiyusmoowók aga meér, nee slamangós kuduú waawuti'iima ugwa kwáhh baraá teerír i alé.

WARA'AMI 89:41

Muruuwós kun fisiisín nee múk didár waaraáhh, kun niqimis nee inslaawaywós.

WARA'AMI 89:43

Kuúng xooslaarós ar slaqwara aga mutsuhhuúr, as kuwa baali baraá slaqwaraaro.

ISAYA 10:14

Dakw'eene daqaari'iimár xoordu ana sláw adoodá' hee doó tsir/i ngur slaaslay, nee adór muu qanhhár taa geexáy ngir haraki/imaamisi, an adoodá' án ngira haraki/ís baraá yaamu sleémeero, tam heé aa /akuut i kaahh, tam oo afa gwa gweer, laqaá oo aa tsee'.»

ISAYA 10:6

Una ya/aáw xoorór tlaakw ngiwa muxi, una ádbáw mukdá' naa i buúhh nguwa muxi nee ngiwa haasaáng wa ar tlay, ngiwa yaamií kalaa/i adór hhapér baraá loohi.»

YEREMIA 15:13

Aníng daqaari'iimarhúng nee qaasirhunge an haasaáng wa haniís dír wakuuserhúng ar aldaafi wasl, as tlakweemaahúng kudá' taa tlehhaahhité' baraá yaamuhunge.

YEREMIA 20:8

Umuú daqto bar axweés an wa/aá/ niwa kah, «Gaa a /ayta nee hhitiru'uuma.» Asma axweesantá AAKOÓ MUNGÚ bar alki/iít, aqo tin tli/imis nee tin niqín tlaatla/aangw sleémeerowo.

TLAHHOÓ LAÁWI 26:14

«Ala bar aníng iga iiárií qasi'iiká, laqaá hara'ayar'eé' aga eehadi'iiká,

TLAHHOÓ LAÁWI 26:17

Aníng nun harasihhiít, nee wakuuserhúng nuri múx, tunduri sawaawuti'ín nee kudá' naa aahhiye', tundun dae tlaaq, nee tari ti'i'iindá' tam handá' heé naa guus i kahhi.

FAARO 14:42

Gawaá tlom'i mi kawaara' asma aluuwo kuungá' tundu tawo muux nee wakuuserhúng. Asma kuungá' nee AAKOÓ MUNGÚ ti alkoonda'aaká.

FAARO 14:43

Kuungá' barnaxes taa dogé' nee xoorór Amaleki nee ar Kana'ani a hhaandá' baraá slaqwararí ale, asma kuungá' AAKOÓ MUNGÚ eeharto ugwa sié', nee inós nee kuungá' ti alkoonda'aaká.»

DABE 28:25

«AAKOÓ MUNGÚ wakuuserók ga /uurií haniis, kuúng uri bál slaqwaraaro. Kuúng nee inooín tin dogá' ar loohír wák, ala kuúng tari gop ar lohdu faanqw. Kuúng turi aahh baraá waawuti'iima sleémeerowo.

DABE 31:17

Baalaadae aníng inooín ngiri i daa/atúw buhhtaawo, aníng ngiri geexáw, ngiri alaá xu'ús, inooín kiri hhaamiis. Slahh'amaayér yaariir giri sleér, nee ngiri tsaahhiyá' adór gár slahh'amuudá' ngusa slayé' a as Munguúín tawa dinkwaarooká nee inooín.

YOSHUA 7:12

Gawaá adoorihe múk Israeli sihhitanór geeraá wakuuser'ín ga baloó aleeslayká. Inooín aqo tan geeraá wakuuser'ín wa gogoow, asma gár naa tleehhiyé' a gár gi hhaamiis. Aníng nee kuungá' a dinkwaarooká ay dír muruudá' taa paraátl as kuwa hhaamisi kway qororo'osa'.

YOSHUA 7:8

Xáy Aáko, aníng gár ni oo' a milá múk Israeli barnaxés taa goów geeraá wakuuser'ín wa alé?

1 SAMUELI 4:17

Heewí kaangwí gwa huuw iri oó', «Múk Israeli aa goów geeraá múk Filistír wa ale, slám múk yaariír kwa tsuú/, tam daaqaywók tsaraawo, Hofni nee Finehasi, kaa tsuú/ sleeme, nee sandakmoó Mungú kwaa hayóh.»