WARA'AMI 43:4 - Biblía Axweesantá Hhohho' ar Mungú 2004

⁴ Daqaní an tláw amór Mungú, ay dír ilahhooa kawa hanmaamisi. Asma Mungú a qwal/uueé' nee bar/uueé'. Án u xirfayeemiís ar daa'ángw gidaandoori, kuúng AAKOÓ MUNGÚ, Munguúeé'.

Ya/abtór hho' 1977

⁴ Daqaní an tláw amór Mungú, ay dír sluufaay kuwa hanmaamisi. Asma Mungú a qwal/uueé' nee bar/uueé'. Án u xirfayeemiís ar daa'ángw gidaandoori, kuúng AAKOÓ MUNGÚ, Mungúeé'.

WARA'AMI 43:4 Iomraidhean Croise

2 SAMUELI 6:5

Daudi nee múk Israeli sleémeero ta daa', tari faakamiís ni/imaro ar /uuremoín sleémeero dír geeraá AAKOÓ MUNGÚ. Xoslaá tar daai kina slaáhh kudá' taa tleéhh ar xaa'aá ta/eewi, adór gidaandori nee mariímba nee oowiro nee kayambaro nee mitingiraywo.

WARA'AMI 26:6

AAKOÓ MUNGÚ, aníng dabaaeé' in hamaátl as niwa dakuúsár koomaaká, nee dír ilahhooa kuwa hanmamisi ngiwa harweer.

WARA'AMI 33:2

AAKO MUNGÚ xirfayeemisaak ar gidaandoori, sa daa'aak ar seése,

WARA'AMI 42:6

Aníng gurhaami iga ló'wa gás, gawaá adoorihe án kuúng ugwa insláw, iimír yaamaá Yordanír wa aleeró, iimír tloomár Hermoni nee ar Misari.

WARA'AMI 57:8

Garmoó heewí, tlawáng, seése nee gidaandoóri, tlawaaré'! A daa'aán as da/aáw iwa daa/atuur.

WARA'AMI 57:9

Aáko, án kuúng u sluufiís tla/ángw múk wa ale, uri xirfayeemiís ar daa'aangw tla/ángw xoorduú wa ale.

WARA'AMI 63:2

Án kuúng u ár dír do'ók kudá' hhoohhoó' wa ale, as /uuruuwók nguwa ar nee xirfuuwoge.

WARA'AMI 81:2

Daa'ángw wara'ami oohaak, mataári slahhaak, gidaandoorír afo hhohho' nee seése slahhaak.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

Rumi 5:11

Ala a har adoorí kiloseká, ala atén Mungú un sa qwalaala/aán sleeme baraá Aakoorén Yesu Kristowo, kudá' atén taa dír Mungú haraki/is.

Geehhoeemaá 5:8

Qoomár kitaábuudá' nguwa taataáhh, muruudá' tsiyáhh oo slaáf nee bariiseedá' mibeeri tsár nee tsiyáhh tari tumbarara'aát dír geeraá Deelmoó bee/i. Umuúqo heewo baraine i marímbár úr kón, nee slooqa'aá sahaábu awa muruú mooyángw tsuú' koomá' oo ta da/a/an ilahhooár wa ale. Muruuwí mooyángw tsuú' koóm an firór múk hhohhó' oo Mungú.