WARA'AMI 43:3 - Biblía Axweesantá Hhohho' ar Mungú 2004

³ Án gwa/aateemawók i iihardihiye', looeemaawók án i geerahariye', i hardahaasiye' amór tloomaarók tidá' hhoohhoo', dír hotaarirók.

Ya/abtór hho' 1977

³ Án gwa/aateemawók i ii hardahiye', looeemaawók án i geerahariye', i hardahaasiye' amór tloomaarók tidá' hhoohhoo', dír hotaarirók.

WARA'AMI 43:3 Iomraidhean Croise

2 SAMUELI 15:20

Kuúng lat'aáng /abene nina amoorí hardát. Xáy, laarí un taambeerúr áwa dinkwa nee atene? Ga/aaweek, an tláw, amór ni kaw a xuaaká? Kií/ amór do', dinkwa nee hhaeewók. AAKOÓ MUNGÚ hhoeemawós ngi dirógi laqan nee sla'aarirós ar warqawaaká.»

2 SAMUELI 15:25

Waawutmo Daudi Sadoki guri báy, «Sandakmoosuú alqadór Mungú ki/iseek baraá gixsa. Barnaxés aníng taa ya/án dír geeraá AAKOÓ MUNGUHE, aníng iqo ki/is nee i pa/aángwí sláy, sandakmoó alqadorós nguwa male ar, nee dír hotaawose.

1 QOM'I 16:1

Inooín sandakmoó alqado oo Mungú nguna dahaasiyé', ngway qaasiyé' baraá heémadá' Daudi aa amohhe'eés as inós. Inooín ilahhooár da/a nee ar wayduuwo kay haniís dír geeraá Mungú.

1 QOM'I 16:39

Waawutmo Daudi kaahamusmo Sadoki nee hhaeewós kudaá kaahamuuse gina máy tawa gadiyuusi geeraá heémár AAKOÓ MUNGÚ wa ale, tidár didá' gáwtí dirii' baraá Gibeoniro, didár ilahhooa,

1 QOM'I 21:29

Asma heémadár AAKOÓ MUNGÚ tidá' Mose aa tleéhh baraá xaanxaywo, nee kitangwdá' taa ilahhooár wa da/a/án qoomaadae i amoodár gawa ar Gibeonír í dirii'iyá'.

WARA'AMI 119:105

Axweesantók a adór tsaa'asi ar aníng i geerahaar, nee gwa/aateemá baraá loohir'eé'.

WARA'AMI 143:10

Kuúng a Munguúeé'. Intsaahhatisáng ar kuúng ta sla' ngiwa tleehh. Qeeruuwók kudá' hhoó' án i geerahari, ar baraá loohír qoom!

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

WARA'AMI 3:4

AAKOÓ MUNGÚ un ateetiím, inós i mu/aywaats iimír tloomarós ar hhoohhoó' wa ale.

WARA'AMI 36:9

Asma diroge kutloó ma'aá slafiingw i deer, baraá gwa/aateemaawoge atén gwa/aateema i araán.

WARA'AMI 40:11

Kuúng AAKOÓ MUNGÚ, mi /itaar gurtleemuwoge! Aníng amohhe'eemisáng ar sla'aarirók ar warqawaaká nee inkihhimuuwoge.

WARA'AMI 42:4

Qoomár bar muruú aáng ugwa insláw, muunaáeé' in gurhaamuut. Asma qoomaadae tina alkoomakoomaán nee boo/oó úr, ngiri geerahaár tawa hardahaan amór Doó Mungú, boo/oó úr oo muu oo hi'imiít ar afór bara/ nee daa'ángw ilahhooa.

WARA'AMI 46:4

Yaae i deer, ar ma'aywós mukduú baraá gixsár Mungú ngu qwal/atimisá', didá' hhoohhoo' ar Munguúduú Gawa aa hotaangós i qaás.

WARA'AMI 57:3

alee/isaywós ngu gawaá doorií wá huuw iri ba/amis, kudá' aníng i hhitár wa slaá' nguwa mureekeesi. Mungú sla'aarirós ar warqawaaká nee inkihhimuuwose ngi laqán!

WARA'AMI 57:4

Aníng taa harweér nee wakuusér adór direeri, kudá' múk /aa/ayá'. Sihhinaín a adór lawlu nee maheeri, tsifreeri'ín a adór tsatoó xaraásl.

WARA'AMI 78:68

Ala tlahhoó Yuda guna tsawaár, tloomár Siyoni tidá' i ló'wa slai.

WARA'AMI 84:1

Dír hootawók i ló'wa sla'atimis, AAKOÓ MUNGÚ Aleesleemusmo!

WARA'AMI 97:11

Heé hhoó' gwa/aateema ngu i gwa/aatiyá', múk tsaén baraá muner'ine tay qwalalaa/.

MIKA 7:20

Kuúng inkihhimuuwók kuri dír xwaylár Yakobówí laqaán, sla'aarirók ar warqawaaká kari dír xwaylár Abrahámúwí laqaán, adoodá' iimír aange kara dír xwayliiteéréní al'axwés.

MIKA 7:8

Ma qwalaala/aar, wakusmooeé', án bar aga huú', a malé sihhiít. Bar baraá giwtír i dirií', AAKOÓ MUNGÚ a gwa/aateemaeé'.

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

Yohana 1:4

Slafíngw alhhe'eesay wásl in baraawós i dirii', nee slafingwí an gwa/aateemaá muu sleémeero.