WARA'AMI 43:2 - Biblía Axweesantá Hhohho' ar Mungú 2004

² Asma Mungú, kuúng a baqmor'eé'. Asma milá misa kwáhh? Asma milá, mas taamberuús ar tsuunqumis wakusmo iwa baramaanuusi?

Ya/abtór hho' 1977

² Asma Mungú, kuúng a baqmor'eé'. Asma milá misa kwáhh? Asma milá, mas taamberuús ar tsuunqumis wakusmo iwa ngwaanjin?

WARA'AMI 43:2 Iomraidhean Croise

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

WARA'AMI 140:7

AAKOÓ MUNGÚ, kuúng an Munguúeé', kuúng an ba/amusmooeé' oo úr. Sagw'eé' una báq qoomár slaqwaraaro.

WARA'AMI 28:7

AAKOÓ MUNGÚ a /uuruueé' nee gaambór aníng i baaq. Inós un haratlintií' ar muunaáeé' sleémeero. Aníng ina alee/iís niri qwalaá/ baraá muunaáeene, un sluufmiís ar daa'ángw qwala/.

WARA'AMI 31:4

Án duuxáng baraá baraatsufaywí tira naaqo oohi. Asma kuúng a dír guway'eé' ar amohhoo'.

WARA'AMI 42:10

Baramaanuuser'eé' i /ooslisliín tlaatla/aangw sleémeero, adór inkaahhoó sooní wa ale, tawa kaahi, «Munguúwók i amá?»

WARA'AMI 42:9

Mungú, tlaa/ar'eé' un baw, «Asma milá misa gunqaarés? Asma milá mas taamberuús ar tsuunqumis, wakusmo iwa baramaanuusi?»

WARA'AMI 44:9

Tam adoorihe kuúng ta daanduú xu'ús tiri mureekés. Slám nee slawemaá bartaarén taa alkoondi'iiká.

WARA'AMI 71:9

Aníng mi kwahhaar qoomár bar aga diím, /uuruueé' bira /aarúy, aníng mi geexawaar.

WARA'AMI 77:7

Xáy, Aako ti kwáhhi ay alhhe'eesay wasle? Ti male gurhhooárií tleehhiikáhe?

WARA'AMI 88:15

Iimír masoombi'iimar'eene slahh'amu una /aa/aáy tsaxwaá gwa'ara in wa /akumaamiít. Aga ló'wa slahhaá' as muxtaarók.

WARA'AMI 94:14

Asma AAKOÓ MUNGÚ mukós gu mayká, aalirós ga gunqareesiiká.

TI'INAANGW 15:2

AAKOÓ MUNGÚ an /uuruueé' nee an daa'angw'eé'. Inós ina ba/amar'eé' tleehhiít. Inós an Munguúeé', aníng un diidi'iís. Inós an Munguú baabuúeé', aníng un xirfayeés.

ISAYA 40:31

Ala kudá' sleémeero AAKOÓ MUNGÚ harahhifá', inooín /uuruú /abén ngu slaslayá', inooín tari adór gwaresuú wa gáwtí tláy ar hhampe'eeri. Inooín nin ti'ii'iná' ta baloó slaaqatiiká, tan hi'iimiit ta baloó nusqumiitiiká.

ISAYA 45:24

Inooín daanduueene tan ooi, «Gan'amu nee /uuru i dír AAKOÓ MUNGÚ kilós i dirii'iyá'.» Kudá' sleémeero ngwaa buhhtisiye' nin hardihiyá' kiri mureekees.

SEKARIA 10:12

Aníng muk'eé' nguri gawdeés baraá anuú AAKOÓ MUNGÚ, inooín nari hootiyá', inooín umuueé' nguri xirfayeemisiyá'. Anuú AAKOÓ MUNGÚ tí ngina oó'.»

Efeso 6:10

Gimsé', ilakaaharu tleehhaak baraá Aakoowo, nee baraá aleesleemuú /uuruuwose.

Filipi 4:13

Mura' sleémeero u aleesláw baraá kudaádá' aníng i /uurií hanmiisa.