WARA'AMI 42:6 - Biblía Axweesantá Hhohho' ar Mungú 2004

⁶ Aníng gurhaami iga ló'wa gás, gawaá adoorihe án kuúng ugwa insláw, iimír yaamaá Yordanír wa aleeró, iimír tloomár Hermoni nee ar Misari.

Ya/abtór hho' 1977

⁶ Aníng gurhaami iga ló'wa gás, gawaá adoorihe án kuúng ugwa insláw, iimír yaamaá Yordanír wa aleeró, iimír tloomár Hermoni nee ar Misari.

WARA'AMI 42:6 Iomraidhean Croise

2 SAMUELI 17:22

Gawaá adoorihe, Daudi iri tláy, nee mukós kudá' sleémeero ti alkooma'a, tari waaraáhh gayuú yaaér Yordani. Naxés matlaatleero hee i kaahh tam oo wák oo aa alií meet oo yaaér Yordani gaa waaraahhiiká.

2 SAMUELI 17:27

Daudi iwa hardáh yaamaá Mahanaimu, Shobi garmoó Nahashi oo múk Amoni, kudá' gixsár Rabár daáhh, nee Makiri garmoó Amieli, kudá' gixsár Lo-debarír daáhh, dinkwa nee Barsilai heé Gileadi, kudá' gixsár Rogelímúr daáhh.

WARA'AMI 133:3

A adór har'uú gawaá tloomár Hermonír wa paáhh, gawaá tlom'aá Siyonír i alé. Asma Siyoni an didá' AAKOÓ MUNGÚ tsuuqa ngiwa al'axweés ay alhhe'eesáy wasle.

WARA'AMI 22:1

Munguúeé', Munguúeé', án misa meér? Kuúng mustu saáw, mis alee/iská uwa i /aa/amiim baraá slahh'amueene.

WARA'AMI 43:4

Daqaní an tláw amór Mungú, ay dír ilahhooa kawa hanmaamisi. Asma Mungú a qwal/uueé' nee bar/uueé'. Án u xirfayeemiís ar daa'ángw gidaandoori, kuúng AAKOÓ MUNGÚ, Munguúeé'.

WARA'AMI 43:5

Aníng gár nis gurhaamuut a milá? Nee mahar amoqwaqwadiím baraeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.

WARA'AMI 61:2

Una i /aa/amiím niwa baraá hhapeemaá saawá' i dirii'. Qoomaadae niri mune sií'. Geeraharáng as niwa nahhaat baraá tlaa/ár ur.

YONA 2:7

Qoomár muunaáeé' iwa /e/etin, AAKOÓ MUNGÚ nguri insláw, firor'eé' niri hardát amoorók i alé, baraá Do'ók kudá' hhoohhoó'.

Matayo 26:39

Iri geerií kumiít gár niinawe, giti gari yaamúr óh, iri firín iri oó', «Baabuúeé', barnaxes i ya/aán, qoomaarír slahh'amu aníng i wa pa/. Ala ma tleehhaar ar adoodá' án ngir slaa', na tleehheek ar adoodá' kuúng ta sla'.»

Matayo 27:46

Looár gwaleele Yesu iri tseé' ar afór ur, iri oó', «Eloi, Eloi, laama sabaktani.» Gídaabárós a «Munguúeé', Munguúeé', án misa geexeér.»