WARA'AMI 42:5 - Biblía Axweesantá Hhohho' ar Mungú 2004

⁵ Aníng gár nis gurhamuut a milá? Nee mahar amoqwaqwadiím baraaeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.

Ya/abtór hho' 1977

⁵ Aníng gár nis gurhamuut a milá? Nee mahar amoqwaqwadiím baraaeene? Mungú un harahhiíf, asma aníng u malé xirfayeés, kuduú alee/isusmooeé' nee Mungúeé'.

WARA'AMI 42:5 Iomraidhean Croise

YOBU 13:15

Mungú bar aníng i gaasár wa slaa' i gaasi, Aníng harahhifo a koomaaká, tam adoorihe aníng ti aleekalaá/ dír geeraawose.

WARA'AMI 35:14

Tina adór heé mulqumo laáq oo hhiyaawós alee/aa/amiím. Tambeera ina áy as gurhaami, adór heé tsuunqumiís as gwa'arár aayírós.

WARA'AMI 37:7

Dír AAKOÓ MUNGÚ i xasliiteek, inós ku daán ar qitla. Kurkeér heé adoorós tidá' ar al/ayma ga ya/a/aám, nee mukdá' lohuín kudá' tlakw ngaa muruú wa slaye'.

WARA'AMI 38:6

Slahh'amaaye ina qwaambatís. Tlaatla/aangw sleémeero ana toonganumaamiís ar tsuunqumis.

WARA'AMI 42:11

Aníng gár nis gurhaamuut a milá? Nee mahar amoqwaqwadiím baraaeene? Mungú un harahhiíf. Asma aníng u malé xirfayeés, kuduú alee/isusmooeé' nee Munguúeé'.

WARA'AMI 43:5

Aníng gár nis gurhaamuut a milá? Nee mahar amoqwaqwadiím baraeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.

WARA'AMI 44:3

Mukók yaamu gaa hayohiiká ar xooslaá slaqwara, tam baali nga slay'iiká ar /uuruuín, ala nina baaliné' ar /uuruuwók, nee as kuúng tawa dinkwa nee inooín nee kiwa sla'.

WARA'AMI 56:11

Mungú ugwa harahhiíf, a da'ayuutaaká, hee gár i /iisi a milá?

WARA'AMI 56:3

Qoomár bara da'ayuút, án kuúng un harahhiíf.

WARA'AMI 61:2

Una i /aa/amiím niwa baraá hhapeemaá saawá' i dirii'. Qoomaadae niri mune sií'. Geeraharáng as niwa nahhaat baraá tlaa/ár ur.

WARA'AMI 71:14

Ala aníng kuúng un harahhiíf umuú qoomaaro, aníng an kumiít xirfuuwók sleémeero nguwa doogiit.

WARA'AMI 77:3

Qoomár niwa Munguú inslaslaw, nari amoqwaár. Qoomár nguwa aldakuut, nari mune sií'.

ISAYA 30:29

Ala kuungá' múk Yerusalemu an da'á' ar qwala/, adoodá' muu i /imaamisi xweeraá deelór ure. Qwal/uú yaariír nuri áy adór múk daá' ar firiímbi, oo tsa/aa/ám amór tloomár doó AAKOÓ MUNGÚ, amór tlaa/ár Israeli.

ISAYA 50:10

Baraá tla/angwhunge heé AAKOÓ MUNGÚ gu ilaiwawaá/ i deéro, nee oo afór sagadiyusmoowós ga iialooeemiís, kudá' baraá giwtír wa hi'iimiít nee gwa/aateemaá koomaaká, tam adoorihe haandá' umuú AAKOÓ MUNGÚ gun harahhifiit nee Munguúwós guri haratlintatii'?

FAARO 6:26

AAKOÓ MUNGÚ nuwa hhooay nee nu waydií haniisi.›

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Matayo 26:38

Giri báy, «Muunaáeé' gurhaamír yaariir gwa eér ar tsaxwaá gwa'ara. Diirí wa iwiiwitaak, dalaaé' dinkwa nee aníng.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

1 SAMUELI 30:6

Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.