WARA'AMI 41:1 - Biblía Axweesantá Hhohho' ar Mungú 2004

¹ Heé amohhoó' a kudá' narkuute ga gaár i xuú', inós ku alee/iis nee AAKOÓ MUNGÚ baalár slahh'amuuwo.

Ya/abtór hho' 1977

¹ Heé amohhoó' a kudá' narkuute ga gaár i xuú', inós ku alee/iis nee AAKOÓ MUNGÚ baalár slahh'amuuwo.

WARA'AMI 41:1 Iomraidhean Croise

WARA'AMI 112:9

Muu gun qaqáy ar muunuú /awaák, narkuute gan qaqáy tawó ale. Gurhhooarós i baloó fakaká. Heewí ku aleesleemuú i haniis nee slám ku ilaiwawaa/.

WARA'AMI 34:19

Slahh'amuú heé gan'amuú koóm ku yaariír, ala AAKOÓ MUNGÚ gu tuu/ baraá tí sleémeero.

WARA'AMI 37:19

Inooín ki mureekeesiiká qoomár tlaakwe, kureeraá giyeede inooín i /ayiná'.

WARA'AMI 37:26

Qooma sleémeero ku hhoó', i kirkitimis, nee do'ós ku tsuuq as na/iiwós.

AXWEESANOÓ SAGALOOA 14:21

Heé inslaawmoowós gu waaqaqaá' i tlakweemaá tlehhiit, Ala heé narkutmo gu gurtlatláw ku amohhoó'.

AXWEESANOÓ SAGALOOA 16:14

Buhhtaá waawutmo a adór heé gwa'ara naa ya/áp. Ala heé sagalooár koóm gin har'oh.

AXWEESANOÓ SAGALOOA 19:17

Heé narkutmo gwaa /iis a AAKOÓ MUNGÚ guna kirkitís. Inós ku buu' nee Mungú tlehhmuuwós kwí hhooe.

DAHARUSMO 12:1

Baraá masoombi'iimaroge tlehharusmoowók inslaweek, dír qoomár tlaakw nira hardatká, laqaá kureeraá tawa o', «Aníng qwala/ u koomaaká baraá kureerikae.»

YEREMIA 39:17

Ala baalaadá' birna xeér aníng kuúng un ba/amís, kuúng tu gaasiiká nee mukdá' kuúng ta da'ayuumit.

Marko 14:7

Asma narkuute nee kuungá' a dinkwa umuúqo daqto, bar alee/isár wa sla'á', umuúqo siiwaro a aleesleerá' kawa alee/isa'. Ala án nee kuungá' umuú baalaaro a dinkwaarooká.

Tlehhema'aá ya/Abuuse 20:35

Baraá muruú yaariire aníng ngaa laqaám, adór gár atén tiwa hariím, tar liitlakuuse kawa alee/iisaan, ar gadiyér adór tí kawa tleehhaan. Nee /ayma'aá Aako Yesu ki inslawaán, kudá' iwa oó', ‹Qwala/ i deer baraá gaa haniisaro ta baraá gaa ilaooharo.› »

Galatia 2:10

Ala gár wák kilós ngina ooiyé', iwa kaahiya', «Múk narkuute alee/iimisaak.» Nee gaarí a gár án ni tlehhaahhiit ló'wa ale.

1 Tesalonike 5:14

Hháe, atén kuungá' nu firiimaán, tli/uuse naanaaqaak, múk daqatlakwén gurkwa/amisaak, mukdá' haratlintaao niiná alee/iimiisaak, slám kuungá' masók a múk qitluú aleesláw dír muu sleémeerowo.

Ebrania 6:10

Asma Mungú i ganaa'. Slám gadiyérhúng tidá' taa tlehhé' ga gunqareesiiká, nee sla'aarirhúng tidá' taa dirós i geehhooesé' ar loohír múk hhohhó' oo Mungú kuwa sagadiyusé' nee slám tam hamí a kumitá' kuwa sagadiyusa'.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.

Geehhoeemaá 3:10

Kuúng axweesante'eé' tidá' daanduú qiqtliingw aga ót. Gawaá adoorihe aníng kuúng u xuúm qoomaadár iiara'aduuwo, tidá' hardah baraá yaamu sleémeerowo, as muu sleémeero oo baraaká' yaamu kuwa iiari.

RUTI 2:19

Naomi gari yaahás, «Dír laarí bururúwí nguwa sleemís a baraá qaymór heemá? Heesíng kiíng iga xuu' ku tsuuqi.» Inós aayír hhawaatuuwós gari beér, «Laarí dír niwa gadiyuús a baraá qaymór heé ta babay Boasi.»