WARA'AMI 40:8 - Biblía Axweesantá Hhohho' ar Mungú 2004

⁸ Munguúeé', aníng a qwalaalaá/ sla'aarirók ngiwa tlehhiit, dabeerók i baraá muunaáeé' i dirí'.»

Ya/abtór hho' 1977

⁸ Mungúeé', aníng a qwalaalaá/ sla'aarirók ngiwa tlehhiit, dabeerók i baraá muunaáeé' i dirí'.”

WARA'AMI 40:8 Iomraidhean Croise

YOBU 23:12

Aníng dabeerós aga baloó mawiiká. Axweesantós aga amohhe'eés baraá muunaáeé'.

WARA'AMI 112:1

AAKOÓ MUNGÚ xirfayeemisaak. Heé amohhoó' a kudá' AAKOÓ MUNGÚ gu ilaiwawaá/, kudá' hara'ayaarós ga sa qwalalaá/.

WARA'AMI 119:16

Axweesantók a saqwalalaá/. Tidá' kuúng ta kat a gunqareesaaká.

WARA'AMI 119:24

Tidá' kuúng naa ó' an qwal/uueé', asma ina gurbu'uún.

WARA'AMI 119:47

Qwal/uueé' a hara'ayarók ngiwa boo/ees, asma a slaá'.

WARA'AMI 119:92

Dabeerók geera bar qwal/amaayer'eeneeká, geera slahh'amuueé' iga qaroó gaás.

AXWEESANOÓ SAGALOOA 3:1

Garmaaeé', intsaahhatisar'eé' ma gunqaresaar, ala hara'ayduueé' ooheek ar muunaáwók.

YEREMIA 15:16

Aníng axweesantók ana sláw nee ngiri /aáy, axweesantók aníng iri qwal/atís, nee muunaáeé' guri sla'atís, asma aníng tawa kók, aá AAKOÓ MUNGÚ Aleesleemusmo.

YEREMIA 31:33

Alaá deeloorihe alqadoorí an oó' dír múk Israeli, aníng daber'eé' an baraaínií qaás, nee an gooiím baraá muner'ín, aníng tari Munguúín nee inooín tari muk'eé'. Anuú AAKOÓ MUNGÚ tí ngina káh.

Yohana 4:34

Yesu giri báy, «Muruú /aymar'eé' a kwí, sla'aarír kudá' aníng iga ya/aaw an tleéhh, as gadiyeérós ngiwa alhhe'ees.

Rumi 7:22

Asma aníng baraá muunaáeene hara'ayár Mungú an sa qwalalaá/.

Rumi 8:29

Asma iimír aáng, inooín kiwa tleehhiiká, Mungú inooín gaa qaroó xuú', slám gaa qaroó tsawaár iwa warqaya', as tawa slaqamís nee Garmaawós. Gawaá adoorihe Garmaawós masók an garmoó baris dír hhaeewós awa yaariire.

2 korinto 3:3

Asma a gár geehhoo' adór kuungá' tar barwaárén ar amór Kristó daahh. Barwaárí kana gooín ar gadiyeérén. Kaa gooínká ar wiíno, ala kana gooín ar Qeeruú Mungú kudá' slaáf. Kaa gooinká gawaá parhheemaá tlaa/e, ala kana gooín gawaá /aare'eeraá fu'unaay, an baraá munér muu.