WARA'AMI 40:10 - Biblía Axweesantá Hhohho' ar Mungú 2004

¹⁰ Aníng ba/amarók aga ar xasliitiiká baraá muunaáeé'. Aníng inkihhimuwók ugwa alki/iít, nee ba/amaroge. Án sla'aarirók ar warqawaaká aga lu/iiká nee inkihhimuuwoge dír múk yaariire.

Ya/abtór hho' 1977

¹⁰ Aníng ba/amarók aga ar xasliitiiká baraá muunaáeé'. Aníng inkihhimuwók ugwa alki/iít, nee ba/amaroge. Án sla'aarirók ar warqawaaká aga lu/iiká nee inkihhimuuwoge dír múk yaariire.

WARA'AMI 40:10 Iomraidhean Croise

WARA'AMI 22:26

Awa liitlakwen i /ayiná' niri aaxiyá', awa AAKOÓ MUNGÚ ngu leelehhiitá' ngu xirfayeemisiyá'! Inooín i hotaatine' ay alhhe'eesay wasle!

WARA'AMI 25:10

AAKOÓ MUNGÚ mukdá' alqadoorós ga ohiím nee axweesantose, gun geeraharahaar ar sla'aarirós ar warqawaaká nee inkihhimuwose.

WARA'AMI 34:6

Liitlakusmoowí AAKOÓ MUNGÚ guna i /aá/, AAKO iri axaás, guri ba/amís baraá slahh'amaayeerós sleémeero.

WARA'AMI 75:9

Ala aníng tlehhmi'iiwók i alki/iít daqisleém, Munguú Yakobo un xirfuú i daá'.

WARA'AMI 89:1

AAKOÓ MUNGÚ, sla'aarirók ar warqawaaká a daá' ay alhhe'eesay wasle, aníng inkihhimuuwók u alki/iít dír qari sleémeero.

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ESEKIELI 2:7

Kuúng ki axweesante'eé' beér, tam ka axaás, laqaá tam ka axasiiká, asma inooín a múk aa dee/anuut.

MIKA 7:20

Kuúng inkihhimuuwók kuri dír xwaylár Yakobówí laqaán, sla'aarirók ar warqawaaká kari dír xwaylár Abrahámúwí laqaán, adoodá' iimír aange kara dír xwayliiteéréní al'axwés.

Luka 3:6

Nee umuúqo muko ba/amár Mungú kan ar.› »

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

Rumi 10:3

Asma inooín gan'amuuduú amór Mungú daáhh ngu xuiaaká. Inooín gan'amuuín ngun kilooín leelehhiitiyá'. Gawaá adoorihe inooín taa qaasi'iiká baraá gan'amuuduú amór Mungú daáhh.

Filipi 3:9

nee niwa haragwaa' dirós i alé. Daxta aníng hotaá ganaa'á' awa naa sláw as hara'aya ngiwa boo/eés, i kahhiyá'. Hotaá ganaa'á' awa ni xuu' a kudá' kilós hee i slay as Yesu Kristo nguwa haratlintií', an kudá' amór Mungú dahhá', as haratlintaao.

1 Tesalonike 1:8

Asma axweesantá Mungú kaa dirhúng wa axaás a baraá yaamaá Makedonia nee Akaya kiloseeká, ala kángw haratlintaaorhúng dír Munguhe aa tsiyaayaaxaát umuúqo diiro. Gawaá adoorihe atén gár ta ooaan i káhh.

1 Timoteo 1:15

Kaangwí oo ló', oo hariím haratlintaaooro, slám i ló'wa harín ya/aamaro adór Kristo Yesu nira hardáh baraakaá yaamií alé as múk tlakuuse nguwa ba/amisi. Nee aníng a tlakusmoó úr ta tlakuuse sleémeerowo.

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.