WARA'AMI 4:1 - Biblía Axweesantá Hhohho' ar Mungú 2004

¹ Mungú, kuúng an Munguúeé' oo gan'amuú koóm, firor'eé' iiárií qaaseek qoomár bur ateetiím. Ina alee/ís qoomár niwa slahh'amkuú koom. Án gurtlawáng, firor'eé' iiárií qaaseek.

Ya/abtór hho' 1977

¹ Mungú, kuúng an Mungúeé' oo gan'amuú koóm, firor'eé' iiárií qaaseek qoomár bur ateetiím. Ina alee/ís qoomár niwa slahh'amkuú koom. Án gurtlawáng, firor'eé' iiárií qaaseek.

WARA'AMI 4:1 Iomraidhean Croise

YOBU 36:16

Mungú kuúng una duúx baraá slahh'amuuwo, uri huúw ay dír iintlaaxw ar tuwa ditsakusiiká, kuúng wahhana kari /ák.

WARA'AMI 11:7

AAKOÓ MUNGÚ i gan'amuú kón nee hotaá ganaa'á' gi slaa'. Múk ganaá' inós ngu ariyá'.

WARA'AMI 116:16

AAKOÓ MUNGÚ, aníng a lawaalmoowók, án kuúng iga gwét baraá tseegmooro.

WARA'AMI 116:6

AAKOÓ MUNGÚ múk ta gaárií xuiiká gun de'én, qoomár aníng tiwa hara/untsín, inós ina ba/amís.

WARA'AMI 119:132

Amor'eé' i warqawang nee gurtlawáng, adoodá' ki /imamis mukdaádá' u slaá'.

WARA'AMI 143:2

Án a lawaalmoowók, mi baraá kwasleemár i huwaar. Asma baraá múk slafa heé ganaá' i kaahh diroge.

WARA'AMI 17:6

Mungú, án kuúng u fiririím, asma tawa axamis, iiárií qaasáng, axweesanay'eé' axaaseek.

WARA'AMI 22:1

Munguúeé', Munguúeé', án misa meér? Kuúng mustu saáw, mis alee/iská uwa i /aa/amiim baraá slahh'amueene.

WARA'AMI 24:5

Heewí tsuuqa gi ilaoh dír AAKOÓ MUNGÚ wa ale, nee inós ku waahhamín nee AAKOÓ MUNGÚ ba/amusmoowós adór kur dakuús wásl.»

WARA'AMI 25:16

Án i warqawáng nee gurtlawáng, asma aníng a baraá deewa'ame nee baraá slahh'amaaye.

WARA'AMI 31:8

Kuúng wakuuser'eé' aga pa/ángwií haniská oo iwa ot, iri qás dír wayduú koom.

WARA'AMI 41:12

Ala ar baraá hhooeemaeene kuúng aníng iga baraá dabaawógí ót, nee iga geeraawógí qás ay kureeraá kureér.

WARA'AMI 42:1

Adoodá' saaragi ma'aá yaae ngir ilatleerus, an adór án sleeme kuúng ur ilatleeruus, Munguúeé'.

WARA'AMI 45:1

Muunaáeé' aa haáts /ayma'aá hhoe. Waawutmo u daa'angw'eé' i daá'. Tsifrangw'eé' a adór kalaámuú goousmoó dawa inslaáhh.

WARA'AMI 56:1

Aá Mungú, án gurtlawáng, asma múk án slahh'eemiís i deer. Wakuuse in baramaanús tlaatla/aangw sleémeero, nee in slaqwarár i huwaahúp.

WARA'AMI 57:1

Án gurtlawáng, Mungú, aníng gurtlawáng! Asma aníng kuúng ugwa i goów, naa goów baraá mahhatuú hhampe'eeriwók, ay dír tlaftá tlaakw i waarahh.

WARA'AMI 6:1

AAKOÓ MUNGÚ, án mi iigahhaataar ar buhhtaawók, ar buhhtaawoge án mi muxaar.

WARA'AMI 67:1

Mungú ti gurtlay nee ti tsuuqi, nee atén ti ila'ari.

WARA'AMI 76:1

Baraá Yudawo Mungú i xu'utiit, baraá Israeliro umuuwós ku qiitliiká.

ISAYA 45:24

Inooín daanduueene tan ooi, «Gan'amu nee /uuru i dír AAKOÓ MUNGÚ kilós i dirii'iyá'.» Kudá' sleémeero ngwaa buhhtisiye' nin hardihiyá' kiri mureekees.

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

HABAKUKI 3:19

AAKOÓ MUNGÚ, kuduú Aako, an /uuruueé'. Inós diqiyaá ya'aaeé' gin gawdeemiis adór kuqaá saaragi. Aníng in alee/iis tlom'i ngiwa tsa/am. Ku haniisi dír /aylusmoó daá' ar gidaandoori.

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

2 korinto 1:10

Inós atén taa ba/amís baraá tsaxwaá gwa'arár adór tihe, nee slám ti malé ba/amis. Atén aa harahhifaán inós iwa kumiiti atén tiwa ba/amiimisi.

2 korinto 1:8

Hháe, atén adoorí an kaahaán, asma atén a sla'aán kuungá' slahh'amaayeedá' atén taa slawaán baraá yaamaá Asiaro kawa xua'. Asma atén slahh'amaayeedá' taa slawaán ka ló'wa ur, tam atén ana harslaaqataán gagaararo. Tam harahhifór tawa slafaan iri fák.

1 SAMUELI 17:37

Daudi iri oó', «AAKOÓ MUNGÚ kudá' aníng iga ba/amis gawaá afér direerí wa ale, nee afér makaydá' ta bay duúbuuwo, inós aníng i tuu/ gawaá dabaá heequú Filistiro.» Saulo guri báy, «Tláw, AAKOÓ MUNGÚ masók a dinkwa nee kuúng.»