WARA'AMI 39:9 - Biblía Axweesantá Hhohho' ar Mungú 2004

⁹ Aga xasliít afkwe'eé' ugwa mutsutsuú'. Asma kuúng an kudá' adoorí gaa tleehh.

Ya/abtór hho' 1977

⁹ Aga xasliít afkwe'eé' ugwa mutsutsuú'. Asma kuúng an kudá' adoorí gaa tleehh.

WARA'AMI 39:9 Iomraidhean Croise

2 SAMUELI 16:10

Ala waawutmo iri oó', «Xáy, gaarí a milá ar baraá tla/ángw aníng nee kuungá' daaqoó Serúya? Barnaxes AAKOÓ MUNGÚ inós gwa báy, ‹Daudi lu'usek, heé gu yaahaás a heemá oo gu báw, asma milá adoorí mara tléhh?› »

YOBU 1:21

Iri oó', «Nina daanduú yaamií hardáh ar /aankwets, an tláw daanduú yaamuwo ar /aankwets. AAKOÓ MUNGÚ, ngina haniís, nee hamí AAKOÓ MUNGÚ gara tláy, umuú AAKOÓ MUNGÚ i xirfuuti.»

YOBU 2:10

Yobu hareerós gari mu/aywaáts, iri oó', «Kiíng adór tar axwes a adór /ameenár daktana ir axweemaamis. Bar muruú hhó' una dír Mungú wa ilaoohaán, gár muruú tlákw kus ilaoohanaaká a milá?» Baraá muruuwí sleémeero Yobu /aymuú tlaákw afkose gwaa ooiiká.

WARA'AMI 38:13

Ala aníng an adór matooyi, a axamisaaká. Aníng an adór afaa wasli, axweesani a aleeslawaaká.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

1 SAMUELI 3:18

Naagáy Samueli umuúqo /aymuuwo guna oó', oo aa duqún i kaahh. Eli iri oó', «Inós a AAKOÓ MUNGÚ. Inós adór i slai ngi tleehhi.»