WARA'AMI 39:6 - Biblía Axweesantá Hhohho' ar Mungú 2004

⁶ Hee i waaraahh adór geehhantmoó wa ale. Waayaawós nee /ifooro a tawo, i muruú burumburín, ala heé gu sláw gu xuiiká.

Ya/abtór hho' 1977

⁶ Hee i waaraahh adór geehhantmoó wa ale. Waayaawós nee /ifooro a tawo, i muruú burumburín, ala heé gu sláw gu xuiiká.

WARA'AMI 39:6 Iomraidhean Croise

YOBU 14:1

«Heé /ameeni aa laqwál, Deelór hotaawós ka ureeká, slám in hoot ar slahh'amu.

YOBU 7:16

Aga slaaqaát, slafiingw u sla'aaká, aníng mawaaré', slafingw'eé' a adór hiinsluú tawo.

YOBU 7:7

Inslawiím, slafingw'eé' aqo adór hiinsluú tawo, hhooeema i baloó araaká.

WARA'AMI 127:2

Gadiyérhúng a tawo kuungásingá' tseewa tlaatlawá' qatuuwo tari tligá' qata eemuuwo, nee muruú /aymár slahh'amaaye kuri /agá'. Asma Mungú mulqumoowós gun muruuwós i haniis tam i gui.

WARA'AMI 144:4

Hee a adór tawo, deeloorós a adór hhaantamoó waraáhh.

WARA'AMI 89:48

Heé hoót a gaalá oo gwaa'aaká? Heé gwa'ara ilagowto ga aleesláw a heemá?

AXWEESANOÓ SAGALOOA 13:22

Heé hhoó' aali gan haniis dír nángw naangós, Ala daqaari'iimár heé tlaákw kaa amohhe'eés as múk hota ganaá'.

AXWEESANOÓ SAGALOOA 23:5

Asma tawa qaytsita daqaari'iima aa fák, Ila nee tí gár ta aan kwaáo ina tleér ar hhampe'eeri papáh gan ó', adór gwareesír gawaá doori.

AXWEESANOÓ SAGALOOA 27:24

Asma daqaari'iima i hotatindaaká ay kureér, tam slamaangw i kumamitiiká ay qari sleémeero.

DAHARUSMO 1:14

Mura' sleémeero oo muu i tlehhaahhiti baraá yaamuwo ugwa alqaytsiít, nee umuúqo gaaro a tawór huwisha, adór heé fur'a gaa alta'aain.

DAHARUSMO 11:10

Ma baraá muunaáwók i gurhamuutaar, ti ila/, nee slaqwtók ma slahh'eemisaar, asma masoombi'iima a tawo nee tla/aa tsaraaro.

DAHARUSMO 12:13

Alhhe'eesoó /aymi'i sleémeero awa taa axasi, gár ni oo' a tí, Mungú ilaiwaa/eek, nee hara'ayaarós na ooheek, asma an gár afhhamít dír heewo.

DAHARUSMO 12:8

Daharusmo i kaahi, «Tawór huwisha, tawór huwisha umuúqo gaaro a tawór huwisha!»

DAHARUSMO 2:26

Mungú sagalooa, nee fuquraangw nee qwal/amaaye gan haniis dír heé inós gu sla'atimís, ala heé tlaákw guna gadiyér gawídií haniís ar bu'uungw nee buruumburiingw, nee tidá' taa sláy kari haniis dír heedá' Mungú gu sla'atimís. Tí sleeme a tawór huwisha, nee a adór heé fur'a gaa alta'aain.

DAHARUSMO 2:8

Aníng peésa nee sahaábuú hhohhoe ina burumbuúr baraá daqaari'iimár waawituú hatlá' wa ale, nee baraá yaamuueé' kudá' naa sawaawuti'iím. Daauusér hhawaate nee ar /ameenaaro ana burumbuúr sleeme, nee /ameenár yaariir ar quturmo waslen, tidá' hhawaate i waatlakweemisiya'.

DAHARUSMO 5:14

Gitsa/aá tlakwe daqaari'iimadá' bira hhiturút iri fák, gár aa dakós i met i káhh, slám inós a heé na/oó koóm.

ISAYA 55:2

Ahaá waáy gár peésarhúng kas hhitiindá' as gár /aymaarooká, nee tawa gadiyus daanduú gár guruú dalaa/akahe? Aníng kángw kilá' wa iiárií qaasaré', kuungá' daqaní muruú /aymár hhó' u /agá', nee muruú wahhaár kuri saqwalaala/a.

Luka 12:26

Ala bar kuungá' gár niina tleehhamooro ta aleesleera' i káhh, kuungá' mahar daawiimitá' as muruuwuú hatlá'?

Luka 12:29

«Kuungá' gár ta /aga' laqaá ta wata' ma leelehhiitara', slám ma daawimitaara'.

1 Korinto 7:31

Nee mukdá' muruú yaamuuká' gu eeharahár masók a adór múk gu eeharaharaaká. Asma yaamuuká' adoorí hám i diri'iia, i qwaariyá'.

Yakobo 4:14

Ala tam adoorihe kuungá' a xua'aaká ar matlo tleehharuut. Slafingwhúng a gár milá? Asma kuungá' a adór wahaamuú qoomár niina, alaá qoomár niina bira waaráhh iri ilaá wa qwaar.

Yakobo 5:3

Sahaábuuhúng nee peésarhunge kútu gaa óh. Kútuusíng in lamabu'uungw tleehhiit oo kuungá' nu sakwasleemuút. Asma kútuusíng fu'unaá slaqoohúng gi /aay adór asltá wa ale. Kuungá' daqaari'iima ana qasé' qoomaarír alhhe'eesoó yaamuwo.

1 Petro 1:24

Asma Gooi i kat, «Muu sleémeero a adór gitso, nee hhohhoarir'ín sleémeero a adór /ayór gitso. Gitso in kát, nee /ayo iri páhh.

1 Petro 5:7

Daawitamerhúng sleémeero gawaawós ti qase', asma inós ti daawitimiis as kuungá'.