WARA'AMI 39:12 - Biblía Axweesantá Hhohho' ar Mungú 2004

¹² AAKOÓ MUNGÚ, firor'eé' axaaseek, /aa/ee'eé' iiárií qaaseek, ma xasliitaar qoomár bar /aa/amiím! Asma aníng a dahaaymoowók oo waaraáhh, aausmo adór baabi'iieé' sleémeero.

Ya/abtór hho' 1977

¹² AAKOÓ MUNGÚ, firor'eé' axaaseek, /aa/ee'eé' iiárií qaaseek, ma xasliitaar qoomár bar /aa/amiím! Asma aníng a dahaaymoowók oo waaraáhh, aausmo adór baabi'iieé' sleémeero.

WARA'AMI 39:12 Iomraidhean Croise

IIMU/UUNGW 21:34

Abrahamu iri hoót deelór yaariire baraá yaamaá Filistír wa alé tawa /eetusmo.

IIMU/UUNGW 47:9

Yakobo Farao guri báy, «Kureeraá naa hoót tawa adór aausmo a tsiiru nee mibeeri tám. Kureeriiká' ki niina, slám awa slahh'amaayér koomá'. Ala adór kureeraá taati'iieé' naa dahi'iimár hootiyé' ngaa ay'iiká.»

2 SAMUELI 16:12

Hám wané', AAKOÓ MUNGÚ slahh'amueé' gwaa ár. Inós adoorí aníng tiwa lu'umisi laarí ngin buu' ar hhooeema.»

2 WAAWITÁ 20:5

«Alu i ki/eek, Hesekia, geeraharusmoó muk'eé' baweek, ‹Anuú AAKOÓ MUNGÚ, Munguú baabuúwók Daudi a kah, Aníng firoorók aga axaás, nee hhirhheriiwók iga ár. Ga/aaweek, aníng kuúng u hungu/uús, nee bál tame kuúng ta daqeér baraá Doó AAKOÓ MUNGÚ.

1 QOM'I 29:15

Asma atén a adór dahaaye nee múk waaraáhh geeraawoge ar adoodár baabi'iirén sleémeero. Deelór hotaarén baraakaá yaamuwo a adór mahhtuú waaraáhh, harahhifór hota i káhh baraakae.

YOBU 13:28

Aníng an suwawa'aát a adór xa'anoó aa slupuut, a adór tlawuú tlúsá aa /aáy.»

YOBU 16:20

Mulqer'eé' aníng i waaqaaqá', hhirhheerieé' naa ku'uutiyé' as Mungú nguwa fiririim.

WARA'AMI 102:1

AAKOÓ MUNGÚ, firor'eé' iiárií qaaseek, afór /aa/ee'eé' u i hardat.

WARA'AMI 116:3

Tsaxwaá gwa'ara ina harweeriyé', /aanta ngay da'ayuút, slahh'amu iga daawitamérár gaás.

WARA'AMI 119:19

Aníng a adór dahaaymoó waaraáhh baraá yaamuwo, hara'ayarók ma lu/aar dir'eene.

WARA'AMI 119:54

Qoomár niwa baraá dahaayi'iimár i dirii', daa'angw'eé' a daanduú hara'ayarók.

WARA'AMI 56:8

Amoqwaqwadingw'eé' sleémeero kuúng u xú', hhirhheerieé' kuúng i insleér, xáy, kaa gooínke baraá kitaábuuwoge?

WARA'AMI 90:9

Deeloorén sleémeero aa waaráhh baraá buhhtaawók, kureeraá slafingwrén niri faakiyé' adór hiinsla.

TLAHHOÓ LAÁWI 25:23

«Yaamu mi baloó weerisaara', asma a kwe'eé', nee kuungá' a dahaaye, nee aauuse baraá yaamueene.

2 korinto 5:6

Gawaá adoorihe atén deelo sleémeero haraxu'uti a koomaán, nee slám a xuaán qoomaarí atén tawa hootaan baraá slaqooká' wa ale, atén dír Aakoowo a kahhaán.

Ebrania 11:13

Mukwí sleémeero ina qaátl, tawa baraá haratlintaaór i dirii'i. Ala muruudá' Mungú aa al'axweés inooín kwaa slayká. Kuna ár amór saáw i alé, kuri sa qwalaalaá/. Nee adór inooín tar dahaaye nee aauuse baraá yaamuwo kari ya/an.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.

1 Petro 1:17

Kuungá' Mungú bur firiiriindá', un Baabár ateetiindá', inósuudá' umuúqo heewo gu sakwasleemuút ar qoomoó tlehhemi'iiwós ar barqaanti wasle. Gawaá adoorihe, kuungá' hooté' ar Mungú kuwa ilaiwawa/a' baraá qoomaarí tawa hota' baraakaá yaamuú wa ale adór dahaaye.

1 Petro 2:11

Sla'aaruuser'eé', kuungá' a adór múk waaraáhh nee adór dahaaye tawa hota' baraakaá yaamuwo. Ala án kuungá' nu gurbuú', kuungá' ti harmagahhe' nee ilatleeri sleémeero ar slaqwa, asma i sláqw nee qeeru.