WARA'AMI 39:1 - Biblía Axweesantá Hhohho' ar Mungú 2004

¹ Ana oó', «Inkihhimu un tleéhh baraá muruudá' ni tlehhiita, as kahhó' mawa dakuús. Afkwe'eé' un har óh, qoomár múk tlákw bira haratseewúy.»

Ya/abtór hho' 1977

¹ Ana oó', “Inkihhimu un tleéhh baraá muruudá' ni tlehhiita, as kahhoó' mawa dakuús. Afkwe'eé' un har óh, qoomár múk tlákw bira haratseewúy.”

WARA'AMI 39:1 Iomraidhean Croise

1 WAAWITÁ 2:4

as AAKOÓ MUNGÚ al'axweesantós ngiwa boo/eesi, /aymuuwós kudá' naa oó' daanduueene tidá' iwa oó', ‹Barnaxes daaqaywók birta harmaagaáhh baraá hotaaine, tawa dir'eé' wa hooti ar inkihhimu, ar muner'ín sleémeero nee qeeruuín sleémeero, daqaní kuúng hee u baloó dakuská oo iwiít baraá kitángw waawuti'iimár múk Israeli.›

2 WAAWITÁ 10:31

Ala Yehu hara'ayár AAKOÓ MUNGÚ, Munguú múk Israeli gaa iialooeesiiká ar muunaáwós sleémeero, kitaangose inós loohidár Yeroboamu kudá' múk Israeli gwa qwaarees baraá tlakweema gana eehár.

1 QOM'I 16:41

Inooín a dinkwa nee Hemani nee Yedutuni nee mukduú hatlá' taa tsawaár, kudá' umer'ín taa oó' as AAKOÓ MUNGÚ nguwa sluufmisiya' as sla'aarirós tidá' warqawaaká ay kureeri sleém.

YOBU 2:10

Yobu hareerós gari mu/aywaáts, iri oó', «Kiíng adór tar axwes a adór /ameenár daktana ir axweemaamis. Bar muruú hhó' una dír Mungú wa ilaoohaán, gár muruú tlákw kus ilaoohanaaká a milá?» Baraá muruuwí sleémeero Yobu /aymuú tlaákw afkose gwaa ooiiká.

WARA'AMI 119:9

Adór masoomo slafiingós ngur qoomeesi? Aqo bar axweesantók birnga óh.

WARA'AMI 12:4

kudá' kaahá', «Atén arba/ati a slawaán ar axweesantarén. Afeerén tin alee/ís, heé ti arbaá/ a heemá?»

WARA'AMI 141:3

Aá AAKOÓ MUNGÚ, afkwe'eé' xuumeek, /ayma'aá afkwe'eé' qwatsiimeek.

WARA'AMI 34:13

Tsifraangók ila/eek dír muruú tlakwe, nee fola maweek.

WARA'AMI 62:1

Aníng Mungú un daamaraám ar qitla, ba/amar'eé' amór i dahh a amoorós.

WARA'AMI 77:1

Mungú un i /aa/amiím ar afór ur, un i /aa/amiím as kahhó' inós aníng iwa axaasi.

AXWEESANOÓ SAGALOOA 18:21

Gwa'ara nee slafiingw baraá tsifraango i dayá', Múk kangós slaá' ngu slayá' oo bu'uút.

AXWEESANOÓ SAGALOOA 21:23

Heé afkós nee tsifraangose gi il/aám, a tin kilós /iimiis baraá slahh'amko.

AMOS 5:13

Gawaá adoorihe heé sagalooa ina xasliit qoomaadae, asma qoomaadá' a qoomár tlaakw.

Kolosai 4:5

sagalooa koomaak dír mukduú haratlintaaór koomaakahe, umuúqo pa/ángw taa sleeré' ar gadiyusaak.

Ebrania 2:1

Gawaá adoorihe atén gár tiwa hariím ya/abtoodá' taa axaasaán an ak alqaytsimiitaán ló'wa ale, as kahhó' atén mawa paslaán baraá loohirene.

Yakobo 1:26

Hee bir kaahi, «Aníng a diínír koóm,» ala inós tsifraangós gu il/anká, heewí a muunaáwós kilós gun al/agín. Diínír heé adoorí i hariindaaká.