WARA'AMI 38:6 - Biblía Axweesantá Hhohho' ar Mungú 2004

⁶ Slahh'amaaye ina qwaambatís. Tlaatla/aangw sleémeero ana toonganumaamiís ar tsuunqumis.

Ya/abtór hho' 1977

⁶ Slahh'amaaye ina qwaambatís. Tlaatla/aangw sleémeero ana toonganumaamiís ar tsuunqumis.

WARA'AMI 38:6 Iomraidhean Croise

YOBU 30:28

Aníng an tsuunqumiís nee an baraá giwtír wa hi'iimiít. An tla/ángw múkwí sihhiít a alee/isoó fiririím.

YOBU 7:5

Slaqwte'eé' tsuma gaa gás, nee /ayma gaa ii dát, kaahartá slaqwtaeé' aa pu/umít, iri malhhartá um'aá tléhh.

WARA'AMI 107:17

Bahh'alé tana daktu'umiít asma dee/aanuín, niri slahhahhaiyé' as tlakweemaaín.

WARA'AMI 145:14

AAKOÓ MUNGÚ kudaádá' sleémeero naa huuiye' gin gáwtí oh, kudaádá' sleémeero gurhaamutá' gin gurkwa/as.

WARA'AMI 31:10

Baraá slafingw'eene ana hoót ar gurhaami, nee kureerieé' nina waarahhiyé' ar baraá qununu/aay. Slahh'amaaye ina neehuúr, niri fadu tleehhiít.

WARA'AMI 35:14

Tina adór heé mulqumo laáq oo hhiyaawós alee/aa/amiím. Tambeera ina áy as gurhaami, adór heé tsuunqumiís as gwa'arár aayírós.

WARA'AMI 42:5

Aníng gár nis gurhamuut a milá? Nee mahar amoqwaqwadiím baraaeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.

WARA'AMI 42:9

Mungú, tlaa/ar'eé' un baw, «Asma milá misa gunqaarés? Asma milá mas taamberuús ar tsuunqumis, wakusmo iwa baramaanuusi?»

WARA'AMI 43:2

Asma Mungú, kuúng a baqmor'eé'. Asma milá misa kwáhh? Asma milá, mas taamberuús ar tsuunqumis wakusmo iwa baramaanuusi?

WARA'AMI 57:6

Tsaaxweeli kana qaás as tiwa ya'a' oohi. án nay ló'wa gurhaamuút, bohoongw ngwa dír geeraaeé' fooliyé', ala inooíná kilá' nay baraadí /eetiyé'.

WARA'AMI 6:6

Gurhaamir'eé' iga slaaqatís. Daqisleém xweeraawo hhirhheerieé' nin ku'umamitiyá' gawaá qatanir'eé' ale. Hhaftuueé' iri naá/ as hhirhheeraá /aa/ee'eé'.

WARA'AMI 88:9

Ilaaeé' naa maa/uutiyé' as slahh'amaaye, AAKOÓ MUNGÚ, kuúng umuú deeloro un i /aa/amaamiím, ugwa dabaaeénií tleés.

ISAYA 38:14

«Aníng ana adór halee/amó wá inini'imamiít ana hununu'umamiít adór hhookír wá ale, ilaeé' niri maa/uumitiyé' as xumsír gawa, ana oó', ‹Aá AAKOÓ MUNGÚ, aníng a slahhaá' kuúng masók a slafingw'eé'.›